ហេតុអ្វីបានជាមានការបោះបាយបិណ្ឌ នៅមុនថ្ងៃរះ ? តើអ្នកយល់យ៉ាងណា ?

គេយកបាយទៅបោះឱ្យបាននៅពេលមុនថ្ងៃរះ ។ បើបោះនៅពេលថ្ងៃរះ ពួកប្រេតមិនអាចទទួលយកបានទេ ពីព្រោះប្រេតបានរលាយខ្លួនបាត់ទៅហើយ ។ បើយកបាយជើងបិណ្ឌទៅបោះនៅមុនថ្ងៃរះដែលបានន័យថាបាយជើងបិណ្ឌ និងបោះបាយបិណ្ឌជាពិធីតែមួយ ។ តែគ្មានអ្នកណាម្នាក់​ ឬឯកសារណាមួយ បាននិយាយគេយកបាយជើងបិណ្ឌទៅបោះ ៖

• នៅពេលម៉ោងប៉ុន្មាន ?
• យកទៅបោះក្នុងមួយថ្ងៃម្តងឬ ?
• ឬដល់១៥ថ្ងៃ ក៏ទើបយកទៅបោះតែម្តង ? ខ្ញុំយល់ថាទំនៀមនៃការបោះនេះ គឺធ្វើតាមទំនៀមទម្លាប់តៗគ្នាមកដោយមិនឃើញមានគម្ពីរ ឯកសារណាបញ្ជាក់ពី ការបោះបាយបិណ្ឌនោះទេ ។ គ្រាន់តែការយល់ ឃើញរបស់មនុស្សគិតថាប្រេតមិនអាចត្រូវពន្លឺថ្ងៃបានទេ ។
• ម៉្យាងទៀត នៅពេលព្រះសង្ឃសូត្រ “បរាភវសូត្រ” ចប់ទើបអាចនាំគ្នាយកបាយជើងបិណ្ឌចែកគ្នា យកទៅបោះជុំវិញព្រះវិហារ ស្រែចម្ភាររបស់ខ្លួន មុនពេលថ្ងៃរះ ។ តើព្រះសង្ឃអាចមកសូត្រនៅពេលដែលមិនទាន់មានពន្លឺថ្ងៃបានដែរឬទេ ?