តើកត្តាអ្វីខ្លះដែលធ្វើឱ្យអរិយធម៌ជាតិនីមួយៗរីកចំរើននោះ?

កត្តាដែលធ្វើឱ្យអរិយធម៌ជាតិនិមួយៗរីកចម្រើនមានដូចតទៅ

• កត្តាមនុស្ស៖ (រដ្ឋ និងមហាជន) មានទំនុកចិត្ត ស្មោះត្រង់ សាមគ្គីភាព ឯកភាពគ្នា ក្នុងទិសដៅមនោគមវិជ្ជា មួយពិតប្រាកដ។
• កត្តាធម្មជាតិ៖ ភូមិសាស្ត្រប្រទេសជាអំណោយផលដល់ការរីកចម្រើន វប្បធម៌ អរិយធម៌(ទឹកដី ធាតុអាកាស ព្រំដែនប្រទេសល្អ គ្មានការជ្រៀតជ្រែក)
• កត្តាសម្ភារ៖

១.មានសម្ភារបរិបូរណ៌ស្របទៅតាមការលូតលាស់នៃចំណេះវិជ្ជា

២.ការស្រាវជ្រាវថ្មីៗរបស់មនុស្សស្របទៅតាមវិទ្យាសាស្ត្របច្ចេកវិទ្យាក្នុងពិភពលោក

• កត្តាសង្គម៖

១.នយោបាយ គឺជាទស្សនៈជាតិតែមួយ មិនបែងចែក។ ការដឹកនាំរបស់រដ្ឋ គឺអាស្រ័យដោយយកច្បាប់ ជាមូលដ្ឋានគ្រឺះ។

២.សេដ្ឋកិច្ច គឺជាការលូតលាស់ខាងឧស្សាហកម្ម កសិកម្ម ពាណិជ្ជកម្មនិងវិស័យនានា និងមានសម្ភារ ផលិតទាន់សម័យនិយម

៣.សង្គមកិច្ច មានការគ្រប់គ្រងស្របទៅនឹងប្រយោជន៍(ជាតិ) មានទីក្រុងទំនើប មានផ្លូវគមនាគមន៍ ទាំងផ្លូវគោក ផ្លូវទឹក ផ្លូវអាកាសខ្វាត់ខ្វែង ស្អាតល្អ។ មានសាលារៀន មន្ទីរពេទ្យ រត្តអារាម អគារ ពាណិជ្ជកម្ម និងប្រព័ន្ធធារាសាស្ត្រជាដើម សំបូរបែប។

ដូចនេះ កត្តាចំបងដែលនាំឱ្យអរិយធម៌ជាតិនីមួយៗរីកចំរើនគឺកត្តាមនុស្ស ព្រោះមនុស្សជាអ្នកកសាងអរិយធម៌ជាតិខ្លួន ឱ្យរីកចំរើនរុងរឿង។ បើទ្រឹស្តីល្អ មនុស្សអនុវត្តមិនល្អ នោះអរិយធម៌នឹងធ្លាក់ចុះខ្សោយ។