តើស្ថានភាពនៃការទិញមានប៉ុន្មានប្រភេទ ? អ្វីខ្លះ ?

លោក Philip Kotler បានពន្យល់ពីស្ថានភាពនៃការទិញមានបីប្រភេទខុសៗគ្នាដូចជា ៖

• ការទិញឡើងវិញ (Straight rebuy) ស្ថានភាពនៃការទិញបែបនេះកើតឡើងនៅពេលដែលផ្នែកទិញរបស់អង្គភាពអាជីវកម្មមួយ ធ្វើការបញ្ជាទិញឡើងវិញដើម្បីបំពេញតម្រូវការប្រចាំថ្ងៃរបស់ពួកគេ ។
• ការកែតម្រូវការទិញ (Modifier Rebuy) ស្ថានភាពនៃការទិញបែបនេះកើតឡើងនៅពេលណាដែលអ្នកទិញចង់កែតម្រូវ ការបញ្ជារទិញដូចជាអ្នកទិញតម្រូវឲ្យអ្នកផ្គត់ផ្គង់ត្រូវកែលំអលក្ខណៈពិសេសខ្លះនៃផលិតផលកែតម្រូវថ្លៃ កែតម្រូវលក្ខ័ខណ្ឌនៃការផ្គត់ផ្គង់ ឬត្រូវសម្រួលលក្ខ័ខណ្ឌនៃការទិញ-លក់ឡើងវិញ ។ ក្នុងស្ថានភាពនេះអ្នកផ្គត់ផ្គង់ដែលកំពុងមានទំនាក់ទំនងជាមួយអ្នកទិញព្យាយាមការពារអ្នកទិញរបស់ខ្លួន ដើម្បីកុំឲ្យផ្តាច់ទំនាក់ទំនង ហើយអ្នកផ្គត់ផ្គង់ថ្មីៗព្យាយាមជ្រៀតចូលដើម្បីផ្តល់ផលិតផល ដែលប្រសើរជាងក្នុងគោលបំណងដណ្តើមចំណែកទីផ្សារ ។
• ការទិញនៅពេលដំបូង (New Task) ស្ថានភាពនេះកើតឡើងនៅពេលដែលអតិថិជនចាប់ផ្តើមទំញទំនិញ និងសេវាកម្មនៅពេលដំបូង ។ ពេលណាដែលអ្នកទិញយល់ថាការទិញពាក់ព័ន្ធនិងចំណាយ និងការប្រថុយប្រថានខ្ពស់ ពេលនោះពួកគេត្រូវការប្រមូលព័ត៌មានបន្ថែម និងត្រូវការពេលវេលាច្រើនសម្រាប់ធ្វើការសម្រេចចិត្ត ។