សំណួរ-ចម្លើយ ចំណេះដឹងរដ្ឋបាល វិស័យការងារ និងបណ្តុះបណ្តាលវិជ្ជាជីវៈ (ភាគ១០)

សំណួរ

៤៦- ដើម្បីឲ្យប្រជាពលរដ្ឋទទួលបានជំនាញសមស្របទៅនឹងតម្រូវការទីផ្សារការងារ តើត្រូវមានវិធានការអ្វីខ្លះ ជំរុញឱ្យមានការពង្រឹងគុណភាព នៃការអប់រំនិងការបណ្តុះបណ្តាលបច្ចេកទេស និងវិជ្ជាជីវៈ ?

៤៧- កម្មវិធីយុទ្ធសាស្រ្តនៃការពង្រឹងមូលដ្ឋានទិន្នន័យ និងប្រព័ន្ធព័ត៌មានទីផ្សារការងារ សំដៅធ្វើឱ្យព័ត៌មានទីផ្សារការងារជួយកាត់បន្ថយ ឬលុបបំបាត់គម្លាតរវាងតម្រូវការនិងការផ្គត់ផ្គង់ការងារ ដែលកើតចេញពីការបណ្តុះបណ្តាល ជំនាញ និងភាពខុសគ្នានៃទីតាំងភូមិសាស្ត្រ ។ ប្រព័ន្ធព័ត៌មានទីផ្សារការងារដែលដំណើរការល្អទាមទារឱ្យមានការប្រមូល ការវិភាគ ការចងក្រង និងការផ្សព្វផ្សាយស្ថិតិ ដែលតំណាងឱ្យថ្នាក់ជាតិនិងប្រភេទទិន្នន័យពាក់ព័ន្ធឯទៀត។ គោលការណ៍នេះមានបំណងពង្រឹងដំណើរការសកម្មភាពនិងវិធានការ តើក្រសួងការងារ និងបណ្តុះបណ្តាលវិជ្ជាជីវៈ មានវិធានការអ្វីខ្លះ សម្រាប់ពង្រឹងកិច្ចការខាងលើ ?

៤៨- គោលការណ៍ពង្រឹងប្រសិទ្ធភាពសេវាការងារ និងពង្រីកវិសាលភាពក្នុងការផ្តល់សេវាការងារ ប្រកបដោយប្រសិទ្ធភាព ធ្វើឱ្យទីផ្សាការងារដំណើរការបានល្អ ។ សេវាការនេះរួមមាន ៖ ការផ្តល់ជំនួយក្នុងការរកការងារ និងដាក់ឱ្យចូលធ្វើការការផ្តល់ប្រឹក្សាការងារ និងការអនុវត្តកម្មវិធីទីផ្សារការងារឯទៀត ។ សេវាការងារនេះជួយបំពេញតម្រូវការងាក្នុងអនុវិស័យអាទិភាព ។ តើក្រសួងការងារ និងបណ្តុះបណ្តាលវិជ្ជាជីវៈមានវិធានការអ្វីខ្លះ ដែលនឹងជួយពង្រឹងបន្ថែមទៀតនៅបណ្តាញទំនាក់ទំនងរវាងមជ្ឈមណ្ឌលការងារទាំងអស់នៅក្នុងប្រទេស ?

៤៩- ការធ្វើឱ្យប្រសើរឡើងនូវលក្ខខណ្ឌការងារ និងការពារកម្មករនិយោជិតមានភាពប្រសើរឡើង ហើយនឹងបង្កើនផលិតភាពរបស់សហគ្រាស ។ កិច្ចការនេះគេទាមទារឱ្យពង្រឹងយន្តការតាមដានត្រួតពិនិត្យ និងធ្វើនិយ័តកម្មលើលក្ខខណ្ឌការងារ ការចាំបាច់ត្រូវដាក់បញ្ចូលនូវកិច្ចគាំពារសង្គមផងដែរ ។ តើក្រសួងការងារ និងបណ្តុះបណ្តាលវិជ្ជាជីវៈមានវិធានការអ្វីខ្លះ ?

៥០- ការធ្វើសុខដុមរមណីយកម្មទំនាក់ទំនងវិជ្ជាជីវៈ និងពង្រឹងយន្តការកំណត់ប្រាក់ឈ្នួល តាមរយៈការរៀបចំ ការធ្វើជាតំណាងនិងសំវាទសង្គម សុទ្ធសឹងជាចំណុចស្នូលរបស់អភិបាលកិច្ចល្អ នៃទីផ្សារការងារ និងការងារសមរម្យ ។ កិច្ចអភិវឌ្ឍន៍វិស័យសេដ្ឋកិច្ចទាំងសេដ្ឋកិច្ចផ្លូវការ ទាំងសេដ្ឋកិច្ចក្រៅប្រព័ន្ធរួមទាំងកម្លាំងពលកម្មផងនោះ អាចសម្រេចបានយ៉ាងល្អ គឺដោយសារទំនាក់ទំនងវិជ្ជាជីវៈ ដែលមានលក្ខណ:សុខដុមនិងដែលកើតចេញពីសំវាទសង្គម និងការចរចាជាសមូលហភាព (Collective Bargaining) ។ ការធ្វើឱ្យប្រសើរឡើងនូវភាពជាតំណាងរបស់សហជីពតាមរយ:ការរួមគ្នាដោះស្រាយបញ្ហាពាក់ព័ន្ធនឹងការអនុវត្តការងារមិនយុត្តិធម៌ (ទាំងខាងសហជីព ទាំងខាងនិយោជក) រាប់ទាំងការរើសអើងប្រឆាំងនឹងសហជីព ។ ការលើកស្ទួយការទទួលស្គាល់សិទ្ធិធ្វើការចរចារជាសមូភាពការគាំទ្រដំណើរការរបស់ក្រុមប្រឹក្សាអាជ្ញាកណ្តាល និងគណៈកម្មការប្រឹក្សាការងារដើម្បីសម្រេចបានទំនាក់ទំនងវិជ្ជាជីវៈដ៏សុខដុមទៅអនាគត ។ តើក្រសួងការងារ និងបណ្តុះបណ្តាលវិជ្ជាជីវៈ គួរមានវិធានការអ្វីខ្លះដើម្បីជំរុញកិច្ចខាងលើឱ្យមានប្រសិទ្ធភាពខ្ពស់ ?

ចម្លើយ

៤៦- ដើម្បីឱ្យប្រជាពលរដ្ឋទទួលបានជំនាញសមស្របទៅនឹងតម្រូវការទីផ្សារការងារ ទាមទារឱ្យមានវិធានក្នុងការពង្រឹងគុណភាពនៃការអប់រំ និងការបណ្តុះបណ្តាលបច្ចេកទេស និងវិជ្ជាជីវៈដូចជា ៖

• លើកកម្ពស់ស្តង់ដាជាតិសមត្ថភាព ការធ្វើតេស្តបញ្ជាក់សមត្ថភាព និងប្រព័ន្ធផ្តល់វិញ្ញាបនបត្រឲ្យស្របតាមស្តង់ដាវិស័យឯកជន និងឧស្សាហកម្ម ដោយយកស្តង់ដាអាស៊ានជាគោល ។
• ពង្រឹងទំនាក់ទំនងនិងភាពស៊ីសង្វាក់គ្នា រវាងគោលនយោបាយជាតិស្តីពីការអប់រំបណ្តុះបណ្តាលបចេ្ចកទេសនិងវិជ្ជាជីវៈ និងការអប់រំចំណេះដឹងទូទៅ និងគោលនយោបាយអភិវឌ្ឍន៍វិស័យឧស្សាហកម្មឆ្នាំ២០១៥-២០២៥ ។
• បង្កើតមជ្ឈមណ្ឌលគំរូ (Center of Excellence) និងមជ្ឈមណ្ឌលធ្វើតេស្តបញ្ជាក់សមត្ថភាព ដើម្បីគាំទ្រមុខរបរ និងជំនាញជាអាទិភាព ។
• ផ្តល់កម្មវិធីស្ពានចម្លងជាបន្ត ដើម្បីកសាងសមត្ថភាពឱ្យសិស្សអាចចូលរៀនឡើងវិញ នៅតាមកម្រិតកម្មវិធីអប់រំចំណេះដឹងទូទៅ និងការអប់រំបណ្តុះបណ្តាលបច្ចេកទេសនិងវិជ្ជាជីវៈ ។
• បង្កើតលទ្ធភាពក្នុងការផ្តល់ការអប់រំ និងការអប់រំបណ្តុះបណ្តាលបច្ចេទេស និងវិជ្ជាជីវៈដល់ក្រុមជនងាយរងគ្រោះ(សិស្សបោះបង់ការសិក្សាចំណេះដឹងទូទៅ ជនក្រីក្រ កុមារកំព្រា និងជនពិការ...) ។ល។
• ពង្រឹងគម្រោងឱកាសក្នុងការទទួលបានការអប់រំសម្រាប់ពលរដ្ឋគ្រប់វ័យ ។
• បង្កើនបរិមាណ និងគុណភាពគ្រូ ដែលមានចំណេះដឹង ចំណេះធ្វើ និងបទពិសោធន៍ឱ្យបានគ្រប់ៗគ្នា ។
• ពង្រឹងគុណភាព និងបង្កើនចំនួនគ្រឹះស្ថានអប់រំបណ្តុះបណ្តាលបច្ចេកទេស និងវិជ្ជាជីវៈ និងរៀបចំគោលនយោបាយអភិវឌ្ឍវិស័យអប់រំបណ្តុះបណ្តាលបច្ចេកទេស និងវិជ្ជាជីវៈ ។
• ត្រួតពិនិត្យ តាមដាន និងវាយតម្លៃទៅលើភាពឆ្លើយតបនៃការអប់រំ និងបណ្តុះបណ្តាលបច្ចេកទេស និងវិជ្ជាជីវៈ ។

៤៧- ព័ត៌មានទីផ្សារការងារជួយកាត់បន្ថយ ឬលុបបំបាត់គម្លាតរវាងត្រូវការ និងការផ្គត់ផ្គង់ការងារដែលកើតចេញពីការបណ្តុះបណ្តាលជំនាញ និងភាពខុសគ្នានៃទីតាំងភូមិសាស្ត្រ ។ ប្រព័ន្ធ​ព័ត៌មានទីផ្សារការងារដែលដំណើរការល្អទាមទារឱ្យមានការប្រមូល ការវិភាគ ការចងក្រង និងការផ្សព្វផ្សាយស្ថិតិ ដែលតំណាងឲ្យថ្នាក់ជាតិ និងប្រភេទទិន្នន័យពាក់ព័ន្ធឯទៀត ។ គោលការណ៍នេះមានបំណងពង្រឹងដំណើរការសកម្មភាពនិងវិធានការជាអាទិ៍ ៖

• ធ្វើអង្កេតកម្លាំងពលកម្មឱ្យបានទៀងទាត់រៀងរាល់មួយឆ្នាំម្តង
• ពង្រីកនិងពង្រឹងគុណភាពមូលដ្ឋានទិន្នន័យព័ត៌មានទីផ្សារការងារ
• ង្រីកនិងពង្រឹងគុណភាពមូលដ្ឋានទិន្នន័យព័ត៌មានទីផ្សារការងារ
• ពង្រឹងការអនុវត្តបទដ្ឋានគតិយុត្តិស្តីពីការប្រមូល និងចងក្រងព័ត៌មានទីផ្សារការងារជាមួយភាគីពាក់ព័ន្ធ
• វិភាគបានទៀងទាត់រៀងរាល់មួយឆ្នាំម្ដង ចំពោះព័ត៌មានទីផ្សារការងារ ដែលទទួលបានពីប្រភពទិន្នន័យថ្នាក់ជាតិ និងប្រភពផ្សេងៗទៀត
• លទ្ធផលវិភាគទៅដល់ភាគី ដូចជាមន្រ្តីតាក់តែងគោលនយោបាយ អ្នកស្វែងរកការងារនិយោជក និងយុវជន
• ពង្រឹងសមត្ថភាពស្ថាប័នទទួលបន្ទុកក្នុងការប្រមូលគ្រប់គ្រង និងវិភាគទិន្នន័យ ។

៤៨ - វិធានការនានាដើម្បីឱ្យសេវាការងារប្រកបដោយប្រសិទ្ធភាព ធ្វើឱ្យទីផ្សាការងារដំណើរការបានល្អនោះគឺ ៖

• ពង្រឹងការផ្តល់សេវាការងារ
• ពង្រឹងការតម្រង់ទិសដល់ក្រុមគោលដៅអំពីគន្លែងការងារ (អាជីពកាងារ និងវិជ្ជាជីវៈ) ដោយសហការជាមួយភាគីពាក់ព័ន្ធ
• សម្របសម្រួលការផ្នូរផ្គងតម្រូវការការងាររវាងនិយោជិកនិងអ្នកស្វែងរកការងារនៅក្នុងអនុវិស័យជាអាទិភាព
• រៀបចំវេទីការងារឱ្យបានទៀងទាត់ទាំងនៅថ្នាក់មូលដ្ឋាន ទាំងថ្នាក់ជាតិ ដើម្បីអនុញ្ញាតឱ្យនិយោជិក និងអ្នកស្វែងរកការងារជួបគ្នា
• ពង្រឹងបណ្តាញទំនាក់ទំនងរវាងស្ថាប័នអប់រំ និងការអប់រំបណ្តុះបណ្តាលបច្ចេកទេស និងវិជ្ជាជីវៈនិយោជកនិងអ្នកស្វែងរកការងារ
• បង្កើតមជ្ឈមណ្ឌលបន្ថែម
• លើកកម្ពស់ការយល់ដឹងអំពីសេវាកម្មរបស់មជ្ឈមណ្ឌលការងារក្នុងចំណោមនិយោជក និងអ្នកស្វែងការងារ
• បង្កើតឱ្យមានទីភ្នាក់ងារឯកជនផ្តល់សេវារកការងារឱ្យធ្វើក្នុងស្រុក ។

៤៩- យន្តការតាមដាន ត្រួតពិនិត្យ និងធ្វើនិយ័តកម្មលើលក្ខខណ្ឌការងារ តាមរយៈការធ្វើឲ្យប្រសើរឡើងនូវលក្ខ ខណ្ឌការងារ និងការពារកម្មករនិយោជិតមានភាពប្រសើរឡើង ហើយនិងបង្កើនផលិតភាពរបស់សហគ្រាសការចាំបាច់ត្រូវដាក់បញ្ចូលនូវកិច្ចគាំពារសង្គម និងវិធានការដូចជា ៖

• ពង្រឹងយន្តការអធិការកិច្ចការការងារ
• បង្កើតមូលដ្ឋានទិន្នន័យសហគ្រាស ដែលត្រូវតាមដាននិងត្រួតពិនិត្យលក្ខខណ្ឌការងារកម្មករនិយោជិត
• សិក្សាលទ្ធភាពក្នុងការផ្តល់សច្ចានប័នលើអនុសញ្ញាពាក់ព័ន្ធដែលត្រូវនឹងបរិបទកម្ពុជា
• ធ្វើវិសោធនកម្មច្បាប់ស្តីពីការងារ
• ពង្រឹងកិច្ចសម្របសម្រួលជាមួយភាគីពាក់ព័ន្ធ
• ពង្រីកវិសាភាពកិច្ចគាំពារសង្គម ដោយអនុលោមតាម "យុទ្ធសាស្រ្តគាំពារសង្គមនៅក្នុងក្របខណ្ឌនៃយុទ្ធសាស្រ្តអភិវឌ្ឍប្រព័ន្ធសន្តិសុខសង្គម” និងលើកកម្ពស់អនាម័យនិងសុវត្ថិភាពការងារនៅកន្លែងធ្វើការ ។

៥០- ការធ្វើសុខដុមរមណីយកម្មទំនាក់ទំនងវិជ្ជាជីវៈ និងពង្រឹងយន្តការកំណត់ប្រាក់ឈ្នួល តាមរយៈចំណាត់ការខាងលើក្រសួងគួរមានវិធានការមួយចំនួនដូចខាងក្រោមនេះ ៖

• ពិនិត្យមើលឡើងវិញនិងវាយតម្លៃលើក្របខណ្ឌច្បាប់ និងបទដ្ឋានគតិយុត្តិ (រាប់ទាំងច្បាប់ស្តីពីការងារឆ្នាំ១៩៩៧) ដើម្បីធានាឱ្យបាននូវទំនាក់ទំនងវិជ្ជាជីវៈដ៏សុខដុម និងតំណាងដោយគ្រប់ភាគីដោយអនុលោមតាមអនុសញ្ញាអង្គការអន្តរជាតិខាងការងារ ។
• ពង្រឹងប្រសិទ្ធភាពប្រឹក្សាយោបល់របស់ក្រុមប្រឹក្សាអាជ្ញាកណ្តាល និងគណៈកម្មការប្រឹក្សាការងារ ដោយអនុលោមតាមបទដ្ឋានអន្តរជាតិ ។
• កសាងប្រព័ន្ធកំណត់ប្រាក់ឈ្នួលដែលរឹងមាំ និងមានសត្យានុម័ត តាមរយះការពិនិត្យ និងការវាយតម្លៃប្រចាំឆ្នាំនៅកម្រិតប្រាក់ឈ្នួលអប្បរមា ។
• ពង្រឹងយន្តការដោះស្រាយវិវាទការងារនិងការបង្កើតតុលាការការងារ ។
• កសាងសមត្ថភាពពាក់និងជាតំណាង និងការចរចារជាសមូលហកាត់នៅតាមកម្រិតនានា (ថ្នាក់ជាតិ ថ្នាក់វិស័យ និងថ្នាក់សហគ្រាស) ។

តភាគ