សំណួរ-ចម្លើយ ជំពូកទី៥ ការតាក់តែងលិខិតឯកជន (ភាគ២)

សំណួរ

៦- តើលិខិតចូលរួមរំលែកទុក្ខមានគំរូដូចម្តេច ?

៧- តើប្រវត្តិរូបសង្ខេបមានគំរូដូចម្តេច ?

៨- តើលិខិតអញ្ជើញមានគំរូដូចម្តេច ?

៩- តើលិខិតសុំបម្រើការងារមានគំរូដូចម្តេច ?

១០- តើលិខិតសុំច្បាប់មានគំរូដូចម្តេច ?

១១- តើលិខិតសួរសុខទុក្ខមានគំរូដូចម្តេច ?

ចម្លើយ

៦- គំរូលិខិតចូលរួមរំលែកទុក្ខ

                                                                ព្រះរាជាណាច​ក្រកម្ពុជា

                                                            ជាតិ សាសនា ព្រះមហាក្សត្រ

                                                                  លិខិតចូលរួមរំលែកទុក្ខ

                                                                            គោរពជូន

                                                     ​ឯកឧត្តម…..................និង លោកជំទាវ

                 ឯកឧត្តម និងលោកជំទាវ ជាទីគោរពស្រឡាញ់រាប់អានដ៏ជ្រាលជ្រៅ !

                 ខ្ញុំ និង ភរិយា មានទុក្ខក្រៀមក្រំ  និងសោកស្តាយជាអនេក ដោយបានទទួលដំណឹងថា ​លោកយាយមហាឧបាសិកា..............ដែលត្រូវជាមាតារបស់ ឯកឧត្តម និងលោកជំទាវ បានទទួលមរណភាព កាល..............ក្នុងជន្មាយុ.........ឆ្នាំ ដោយជរាពាធ ។

                 មរណភាពរបស់ លោកយាយមហាឧបាសិកា.......................គឺជាការបាត់បង់នូវមាតាដ៏ល្អប្រពៃ ប្រកបដោយព្រហ្មវិហារធម៌ ដែលជាទីគោរព និងជាទីស្រឡាញ់រាប់អានពីគ្រប់មជ្ឈដ្ឋាន ពិសេសពីក្រុមគ្រួសារ និងញាតិមិត្តជិតឆ្ងាយនៃសព ។

                 ខ្ញុំ និង ភរិយា សូមចូលរួមមរណទុក្ខនេះ ក្នុងសមានចិត្តដ៏ក្រៀមក្រំបំផុត និងសូមរំលែកទុក្ខព្រួយដ៏ធ្ងន់ធ្ងរនេះជាមួយ ឯកឧត្តម និងលោកជំទាវ ព្រមទាំងក្រុមគ្រួសារនៃសព និងសូមឧទ្ទិសដល់ដួងវិញ្ញាណក្ខន្ធរបស់សព លោកយាយមហាឧបាសិកា..........................សូមបានសោយសុខក្នុងសុគតិភព កុំបីឃ្លៀងឃ្លាតឡើយ ។

                 សូម ឯកឧត្តម និងលោកទំទាវ ព្រមទាំងក្រុមគ្រួសារទាំងអស់នៃសព ឲ្យខ្ញុំ និងភរិយាខ្ញុំ ចូលរួមរំលែកមរណទុក្ខដ៏ក្រៀមក្រំនេះ ក្នុងមនោសញ្ចេតនាជាគ្រួសារ និងសូម ឯកឧត្តម និងលោកជំទាវ ទទួលនូវសេចក្តីស្រឡាញ់រាប់អានដ៏ស្មោះស្ម័គ្របំផុតអំពីខ្ញុំ និងភរិយាខ្ញុំ ។

                                                                                                               រាជធានីភ្នំពេញ ថ្ងៃទី.....ខែ........ឆ្នាំ..........

៧- គំរូប្រវត្តិរូបសង្ខេប

                                                                 ព្រះរាជាណាច​ក្រកម្ពុជា

                                                             ជាតិ សាសនា ព្រះមហាក្សត្រ

                                                                      ជីវប្រវត្តិសង្ខេប

១- នាមត្រកូល និងនាមខ្លួន ៖ ....................... “..........................................................”

     ភេទ ប្រុស សញ្ជាតិ ខ្មែរ ជនជាតិ ខ្មែរ

២- ថ្ងៃខែឆ្នាំកំណើត ៖................................................................................................

៣- ទីកន្លែងកំណើត.................................................................................................

៤- ទីលំនៅសព្វថ្ងៃ ៖.....................................................................................................

៥- កម្រិតវប្បធម៌ ៖........................................................................................................

៦- ភាសាបរទេស ៖ ភាសាអង់គ្លេស

៧- កម្រិតជំនាញបន្ថែម ៖...................................................................................................

៨- បទពិសោធន៍ និងការងារបច្ចុប្បន្ន ៖

            -..............................................................................

            -..............................................................................

­            -..............................................................................

ស្ថានភាពគ្រួសារ

ក- អំពីឪពុក-ម្តាយ និងបងប្អូនបង្កើត

១- ឪពុកឈ្មោះ ៖........................................ “ស្លាប់”

២- ម្តាយឈ្មោះ ៖........................................... “........................................” “នៅរស់”

     មុខរបរ និងទីលំនៅបច្ចុប្បន្ន ៖........................................................................

៣- បងប្អូន ៖ ៤នាក់ ប្រុស ២នាក់ ស្រី ២នាក់ ។

ខ- អំពីប្រពន្ធកូន

១- ប្រពន្ធឈ្មោះ ៖ . ...................“....................” មុខរបរ..............................................

            - កូន ឈ្មោះ ៖.................“....................” ភេទ...............អាយុ...................

            - កូន ឈ្មោះ ៖.................“....................” ភេទ...............អាយុ...................

                                                                                                                         ភ្នំពេញ ថ្ងៃទី......ខែ..........ឆ្នាំ.........

                                                                                                                                               ហត្ថលេខា

៨- គំរូលិខិតអញ្ជើញ

                                                                       ព្រះរាជាណាច​ក្រកម្ពុជា

                                                                   ជាតិ សាសនា ព្រះមហាក្សត្រ

                                                                       ខ្ញុំ ចា​ន់ ថុល និងភរិយា

                                                                                 គោរពជូន

                                                   លោកឧកញ៉ា...............................................

               ខ្ញុំ និង ភរិយា មានកិត្តិយស សូមគោរពអញ្ជើញ លោកឧកញ៉ា ចូលរួមក្នុងពិធីខួបកំណើត កូនប្រុស របស់ខ្ញុំ គម្រប់អាយុ ១៤ឆ្នាំ ។

               ពិធីនេះ ប្រព្រឹត្តទៅនៅថ្ងៃទី.......ខែ..........ឆ្នាំ.........វេលាម៉ោង....................................។

              ទីកន្លែង នៅ...........................................................................។

                                                                                                                            ភ្នំពេញ ថ្ងៃទី......ខែ........ឆ្នាំ.........

៩- គំរូលិខិតសុំបម្រើការងារ

                                                                      ព្រះរាជាណាច​ក្រកម្ពុជា

                                                                  ជាតិ សាសនា ព្រះមហាក្សត្រ

                                                                                                                                 ភ្នំពេញ ថ្ងៃទី.....ខែ.......ឆ្នាំ......

                           ខ្ញុំឈ្មោះ..................អាយុ...........មុខរបរ...............ទីលំនៅ................................

                                                                            សូមគោរពជូន

                                              លោកអគ្គនាយក ក្រុមហ៊ុន.......................................

                 កម្មវត្ថុ ៖ សំណើសុំបម្រើការងារ.........................................................។

                 តាមកម្មវត្ថុខាងលើ ខ្ញុំបាទមានកិត្តយស សូមជម្រាបជូនលោកអគ្គនាយកថា យោងតាមការសែតរស្មីកម្ពុជាចុះផ្សាយ កាលពីថ្ងៃទី.......ខែ............ឆ្នាំ...........ស្តីពីការជ្រើសរើសបុគ្គលិក ផ្នែកគ្រប់គ្រងទីផ្សារ បម្រើការនៅ....................................។ ខ្ញុំបាទមានការចាប់អារម្មណ៍ទៅនឹងមុខតំណែងនេះ ពីព្រោះខ្ញុំបានបញ្ចប់ការសិក្សា ថ្នាក់អនុបណ្ឌិតគ្រប់គ្រងពាណិជ្ជកម្មនៅប្រទេសអង់គ្លេស និងមានបទពិសោធន៍បម្រើការងារលើមុខជំនាញនេះ រយៈពេល២ឆ្នាំ ។

                  អាស្រ័យហេតុនេះ សូមលោកអគ្គនាយក មេត្តាពិនិត្យលទ្ធភាព ដល់ខ្ញុំបាទ បានបម្រើការងារនៅ.....................................................ដោយក្តីអនុគ្រោះ ។

                 សូមលោកអគ្គនាយក ទទួលអំពីខ្ញុំបាទ នូសេចក្តីគោរពដ៏ខ្ពង់ខ្ពស់ ។

                                                                                                                                                          ហត្ថលេខា

១០- គំរូលិខិតសុំច្បាប់

                                                                          ព្រះរាជាណាច​ក្រកម្ពុជា

                                                                     ជាតិ សាសនា ព្រះមហាក្សត្រ

                                                                                                                                 ភ្នំពេញ ថ្ងៃទី...ខែ......ឆ្នាំ......

                             ខ្ញុំឈ្មោះ..................អាយុ...........មុខរបរ...............ទីលំនៅ................................

                                                                                    គោរពជូន

                                                         លោកអគ្គនាយក ក្រុមហ៊ុន.......................

                                                                                                                                                        ជាទីគោរព ។

តាមរយៈ ៖........................................................................................................................។

កម្មវត្ថុ ៖ សំណើសុំច្បាប់ឈប់សម្រាក ចំនួន៦ថ្ងៃ ។

មូលហេតុ ៖.............................................................................................................................................។

លិខិតភ្ជាប់ ៖....................................................................................................................................។

                តាមកម្មវ​ត្ថុខាងលើ សូមលោកអគ្គនាយក មេត្តាពិនិត្យលទ្ធភាព អនុញ្ញាតច្បាប់ដល់ខ្ញុំបាទបានឈប់សម្រាកចាប់ពីថ្ងៃទី.....ខែ.........ដល់ថ្ងៃទី.......ខែ.......ឆ្នាំ......... ដោយក្តីអនុគ្រោះបំផុត ។

                សូមលោកអគ្គនាយក ទទួលអំពីខ្ញុំបាទ នូវសេចក្តីគោរពដ៏ខ្ពង់ខ្ពស់ ។

                                                                                                                                                          ហត្ថលេខា

១១- គំរូលិខិតសួរសុខទុក្ខ

                                                                      ព្រះរាជាណាច​ក្រកម្ពុជា

                                                                  ជាតិ សាសនា ព្រះមហាក្សត្រ

                                                                                                                             ភ្នំពេញ ថ្ងៃទី...ខែ.........ឆ្នាំ........

                                                                       សូមប្រណិប័ត្តជម្រាបជូន

                       លោក ឪពុក និង អ្នកម្តាយ ជាទីគោរពស្រឡាញ់ និងជាទីនឹករលឹកដ៏ជ្រាលជ្រៅអំពីកូន

                ជាបឋម កូនសូមគោរពជម្រាបជូន លោក ឪពុក និង អ្នកម្តាយ ថាកូននៅឯនាយមានសេចក្តីសុខជាធម្មតាទេ ដូចនេះ លោកឪពុក និង អ្នកម្តាយ តើមានសេចក្តីសុខទុក្ខយ៉ាងណា​ ? តើដីស្រែចម្ការយើងទទួលផលយ៉ាងណាដែរ ? សូមលោកឪពុក និង អ្នកម្តាយ ផ្តល់ដំណឹងឲ្យកូនបានដឹងផង ព្រោះកូនព្រួយបារម្មណាស់ ។ សព្វថ្ងៃនេះ កូនខិតខំតស៊ូព្យាយាមរៀបសូត្រ ដើម្បីអនាគត់ភ្លឺស្វាងនៃគ្រួសាររបស់យើង មិនឲ្យលោកឪពុក និង អ្នកម្តាយអស់សង្ឃឹមទេ ។ នៅពេលខាងមុខកូនសង្ឃឹមថា គ្រួសាររបស់យើងនឹងមានជីវភាពធូរធារ រុងរឿងជាពុំខានឡើយ ។

                សូមអ្នកមានគុណទាំងពីរ កុំខំធ្វើការឲ្យហួសកម្លាំងឲ្យសោះ ត្រូវព្យាយាមថែរក្ស សុខភាពឲ្យល្អ និងខំសំរានឲ្យបានគ្រប់គ្រាន់ ។ នៅក្នុងរយៈពេលវិសមកាលខាងមុខនេះ កូននឹងឆ្លៀតពេល ទៅសួរសុខអ្នកមានគុណទាំងពីរជាមិនខាន ។ ជាមួយនេះ.....................។

               ជាទីបញ្ចប់ កូនសូមជូនពរឲ្យលោកអ្នកមានគុណទាំងពីរ  មានសុខភាពល្អ អាយុយឺនយូរ កម្លាំងខ្លាំងក្លា ដើម្បីជាម្លប់ដ៏ត្រជាក់ដល់កូនចៅ ។ កូនសូមផ្ញើក្តីនឹករលឹក ដល់បងប្អូន មីង មា យាយ តា ទាំងអស់គ្នាផង ។

               កូនសូមជម្រាបលោកអ្នកមានគុណទាំងពីរ ដោយក្តីអាលោះអាល័យជាទីបំផុត ។

                                                                                                                      ដោយក្តីគោរពស្រឡាញ់ជាទីបំផុត !

                                                                                                                                           ហត្ថលេខា

                                                                                                                                               ឈ្មោះ