ដើម្បីឲ្យមនុស្សទៅរកសន្តិភាពតាមបែបពុទ្ធសាសនា មនុស្សត្រូវអនុវត្តមាគ៌ាអហិង្សារបស់ព្រះពុទ្ធសាសនាចំនួន ៨យ៉ាងមានដូចជា៖
ក ការយល់ឃើញត្រូវ
- ការយល់ឃើញច្បាស់លាស់នៃសេចក្តីទុក្ខសោកពិតប្រាកដ ហេតុនាំឲ្យកើតមានទុក្ខ
ខ. ការត្រិះរិះ
- ការប្រព្រឹត្តអំពើល្អ ការរក្សាវិន័យ សេចក្តីមេត្តាករុណា មុទិតា ឧបេក្ខា ពៀរំងាប់ដោយការមិនចងពៀរ ការព្យាបាទ គំនិតគុំគួន ការច្រណែនឈ្នានីស សេចក្តីលោភលន់ សេចក្តីស្អបខ្ពើម ការខឹងក្រោធ និងភាពល្ងង់ខ្លៅ ។
គ. ពាក្យសម្តីត្រូវ
- វាចារសុចរិត ពិតត្រង់ដូចជា ការមិនពោលពាក្យកុហក បោកបញ្ជោត
- ការមិនពោលពាក្យអាក្រក់ គំរោះគំរើយ ជេរប្រទេច ដៀលតិ្មះ
- មិនពោលពាក្យក្រម៉ាច់ លេងសើចឥតតប្រយោជន៍ហួសហេតុ
ឃ. ការងារត្រូវ
- ការប្រព្រឹត្តដ៏ល្អទៀងត្រង់ ខាងផ្លូវកាយដូចជា ការមិនបៀតបៀនសម្លាប់សត្វមានជីវីត មិនត្រូវលួចប្លន់ បំពានលើភេទនានា ការមិនលូចប្លន់លើទ្រព្យសម្បត្តិអ្នកដទៃ មិនប្រព្រឹត្តក្នុងកាម
ង. ការចិញ្ចឹមជីវីតត្រូវ
- ការប្រកបរបរ រកស៊ីប្រកបដោយគន្លងធម៌ រកស៊ីមិនលួចទ្រព្យសម្បត្តិរបស់អ្នកដទៃ ទ្រព្យសម្បត្តិរដ្ឋ មិនប្រកបមុខរបេពុករលួយផ្ទយនឹងមុខច្បាប់រដ្ឋដូចជា ការរត់ពន្ធ ពេស្យាចារ ការធ្វើជំនួញទុចរិត ការលក់មនុស្ស ការលក់គ្រឿងញៀន ឬលក់ថ្នាំពុលជាដើម ។
ច. ការព្យាយាមត្រូវ
- ព្យាយាមទល់នឹងអកុសលគ្រប់យ៉ាង
- ការព្យាយាមសន្សំកុសលដែលមិនទាន់មាន
- ការព្យាយាមរក្សាកុសលធម៌ដែលមានមកហើយកុំឲ្យបាត់ទៅវិញ
ឆ. ការរំលឹកឃើញត្រូវ
- ការពិចារណាឃើញថាអ្វីៗទាំងអស់សុទ្ធតែមិនស្ថិតស្ថេរ
- ជីវីតសត្វលោកទាំងអស់សុទ្ធតែជាទុក្ខ
ជ. តម្កល់ចិត្តត្រូវ
- ការញុំាងចិត្តឲ្យស្ងប់ស្ងាត់ដើម្បីហ្វឹកហាត់ ឬអប់រំចិត្តឲ្យបរិសុទ្ធមានអារម្មណ៍នឹងនរឈប់រវើរវាយវិលវល់ឲ្យចិត្តនៅស្ងប់ជានិច្ចក្នុងអារម្មណ៍តែមួយដើម្បីស្វែងរកសេចក្តីសុខស្ងប់ខាងផ្លូវចិត្តតែមួយមុខ ។
សរុបមក សីលធម៌ មាគ៌ាអហិង្សាដ៏ឧត្តមទាំងប្រាំបីខាងលើនេះហើយដែលជាផ្លូវដ៏ប្រសើរខ្ពង់ខ្ពស់ទៅរកការលប់បំបាត់សេចក្តីទុក្ខសោក និងនាំមកនូវសេចក្តីសុខសន្តិភាពជូនប្រជាពលរដ្ឋយ៉ាងបរិបូណ៍ ។
