តើសម្ព័ន្ធស្កង់ឌីណាវីលាតសន្ធឹងដល់ណា ?

ទឹកដីសម្ព័ន្ធស្កង់ឌីណាវី (កាលម៉ា) បុរាណគេសំគាល់ដោយដំណើររបស់ក្ងានព្រៃ ដែលហើរឆ្លងកាត់សមុទ្រអាត្លង់ទិចចាប់ពីភាគខាងជើងសំដៅទៅទិសខាងលិច។ ក្នុងចំងាយផ្លូវដ៏វែងឆ្ងាយនេះ ជាដំនើរស្វែងរកដីទ្វីបរបស់សត្វក្ងានព្រៃ។ ដោយហេតុនេះមនុស្សបានធ្វើដំណើរឆ្លងកាត់មហាសមុទ្រយ៉ាងធំធេងក្នុងការស្រាវជ្រាវតាមដំណើរសត្វក្ងានព្រៃទាំងនោះ។ តាមការស្រាវជ្រាវព្រឹត្តិការណ៍មុនប្រវត្តិសាស្ត្រ ឆ្នេរសមុទ្រស្កង់ឌីណាវីទាំងមូលលាតសន្ធឹងទៅភាគខាងជើងដល់ឆ្នេរសមុទ្របាល់ទិច និងសមុទ្រខាងជើង។ ពួកពាណិជ្ជករបានធ្វើដំណើរតាមទន្លេនៃប្រទេសរូស៊ីពីសមុទ្របាល់ទិចរហូតដល់សមុទ្រខ្មៅក្នុងគោលបំណងធ្វើពាណិជ្ជកម្មជាមួយចក្រភពរ៉ូមុំាងខាងកើត ពួកគេបន្តធ្វើដំណើរតាមទន្លេទៅអឺរ៉ុបភាគខាងលិចរហូតដល់ប្រទេសអង់ភ្លេស បារាំង និងកោះស៊ីស៊ីល។ នៅក្នុងរវាងស.វទី៩ និងទី១៥ ទឹកដីសម្ព័ន្ធស្កង់ឌីណាវីលាតសន្ធឹងទៅទិសពាយ័ព្យរហូតដល់ទឹកដីអ៊ីសឡង់ និងក្រូអែនឡិន ឡាប្រាឌ័រ និងរហូតដល់សតវត្សកំណើតទឹកដីអាមេរិច មុនដំណើរគ្រិស្តុបគូឡុំ។