វិញ្ញាសាមុខវិជ្ជាជីវៈវិទ្យា ( វិញ្ញាសាទី៣៩ )

សំនួរ

១. ណឺរ៉ូនមានប៉ុន្មានប្រភេទ ?

២. ដូចម្តេចដែលហៅថា ក្រពេញអង់ដូគ្រីន ? រៀបរាប់ឈ្មោះក្រពេញនោះឲ្យបាន ៤ប្រភេទ ។

៣. គេសម្គាល់រុក្ខជាតិនីកូទីលេដូនបានដោយសារអ្វី ?

៤. តើស៊ីណាប់ជាអ្វី ?

៥. ហេតុអ្វីបានជាច្រវ៉ាក់ពីរនៃម៉ូលេគុល AND ដែលភ្ជាប់គ្នាដោយសម្ព័ន្ធអ៊ីដ្រូសែនខ្សោយជាច្រវាក់រឹងមាំ ?

ចម្លើយ

១. ណឺរ៉ូនមាន៣ប្រភេទគឺៈ

បើពាក់ព័ន្ធនឹងពន្លយដែលចេញពីតួកោសិកា ( ពន្លយស៊ីតូប្លាស )

• ណឺរ៉ូនឯកប៉ូល
• ណឺរ៉ូនទ្វេប៉ូល
• ណឺរ៉ូនពហុប៉ូល ។

បើផ្អែកទៅលើនាទីៈ

• ណឺរ៉ូនវិញ្ញាណនាំ
• ណឺរ៉ូនភ្ជាប់
• ណឺរ៉ូនចលករ ។

២. ក្រពេញអង់ដូគ្រីនគឺជាក្រពេញបញ្ចេញក្នុង ដែលគ្មានបំពង់នាំហើយវាបញ្ចេញអរម៉ូន ឬផលិតផលរបស់វាទៅក្នុងចរន្តឈាមដោយផ្ទាល់ ។

រៀបរាប់ឈ្មោះក្រពេញអង់ដូគ្រីនឲ្យបាន៤៖

• ក្រពេញអ៊ីប៉ូភីស
• ក្រពេញទីរ៉ូអ៊ីត
• ក្រពេញលើតម្រង់នោម
• ក្រពេញអ៊ីប៉ូតាឡាមុស ។​

៣. គេសម្គាល់រុក្ខជាតិនីកូទីលេដូនបានដោយសារៈ​

• គ្រាប់មានកូទីលេដុង២
• ឬសជាឬសកែវ
• ស្លឹកមានទ្រនុងបែកខ្នែង
• ផ្កាមាន ៨ ឬ ៥ស្រទាប់
• ដើមមានបាច់សរសៃនាំស្ថិតនៅជារង្វង់ ។

៤. ស៊ីណាប់គឺជាលំហតូចមួយដែលស្ថិតនៅចន្លោះចុងអាក់សូនរបស់ណឺរ៉ូនមួយទៅនឹងដង់ឌ្រីត ឬតួកោសិការបស់ណឺរ៉ូនបន្ទាប់  ។

៥. បានជាច្រវាក់ពីរនៃម៉ូលេគុល ADN ដែលភ្ជាប់គ្នាដោយសម្ព័ន្ធអ៊ីដ្រូសែនខ្សោយជាច្រវាក់រឹងមាំព្រោះម៉ូលេគុល ADN មាននុយក្លេអូទីតរាប់ម៉ឺនទៅរាប់លានហើយនុយក្លេអ៊ូទីតច្រវាក់ម្ខាងៗភ្ជាប់គ្នាដោយសារសម្ព័ន្ធអ៊ីដ្រូសែន A ភ្ជាប់ T ដោយសម្ព័ន្ធ ២ជាន់ និង C ភ្ជាប់ G ដោយសម្ព័ន្ធ ៣ជាន់នោះវាធ្វើឲ្យមានចំនួនសម្ព័ន្ធអ៊ីដ្រូសែនច្រើនដែលជាហេតុនាំឲ្យម៉ូលេគុល ADN ជាច្រវាក់រឹងមាំ ។