វិញ្ញាសាប្រឡងជ្រើសរើសសិស្សពូកែ វប្បធម៌ទូទៅ ផ្នែកអក្សរសាស្ត្រ គណិតវិទ្យា និងរូបវិទ្យា វប្បធម៌ទូទៅ ថ្នាក់ទី៩ម័យប្រឡង ១៧ ធ្នូ ២០១១

ចង់ប្តូរការងារ ឬ កំពុងស្វែងរកការងារ ផ្វើសារឥឡូវនេះ

ប្រឡងជ្រើសរើសសិស្សពូកែ វប្បធម៌ទូទៅ ថ្នាក់ទី៩

ផ្នែកអក្សរសាស្ត្រ គណិតវិទ្យា និងរូបវិទ្យា

សម័យប្រឡង ១៧ ធ្នូ ២០១១

រយៈពេល ២ម៉ោង (១០០ពិន្ទុ)

១.ហេតុអ្វីបានជាព្រះរាជាណាចក្រកម្ពុជាកំណត់យកបាវចនាដែលមានឈ្នោះថា “ជាតិ សាសនា ព្រះមហាក្សត្រ”?

២.តើការប្រើប្រាស់គ្រឿងញៀនបង្កឱ្យមានផលវិបាកអ្វីខ្លះចំពោះខ្លួនឯង គ្រួសារ និងសង្គមជាតិ?

៣.តើបុណ្យវិសាខបូជាគេប្រារព្ធនៅថ្ងៃណា ? ខែណា? ដើម្បីរំឮកដល់អ្វីខ្លះ?

៤.តើព្រហ្មវិហារធម៌ជាអ្វី? ហើយមានអ្វីខ្លះ? ចូរពន្យល់ចំណុចនីមួយៗ។

៥.ក្នុងនាមប្អូនជាយុវជនជំនាក់ក្រោយ តើប្អូនត្រូវមានកាតព្វកិច្ច និងវិធានការអ្វីខ្លះដើម្បីថែរក្សាការពារនូវអត្តសញ្ញាណជាតិខ្មែរឱ្យបានគង់វង្ស?

៦.ក្នុងជីវភាពប្រចាំថ្ងៃ តើមិត្តបែបណាដែលយើងគួរសេពគប់ជាមួយ? និងមិនគួរសេពគប់ជាមួយ?

៧.តើបរិស្ថានជាអ្វី? សព្វថ្ងៃនេះមនុស្សបានបង្កឱ្យមានការខូចខាតបរិស្ថានសង្គម និងបរិស្ថានធម្មជាតិដោយគេបានធ្វើអ្វីខ្លះ? ចូរពន្យល់។

៨.ចូរប្អូនរាប់ឈ្មោះខែទាំង១២តាមចន្ទគតិ (តាមលំដាប់ខែទី១...ទី១២)។

៩.តាមប្រពៃណីខ្មែរ តើការសំពះមានប៉ុន្មានបែប? ចូររៀបរាប់និងពន្យល់។

ចម្លើយ

១.បានជាព្រះរាជាណាចក្រកម្ពុជាកំណត់យកបាវចនា “ជាតិ សាសនា ព្រះមហាក្សត្រ” ព្រោះ

ជាតិ មានន័យថា មានប្រជាជន មានទឹកដី មានប្រវត្តិសាស្រ្ត មានវប្បធម៌
សាសនា មកពីពាក្យសាសនៈ មានន័យថា ពាក្យបណ្តាំ ការអប់រំ ការទូន្មាន។ សម្រាប់ព្រះរាជាណាចក្រកម្ពុជា គេកំណត់យកព្រះពុទ្ធសាសនារបស់រដ្ធមានចែងនៅក្នុងរដ្ធធម្មនុញ្ញ ឆ្នាំ ១៩៩៣ មាត្រា ៤៣។
ព្រះមហាក្សត្រ គឺសំដៅប្រទេសដែលប្រកាន់នូវរបបរាជានិយម។ ប្រទេសដែលមានព្រះមហាក្ស្តត្រគង់ជាម្លប់។

២.ការប្រើប្រាស់គ្រឿងញៀនបង្កឱ្យមានផលវិបាកដូចជា៖

ក.ចំពោះខ្លួនឯង

ខូចសុខភាព (ទ្រុឌទ្រោម បាក់កម្លាំង...)
កើតជម្ងឺ (ថ្លើម ក្រពះ ពោះវៀន រលាកស្រោមខួរ...)
ខាតបង់ទ្រព្យសម្បតិ្ត ខាតបង់ពេលវេលា
បាត់បង់ការងារ បាត់បង់កិត្តិយល
បាត់បង់ទំនុកចិត្តល្អពីគ្រួសារ បាត់បង់កិត្តិយស...

ខ.ចំពោះគ្រួសារ

បាត់បង់ធនធានមនុស្សនៅក្នុងគ្រួសារ
បាត់បង់ប្រាក់កាស ខាតពេលវេលា
បង្កឱ្យមានអំពើហិង្សាក្នុងគ្រួសារ
បាត់បង់ភាពថ្លៃថ្នូរ កិត្តិយសគ្រួសារ
ធ្វើឱ្យគ្រួសារមានការបារម្ភ...

គ.ចំពោះសង្គមជាតិ

បាត់បង់ធនធានមនុស្ស
បាត់បង់សេចក្តីថ្លៃថ្នូរ
កើតមានភាពអណាធិបតេយ្យ អសន្តិសុខសង្គម (ចោរកម្ម ចោរប្លន់ និងឧក្រិដ្ធផ្សេងៗ)
សង្គមគ្មានការរើកចម្រើន
សម្បូរក្មេងអានាថា ក្មេងពាល(ក្មេងទំនើង)
មានការជួញដូរភេទ ជួញដូរមនុស្ស អំពើរំលោភផ្លូវភេទជាដើម។

៣.បុណ្យវិសាខបូជាតែងតែប្រារព្ធធ្វើនៅថ្ងៃទី ៥កើត ពេញបូរណ៌មី ខែពិសាខ។

បានជារាជរដ្ធាភិបាលកម្ពុជាសំរេចយកថ្ងៃបុណ្យវិសាខបូជាជាថ្ងៃបុណ្យជាតិព្រោះប្រជាពលរដ្ធកម្ពុជាប្រមាណ ៩០%កាន់ពុទ្ធសាសនា ហើយព្រះពុទ្ធសាសនាជាសាសនារបស់រដ្ធ (មាត្រា៤៣នៃរដ្ធធម្មនុញ្ញ)

៤.ជាអ្នកកាន់ព្រះពុទ្ធសាសនា ព្រហ្មវិហារធម៌មាន ៤គឺ៖

មេត្តា៖ សេចក្តីរាប់អាន សេចក្តីប្រណី បំណងចង់ឱ្យអ្នកដទៃបានសុខ
ករុណា៖ សេចក្តីអាណិត អាសូរ
មុទិតា៖ ដំណើរមានចិត្តរីករាយទៅរកសេចក្តីសុខរបស់អ្នកដទៃពុំរើសមុខ គឺដំណើរដែលដឹងថាអ្នកដទៃតាមតែ អ្នកក៏ដោយគេមានទ្រព្យសម្បត្តិធនធាន បុណ្យសក្តិបានប្រកបដោយសេចក្តីសុខ ការមានចិត្តជួយអរគេ មិនច្រណែនឈ្នានីស។
ឧបេក្ខា ឬឧបេក្សា៖ ការតាំងចិត្តកណ្តាល ដំណើរមិនលម្អៀងទៅណា។

៥.ដើម្បីការពារអត្តសញ្ញាណជាតិខ្មែរ យើងម្នាក់ៗមានវិធានការដូចតទៅ៖

ពង្រីកវប្បធម៌ខ្លួនឯងឱ្យបានរឹងមាំតាមរយៈប្រព័ន្ធផ្សព្វផ្សាយ (វិទ្យុ ទូរទស្សន៍ ការសែត)។
ចេះរាំងស្តាត់នូវវប្បធម៌ដែលជឿនលឿន ហើយកែច្នៃវប្បធម៌នោះឱ្យមានលក្ខណៈជាខ្មែរ។
ធ្វើការសិក្សានិងការពារវប្បធម៌ខ្លួនឱ្យបានខ្លាំងក្លា។
ខិតខំពង្រីកចំណេះដឹងទូទៅ ចំណេះដឹងផ្នែកវិទ្យាសាស្រ្តបច្ចេកវិទ្យា ឱ្យបានទូលំទូលាយ។
រក្សាការពារទឹកដី ប្រកបដោយឧត្តមភាព។
រក្សាឱ្យបានជាប្រចាំនូវសាមគ្គីភាព និងឯកភាពជាតិ បំបាត់ចោលនៅទស្សនៈអាត្មានិយម បក្សពួកនិយម និងគ្រួសារនិយម
នាំគ្នាលើកតំកើងភាសា អក្សសាស្ត្រ សិល្បៈ ប្រពៃណី ទំនៀមទម្លាប់ ឱ្យបានខ្លាំងក្លា។

៦.ក.មិត្តល្អមានបួនប្រភេទគួររាប់រក