តើអត្តសញ្ញាណជាតិជាអ្វី ?

អត្តសញ្ញាណជាតិ ប្រែថាជាសេចក្តីដឹងជាក់ រឺសេចក្តីចូលចិត្តស៊ប់ទៅលើគ្រឿងសំរាប់សំគាល់ខ្លួន រឺក៏ជាសញ្ញាដែលអាចសំគាល់បានថា ពត៌មាននោះៗពិតជាមាន រឺត្រូវចំលើរូបបុគ្គលរឺក៏លើវត្ថុណាមួយដូចជាមនុស្ស សត្វ វត្ថុ ដែនដី ប្រវត្តិសាស្រ្ត វប្បធម៌ អរិយធម៌ អភិបាលកិច្ច សង្គមខ្មែរជាដើម ដែលតែងតែមមា​នអត្តសញ្ញាណផ្ទាល់ខ្លួនជានិច្ច ។​ម្យ៉ាងទៀត ន័យខាងចិត្ត អត្តសញ្ញាណជាតិ រឺអត្តសញ្ញាណសង្គម គឹជាជំនឿនៃបុគ្គលម្នាក់ៗដែលថា ខ្លួនបានរស់នៅក្នុងសហគមន៍មួយដែលមានភាសា និងវប្បធម៌ដូចគ្នា រស់នៅលើទឹកដីជាមួយគ្នាមានអតីតកាលដូចគ្នា មានមនោសញ្ចេតនា និងឆន្ទៈរួមគ្នា និងដែលអាចបង្កើតបាននូវអត្តចរិត និងទំនៀមទម្លាប់មួយដោយឡែកពីគ្នាជាដើម ។