តើការស៊ើបអង្កេតរបស់តុលាការ មានតួនាទីដូចម្តេចខ្លះ ?

ការស៊ើបអង្កេត គឺ​ជា​ដំណាក់កាល​មូលដ្ឋាន​មួយ នៅក្នុង​កិច្ច​ដំណើការ​ព្រហ្មទណ្ឌ​ទាំងមូល​នៅ​ចំពោះ​មុខ អ.វ.ត.ក ។ តាម​ការពិតដំណាក់កាល​ស៊ើបអង្កេត​ គឺ​ជា​ដំណាក់កាល​ដែល​មិន​អាច​អត់​បាន ដែល​មាន​ផលប៉ះពាល់​ដោយ​ផ្ទាល់​ដល់​ដំណាក់​កាល​ផ្សេងៗ​ទៀត​នៃ​កិច្ចដំណើរការ​នីតិវិធី ។ ដោយ​មាន​ការជួយ​ជ្រោមជ្រែង​ពី​សំណាក់​ក្រុមការងារ​ទាំងបី​ដែល​បង្កើត​បាន ក.ស.ច.ស នោះ (ក្រុម​អ្នកស៊ើបអង្កេត  ផ្នែកវិភាគ និង​ក្រុម​អ្នកច្បាប់) សហចៅក្រម​ស៊ើបអង្កេតប្រមូល​នូវ​ភស្តុតាង​សំខាន់ៗ​នានា ដើម្បី​ធ្វើការ​កំណត់និង​មួយ​វិញ​ទៀត ដើម្បី​បញ្ជាក់ថា​តើ​អង្គ​ហេតុ​នានា ដែល​មាន​ចែង​នៅ​ក្នុង​ដីកា​សន្និដ្ឋាន​បញ្ជូន​រឿង​ឲ្យ​ស៊ើបសួរ​អាច​បង្ក​ឲ្យ​មាន​ឧក្រិដ្ឋកម្ម​នានា​ ស្ថិត​នៅ​ក្រោម​យុត្តាធិការ​របស់ អ.វ.ត.ក ដែរ​ឬ​យ៉ាងណា​នោះ ហើយ​នៅ​ក្នុង​ពេល​ជាមួយ​គ្នា​នេះដែរ ថា​តើ​មាន​ភស្តុតាង​គ្រប់គ្រាន់​ដែរឬទេ សម្រាប់​បញ្ជូន​ជន​ត្រូវចោទ​ទៅ​ជំនុំជម្រះ​ចំពោះ​ឧក្រិដ្ឋកម្ម ដែល​ជន​ត្រូវចោទ​ទាំងនោះ​ត្រូវ​រង​ការចោទ​ប្រកាន់ ។