សំណួរ-ចម្លើយ ទាក់ទងនឹងរដ្ឋធម្មនុញ្ញ (ភាគ៥៩)

សំណួរ

២៩១- តើច្បាប់រៀបចំអង្គការមាត្រា ១៤០ មានអត្ថន័យដូចម្តេច ? តើច្បាប់មួយមានលក្ខណៈអ្វីខ្លះ ទើបអាចហៅថា ច្បាប់រៀបចំអង្គការ ?

២៩២- ហេតុអ្វីបានជាអនុញ្ញាតឱ្យសួរមិនចេញឈ្មោះមិនចេញមុខ ?

២៩៣- អ្វីទៅហៅថា អាវុធវេត្រណូ ?

២៩៤- សូមពន្យល់ពាក្យ សន្តិសហវិជ្ជមាន ។

២៩៥- តើពាក្យ ប្រយោជន៍សាធារណៈ មានន័យយ៉ាងដូចម្តេច ? មានលក្ខណៈអ្វីខ្លះ ?

ចម្លើយ

២៩១- គឺជាច្បាប់ដែលបង្កើតក្រសួងស្ថាប័ន ឬច្បាប់បង្កើតអង្គការចាត់តាំង ។

២៩២- ដើម្បីផ្តល់សេចក្តីក្លាហាន និងផ្តល់ភាពងាយស្រួលដល់អ្នកសួរ ។

២៩៣- ជាអាវុធដែលអាចនាំឲ្យកើតជាមេរោគផ្សេងៗ ដូចជាជម្ងឺមហារីក ឃ្លង់ ជាដើម ។

២៩៤- សន្តិសហវិជ្ជមាន មានន័យថាកិច្ចសហការដោយសន្តិភាព និងផ្តល់ប្រយោជន៍ឲ្យគ្នាទៅវិញទៅមក ។

២៩៥- ប្រយោជន៍សាធារណៈ មានន័យថាសាធារណៈជនទាំងអស់ ពលរដ្ឋទាំងអស់ ដោយមិនប្រកាន់ភេទ ប្រកាន់ពណ៌សម្បុរ ប្រកាន់សាសនា អាចទៅចូលរួមអាស្រ័យផលនៅកន្លែងនោះបាន ដូចជាស្ពាន ផ្លូវជាដើម ។ ផ្ទុយពីប្រយោជន៍ឯកជន បើសិនជាចង់ឆ្លងស្ពានឯកជនត្រូវបង់ថ្លៃសេវាឲ្យគេ ។

តភាគ