វិញ្ញាសាត្រៀមប្រឡងបាក់ឌុប មុខវិទ្យាប្រវត្តិវិទ្យា (វិញ្ញាសាទី២៩)

សំណួរ

១. តើបារាំងមានតួនាទីដូចម្ដេចចំពោះនយោបាយពិភពលោក?

២. តើសម្ដេច នរោត្តម សីហនុបង្កើតអង្គការសង្គមរាស្រ្ដនិយមនៅថ្ងៃ ខែ ឆ្នាំណា? ដោយមូលហេតុអ្វីខ្លះ?

៣. ដើម្បីឆ្លើយតបទៅនឹងកំណើនប្រជាជន តើគេបានធ្វើដូចម្ដេចខ្លះក្នុងវិស័យកសិកម្ម?

៤. ហេតុអ្វីបានលេចឡើងនូវរបបសាធារណរដ្ឋខ្មែរ?

 ៥. តើកិច្ចព្រមព្រៀងសន្ដិភាពទីក្រុងប៉ារីស បានផ្ដល់ផលប្រយោជន៍អ្វីខ្លះដល់កម្ពុជា?

ចម្លើយ

១. ចំពោះនយោបាយពិភពលោក បារាំងគឹជាមហាអំណាចយ៉ាងសំខាន់នៅក្នុងក្រុមប្រឹក្សាសន្ដិសុខ នៃអង្គការសហប្រជាជាតិដែលមាន សិទ្ធិប្រើច្បាប់វេតូដែលប្រឆាំងនឹងដំណោះស្រាយណា ក្នុងការក្នុងទណ្ឌកម្មខាងសេដ្ឋកិច្ច ឬអន្តរាគមន៍ខាងយោធា នៅក្នុងរឿងចម្រូស់ណាមួយដូចជា ករណីប្រទេសអ៉ីរ៉ង់ឬប្រទេសកូរ៉េខាងជើងជាដើម។

២. សម្ដេច នរោត្តម សីហនុ បង្កើតអង្គការសង្គមរាស្រ្ដនិយមនៅថ្ងៃទី ២២ ខែមីនា ឆ្នាំ ១៩៥៥។ ដោយមូលហេតុ៖

• ដើម្បីបង្កើតរបបថ្មីមួយក្រោយអាណានិគម
• កសាងប្រទេសឪ្យមានការរីកចម្រើនដូចអារ្យប្រទេស
• អភិវឌ្ឍន៍សេដ្ឋកិច្ចជាតិ
• កសាងហេដ្ឋាចេនាសម័្ពន្ធ ស្ពាន ថ្នល់ សាលារៀន​
• បង្រួបបង្រួមជាតិ និងដង្ហែតាមព្រះមហាក្សត្រ។

៣. ដើម្បីឆ្លើយតបទៅនឹងកំណើបប្រជាជន គេបានធ្វើដូចតទៅ៖

• ប្រើប្រាស់បច្ចេកវិទ្យាថ្មីនៅលើការរៀបចំដី ជម្រើសពូជ
• ការបង្កើតប្រព័ន្ធស្រោចស្រពធំៗ
• ការប្រើប្រាស់ដីឪ្យអស់កលទ្ធភាព ក្រោមពាក្យស្លោក បដិវត្តន៍បៃតង។
• លើកកម្ពស់វិស័យកសិកម្មនៅតាមបណ្ដាប្រទេសជាច្រើនលើសកលលោក
• បង្កើតឧបករណ៍នេសាទធំៗ​ឪ្យមានលទ្ធភាពពង្រឹកផលិតនេសាទសមុទ្រដើម្បីជួយផ្គត់ផ្គងកង្វះខាតម្ហូបអាហារ។

៤. បានជាលេចឡើងនូវរបបសាធារណរដ្ឋខ្មែរព្រោះ៖

• សង្រ្គាមត្រជាក់ មនោគមន៍វិជ្ជាទាំងពីរ គឺពួកសេរី និងកុំម្មុនីស្ដ អូសទាញកម្ពុជាឪ្យធ្លាក់ក្នុងសង្រ្គាម
• វិបត្តសង្គម ពុករលួយ បក្សពួកនិយម ល្បែងស៊ីសង...
• វិបត្តិសេដ្ឋកិច្ច ដួលរលំរោចក្រ សហគ្រាសរដ្ឋបណ្ដាលមកពីអំពើពុករលួយ បក្សពួកស៊ីសង...
• វិបត្តិនយោបាយ នយោបាយអព្យាក្រិតមិនចំទិសបណ្ដាលមកពីមនោគមន៍វិជ្ជាទាំងពីរ និងអ្នកដឹកនាំខ្មែរលោភលន់អំណាច
• វត្តមានជនជាតិបរទស ពួកយួនយៀកមិញយៀកកុង បានចូលមករស់នៅកម្ពុជាកាន់តែច្រើនជាពិសេស យួនបានចូលមកនៅគ្រប់ខេត្ត ទើបលន់ នល់ និងសីរីមតៈបង្ខំចិត្តធ្វើរដ្ឋប្រហារទម្លាប់ព្រះសីហនុពីតំណែងនៅ ថ្ងៃទី១៨ ខែមីនា ឆ្នាំ ១៩៧០។

៥. កិច្ចព្រមព្រៀងសន្ដិភាពទីក្រុងប៉ារីស បានផ្ដល់ប្រយោជន៍ជាច្រើនដល់កម្ពុជាដូចជា៖

• បញ្ចប់វិបត្តិនយោបាយនៅកម្ពុជា
• រៀបការបោះឆ្នោតជាសកល
• ជាការចាប់កំណើននៃលទ្ធប្រជាធិបតេយ្យសេរីពហុបក្ស
• ពលរដ្ឋមានសិទ្ធិទទួលបានព័ត៌មាន និងការបញ្ចេញមតិ
• វិនិយោគទុនបរទេសកាន់តែច្រើនមកបណ្ដាក់ទុនរកស៊ី
• សេដ្ឋកិច្ចជាតិមានការរីកចម្រើនឆាប់រហ័ស
• ទំនាក់ទំនងការបរទេសកាន់តែល្អប្រសើរ
• ប្រទេសជាតិទាំងមូលមានសនិ្ដភាព
• កម្រិតជីវភាពរបស់ពលរដ្ឋមានការប្រែប្រួល
• មានការប្រែប្រួលគ្រប់វិស័យ
• មាដៃគូសហការណ៍ អភិវឌ្ឍដ៍សង្គមកាន់តែច្រើន អង្គការសង្គមស៊ីវិល។

វិញ្ញាសាទី៣០