តើអត្ថប្រយោជន៍នៃរបបសន្តិសុខសង្គមមានអ្វីខ្លះ?

អត្ថប្រយោជន៍នៃរបបសន្តិសុខសង្គមមាន៖

• ធានាកម្រិតជីវភាពគ្រួសាររបស់កម្មករនិយោជិត នៅពេលដែលរងហានិភ័យសង្គមនានា
• លើកកម្ពស់គុណភាពបរិមាណផលិតផលសហគ្រាស តាមរយៈការជឿជាក់លើការងារ
• រួមចំណែកលើកម្ពស់សុខភាពកម្មករនិយោជិតតាមរយៈការរំលែកហានិភ័យ
• ធានាសិទ្ធិជាមួលដ្ឋានរបស់មនុស្សជាតិ ពិសេសកម្មករនិយោជិតដែលមានចែងក្នុងច្បាប់
• កម្មករនិយោជិតមានក្តីសង្ឃឹមលើការងារក្នុងវិស័យឯកជន ដោយពួកគេយល់ថា មានការធានារ៉ាប់រងនៅពេលជួបហានិភ័យសង្គមនានា ដូចមន្ត្រីរាជការរដ្ឋដែរ។
• កម្មករនិយោជិតទទួលបានការងារប្រពៃតាមរយៈការលើកម្ពស់លក្ខខណ្ឌការងារ ពិសេសសុវត្ថិភាពការងារ និងអនាម័យការងារតាមសហគ្រាសគ្រឹះស្ថាន
• ធ្វើឱ្យមានសុខដុមរមណីយកម្មក្នុងសង្គមជាតិ ពិសេសរវាងកម្មករនិយោជិត​និងនិយោជក
• ចូលរួមការអភិវឌ្ឃន៍សេដ្ឋកិច្ចសង្គមតាមរយៈការវិនិយោគប្រាស់ដែលនៅសល់ពីការប្រើប្រាស់សម្រាប់តាវកាលិក។
• ចូលរួមចំណែកកសាងនីតិរដ្ឋ ព្រមទាំងលើកស្ទួយកម្មវិធីកំណែទម្រង់នយោបាយរបស់រាជរដ្ឋាភិបាលក្នុងការកាត់បន្ថយភាពក្រីក្រ ឆាប់ទទួលបានជោគជ័យ
• រួមចំណែកក្នុងការអនុវត្តគោលនយោបាយ យុទ្ធសាស្ត្រចតុកោណដំណាក់កាលទី៣ ដែលមានចែងក្នុងចតុកោណទី៣មុំទី៤ទទួលបានជោគជ័យតាមការកំណត់
• និយោជកបានបំពេញករណីកិច្ច គុណធម៌ដោយចែករំលែកផលចំនេញតាមរយៈកាតព្វកិច្ចបង់ភាគទានសម្រាប់របបសន្តិសុខសង្គម
• បញ្ជាក់ឱ្យឃើញនូវការយកចិត្តទុកដាក់អំពីប្រមុខរដ្ឋាភិបាល ក្នុងការធានានិរន្តរភាពដល់ជីវភាពរស់នៅរបស់កម្មករនិយោជិត ទាំងបច្ចុប្បន្នក៏ដូចតទៅអនាគត

នៅបណ្តាលប្រទេសជឿនលឿនមូលធនសន្តិសុខសង្គមអាចរួមចំណែកដល់កំណើន នៃផលទុនជាតិ ដូច្នេះប្រព័ន្ធសន្តិសុខសង្គមមានឥទ្ធិពល និងជាបង្អែកដ៏រឹងមាំលើវិស័យសេដ្ឋកិច្ចសម្រាប់ការអភិវឌ្ឃន៍សង្គមជាតិ។