វិញ្ញាសាជីវៈវិទ្យា សម្រាប់ត្រៀមប្រឡងសញ្ញាបត្រមធ្យមសិក្សាទុតិយភូមិ (វិញ្ញាសាទី២២)

សំណួរ

១. ដូចម្ដេចដែលហៅថាដំណើរលំអងកាត់ ?

២. ដូចម្ដេចដែលហៅថាក្រពេញអង់ដូគ្រីន ? រៀបរាប់ឈ្មោះក្រពេញនោះឪ្យបាន ៤ ប្រភេទ ។

៣. ហេតុអ្វីបានជាគេនិយាយថាតំណលំដាប់អាស៊ីតអាមីនេកំណត់ទម្រង់និងនាទីរបស់ប្រូតេអ៉ីន ?

៤. ដោយផ្អែកតាមនាទីរបស់វា ណឺរ៉ូនមានប៉ុន្មានប្រភេទ ? អ្វីខ្លះ ? មាននាទីដូចម្ដេចខ្លះ ?

៥. ចូរពិពណ៌នាពីនាទីរបស់ ARNt និង ARNr ក្នុងចលនាសំយោគប្រូតេអ៉ីន ។

ចម្លើយ

១. ដែលហៅថាដំណើរលំអងកាត់គឺជាការផ្ទេរគ្រាប់លំអងពីប្លោកលំអងរុក្ខជាតិមួយទៅលើស្ទិចម៉ាតនៃផ្ការុក្ខជាតិផ្សេងទៀត ។

២. ក្រពេញអង់ដូគ្រីនគឺជាក្រពេញបញ្ចេញក្នុង ដែលគ្មានបំពង់នាំហើយវាបញ្ចេញអរម៉ូន ឬ ផចលិតផលរបស់វាទៅក្នុងចរន្ដឈាមដោយផ្ទាល់ ។ រៀបរាប់ឈ្មោះ ក្រពេញអង់គ្រីនឪ្យបាន ៤ ៖

• ក្រពេញអ៉ីប៉ូភីស
• ក្រពេញទីរ៉ូអ៉ីត
• ក្រពេញលើតម្រង់នោម
• ក្រពេញអ៉ីប៉ូតាឡាមុស ។

៣. បានជាគេនិយាយថាតំណលំដាប់អាស៊ីតអាមីនេកំណត់ទម្រង់ និងនាទិរបស់ប្រូតេអ៉ីន ពីព្រោះតែប្រូតេអ៉ីនជាប៉ូលីសមែននៃអាស៊ីអាមីនេ ហើយតំណលំដាប់នៃការតម្រៀអាស៊ីតអាមីនេក្នុងម៉ូលេគុលប្រូតេអ៉ីនធ្វើឪ្យម៉ូលេគុលនោះមានទម្រង់ខុសៗគ្នាដែលទម្រង់ទាំងនោះជាអ្នកកំណត់នាទីរបស់ប្រូតេអ៉ី​ន ។

៤.  ដោយផ្អែកតាមនាទីរបស់វា ណឺរ៉ួនមាន ៣ ប្រភេទ គឺ ណឺរ៉ូនវិញ្ញាណនាំ ណឺរ៉ូនចលករ និងណឺរ៉ូនភ្ជាប់ ។

• ណឺរ៉ូនវិញ្ញាណនាំ មាននាទីដឹកនាំព័ត៌មានចេញពីធ្មូលវិញ្ញាសាទៅកាន់មណ្ឈមណ្ឌលប្រសាទ
• ណឺរ៉ូនចលករ មាននាទីដឹកនាំត័ព៌មានពីមជ្ឈមណ្ឌុលប្រសាទទៅកាន់សរីរាង្គប្រតិកម្មដូចជាសាច់ដុំឬក្រពេញ ។
• ណឺរ៉ូនភ្ជាប់ ស្ថិតនៅចន្លោះណឺរ៉ូនវិញ្ញាសានាំនិងណឺរ៉ូនចលករ វាមាននាទិបញ្ចូលព័ត៌មានរវាងណឺរ៉ូនវិញ្ញាសានាំនិងណឺរ៉ូនចលករ ។

៥. នាទីរបស់ ARNt និង ARNr ក្នុងចលនាសំយោគប្រូតេអ៊ីន ៖

• ARNt ( ARN ដឹកនាំ ) ​មាននាទីដឹកនាំអាស៊ីតអាមីនេពីស៊ីតូប្លាសចូលទៅក្នុងរីបូសូម និងទទួលស្គាល់កូដុងរបស់ម៉ូលេគុល ARNm ដោយអង់ទីកូដុងដើម្បីចូលរួមបកប្រែព័ត៌មានសេនេទិច ឪ្យទៅជាប្រូតេអ៉ីន ។
• ARNr ( ARN នាំសារ )មាននាទីភ្ជាប់ជាមួយ ARNm សំយោគប្រូតេអ៉ីន។ វាជារោងជាងសាងសង់ប្រូតេអ៉ី​ន ។