Blog វិញ្ាសាមុខវិជ្ជាជីវៈវិទ្យា ( វិញ្ញាសារទី១៤ )

សំនួរ                              

១. តើប្រេងនិងខ្លាញមានលក្ខណៈខុសគ្នាដូចម្តេច ?

២. ចូរប្រៀបធៀបអាមីដុងនិងគ្លីកូសែន ?

៣ ដូចម្តេចដែលហៅថាអាមីណូអាស៊ីតគ្រឹះ ? ហេតុដូចម្តេចបានជាយើង ត្រូវហូបបន្លែច្រើនប្រភេទចម្រុះគ្នា ?

៤. តើវិតាមីនមាននាទីអ្វីខ្លះ ?តើការបរិភោគវីតាមីននិមិត្ត( ផលិតដោយមនុស្ស ) ច្រើនធ្វើឲ្យសារពាង្គកាយយើងលូតលាស់ឬទេ ?តើវិតាមីនធម្មតាមាននៅឯណា ?

៥. តើត្រូវធ្វើដូចម្តេច ដើម្បីឲ្យសារពាង្គកាយមានតុល្យភាពនិងមានសុខភាពល្អ ?

ចម្លើយ                   

១. លក្ខណៈខុសគ្នារវាងប្រេងនិងខ្លាញ់ៈ

• ប្រេងគឺជាលីពីតកើតពីអាស៊ីតខ្លាញ់មិនឆ្អែត ។
• ខ្លាញ់គឺជាលីពីតកើតពីអាស៊ីតខ្លាញ់ឆ្អែត ?

២. ប្រៀបធៀបអាមីដុង និងគ្លីកូសែនៈ

• អាមីដុងៈ ជាកាបូអ៊ីដ្រាតបង្កឡើងដោយម៉ូលេគុលគ្លុយកូសពីរាប់រយទៅរាប់ពាន់ដែលប្រើជាម៉ូលេគុលអាហារបំរុងដោយរុក្ខជាតិ ។
• គ្លីកូសែនៈ ជាកាបូអ៊ីដ្រាតដែលកើតឡើងពីម៉ូលេគុលគ្លុយកូស និងត្រូវបានប្រើជាម៉ូលេគុលអាហារបំរុងដោយសត្វ ។

៣. ដែលហៅថាអាមីណូអាស៊ីតគ្រឹះ ជាអាមីណូអាស៊ីតប្រហែល១០ ប្រភេទដែលសារពាង្គកាយយើងមិនអាចសំយោគបាន គឺត្រូវយកពីរបបអាហារប្រចាំថ្ងៃ  ។ បានជាយើងត្រូវហូបបន្លែច្រើនប្រភេទចម្រុះគ្នាព្រោះអាហាររុក្ខជាតិតែមួយប្រភេទមិនអាចផ្តល់អាមីណូអាស៊ីតគ្រឹះទាំងអស់ទេ ។

៤. វីតាមីនមាននាទីសរីរៈយ៉ាងសំខាន់ក្នុងនាទីជាកាតាលីករ ដែលជួយអង់ស៊ីមក្នុងប្រតិកម្មគីមីផ្សេងៗ ។ ការបរិភោគវីតាមីននិមិត្ត ( ផលិតដោយមនុស្ស ) ច្រើនមិនអាចជួយធ្វើឲ្យសារពាង្គកាយយើងលូតលាស់ហើយរឹងមាំបានទេ ។ វីតាមីនធម្មតាមាននៅក្នុងរបបអាហារ ជាពិសេសនៅក្នុងផ្លែឈើស្រស់ បន្លែបៃតង គ្រាប់ធម្មញ្ញជាតិ ត្រី សាច់ ស៊ុត ថ្លើម​  ។

៥. ដើម្បីឲ្យសារពាង្គកាយមានតុល្យភាពនិងមានសុខភាពល្អយើងត្រូវប្រើប្រាស់អាហារ៦ក្រុមៈ

• ប្រេង ខ្លាញ់ ស្ករ
• សាច់
• ទឹកដោះគោ
• ផ្លែឈើ
• បន្លែ
• គ្រាប់ធញ្ញជាតិ ។