ព្រះរាជពិធីដង្ហែ ព្រះបរមសព ព្រះបរមរតនកោដ្ឋ ដែលបានធ្វើឡើងតាំងពីព្រឹករហូតដល់រសៀលថ្ងៃទី ០១ ខែ កុម្ភៈ ឆ្នាំ ២០១៣ ដោយដង្ហែចេញពីព្រះបរមរាជវាំង យាងទៅដាក់លើបញ្ឆា ស្តិតនៅក្នុងបរិវេណព្រះមេរុបានប្រព្រឹត្តទៅដោយរលូនពុំមានអ្វីរាំងស្ទះឬមានភាពមិនប្រក្រតីណាមួយកើតឡើងនោះឡើយបូករួមទាំងបញ្ហាសន្តិសុខ។

ចែកចេញជា១១ផែនគឺ៖

• ផែនទី១. ជាផែន ជ័យបង្ហាញពីភាពរុងរឿង និងមោទនភាព ជាតិក្រោមបាវចនា “ជាតិ សាសនា ព្រះមហាក្សត្រ”
• ផែនទី២. បង្ហាញពីសក្តានុពល នៃអំណាចកម្លាំងទ័ពគ្រប់ប្រភេទនិងកម្លាំងយុវជន។
• ផែនទី៣. អំពីអត្ថិភាព នៃព្រះរាជ ប្បវេណី និងព្រះរាជកេតនភណ្ឌ
• ផែនទី៤. បង្ហាញអំពីក្បូន មន្ត្រីក្រសួងនានា
• ផែនទី៥. ភ្លេង និងសមាគមជនជាតិនានា។
• ផែនទី៦. មន្រ្តីរាជធានី-ខេត្ត
• ផែនទី៧. ព្រះពុទ្ធសាសនា
• ផែនទី៨. ក្បូននាំមុខ ព្រះបរមសព
• ផែនទី៩. ព្រះទីនាំបុស្បុកតម្កល់ ព្រះតម្កល់ ព្រះបរមសព
• ផែនទី១០. ក្បួនរបស់ព្រះរាជ វង្សានុវង្សក្សត្រី ប្រជាពលរដ្ឋ
• ផែនទី១១. ផែនរក្សាសន្តិសុខ សុវត្ថិផាពកន្ទុយក្បួន។