សំណួរ
១- តើការគ្រប់គ្រងធនធានមនុស្ស នៅក្នុងក្រុមហ៊ុនគេធ្វើអ្វីខ្លះ?
២- តើគន្លឹះនៃការគ្រប់គ្រងដើម្បីជួយអោយក្រុមហ៊ុនរបស់អ្នកមានការរីកចំរើនមានអ្វីខ្លះ ?
៣- តើមានគន្លឹះប៉ុន្មានក្នុងការបើកអាជីវកម្មខ្នាតតូចទទួលបានភាពជោគជ័យ ?
៤- ដូចម្តេចហៅថា ការគ្រប់គ្រង ?
៥- ហេតុអ្វីក៏ការគ្រប់គ្រងចាំបាច់ត្រូវតែមានប្រព័ន្ធពីរ ?
ចម្លើយ
១- ការគ្រប់គ្រងធនធានមនុស្ស នៅក្នុងក្រុមហ៊ុនគេត្រូវធ្វើដូចជា ៖
ក- ជំនាញបង្កើតវប្បធម៌ក្រុមហ៊ុន និងច្បាប់វិន័យផ្សេងៗ
- កំណត់គោលដៅ និងលក្ខណៈពិសេស របស់ស្ថាបន (ទស្សនវិស័យ និងបេសកកម្ម)
- រៀបចំចិត្តគំនិត និងទង្វើដែលបុគ្គលិក ត្រូវប្រតិបត្តិប្រចាំថ្ងៃ ដើម្បីមានផលិតភាពខ្ពស់
- រៀបចំការគ្រប់គ្រងស្ថាប័ន ដោយយកច្បាប់ជាធំ មិនមែនបុគ្គលជាធំ ដើម្បីស្ថាបនអាចដំណើរការបាន មិនអាស្រ័យលើមនុស្សម្នាក់ ។
ខ- ជំនាញបែងចែកទួនាទី និងភារកិច្ច
- រៀបចំរចនាសម្ព័ន្ធការងារ ដែលជាមូលដ្ឋានគ្រឹះក្នុងការគ្រប់គ្រងការងារជាប្រព័ន្ធមានប្រសិទ្ធភាពខ្ពស់
- ការបែងចែកការងារ ដល់បុគ្គលិកច្បាស់លាស់ នាំឲ្យមានការទទួលខុសត្រូវ ការងារខ្ពស់ និងផលិតភាពខ្ពស់
- បុគ្គលិកខិតខំធ្វើការងារ ដើម្បីស្នាដៃរៀងៗខ្លួន ។
គ- ជំនាញជ្រើសរើស មនុស្សឲ្យបានល្អ
- ដំណើរការ នៃការជ្រើសរើសបុគ្គលិក
- របៀបសម្ភាសន៍ ដែលមានប្រសិទ្ធភាពខ្ពស់ និងទទួលបានបុគ្គលិកល្អ
- ចំណុចសំខាន់ៗ ក្នុងការវិនិច្ឆ័យមនុស្ស ដែលអាចជ្រើសរើសមកធ្វើការបាន ទទួលលទ្ធផលការងារល្អ
ឃ- ជំនាញរៀបចំ ធនធានមនុស្ស និងផ្តល់ប្រាក់បៀវត្សរ៍
- រៀបចំឲ្យត្រូវតាមទីកន្លែង និងជំនាញ របស់មនុស្សម្នាក់ៗ
- ការៀបចំតារាងប្រាក់បៀវត្សរ៍ (Salary Scale ) ដែលមានប្រសិទ្ធភាព
ង- ជំនាញវាយតម្លៃលទ្ធផលការងារ លើកទឹក និងថែរក្សាមនុស្សល្អ
- ការកំណត់សូចនាករណ៍វាស់វែង (KPI) លទ្ធផលការងាររបស់បុគ្គលិក ដ៏មានប្រសិទ្ធភាព
- របៀបលើកទឹកចិត្តបុគ្គលិក ដោយយោងលើលទ្ធផលការងារ ដែលបានវាស់វែងហើយ
- រូបមន្ត ដើម្បីរក្សាមនុស្សល្អ នៅធ្វើការជាមួយ
ច- ជំនាញហ្វឹកហ្វឺន និងអភិវឌ្ឍមនុស្ស ឲ្យកាន់តែខ្លាំង
- របៀបស្វែងរកតម្រូវការហ្វឹកហ្វឺនក្នុងស្ថាបន (TNA)
- របៀបហ្វឹកហ្វឺនបុគ្គលិកដែលមានប្រសិទ្ធភាពខ្ពស់បំផុត ។
២- គន្លឹះនៃការគ្រប់គ្រងដើម្បីជួយអោយក្រុមហ៊ុនរបស់អ្នកមានការរីកចំរើនមានដូចជា ៖
- ពិនិត្យរបាយការណ៍ហិរញ្ញវត្ថុ ជារឿងសំខាន់ណាស់សម្រាប់ម្ចាស់អាជីវកម្មត្រូវត្រួតពិនិត្យរបាយការណ៍ហិរញ្ញវត្ថុ ដើម្បីដឹងពីការចំណាយ និង ចំណូលរបស់អាជីវកម្មរបស់អ្នក។ បីទោះអាជីវម្មរបស់អ្នកមានប្រព័ន្ធគ្រប់គ្រងចំណូលដ៏ដោយ ក៏អ្នកមិនអាចប្រហែសបានដែរ។
- ត្រួតពិនិត្យការចំណាយ ត្រួតពិនិត្យការចំណាយគ្រប់ពេលវេលាដើម្បីដឹងថា ការចំណាយរបស់អាជីកម្មរបស់អ្នកត្រូវគោលដៅ។ ការចំណាយដើម្បីបង្កើតចំណូលមិនមានអ្វីចម្លែកទេ តែអ្នកត្រូវការត្រួតពិនិត្យការចំណាយរបស់អ្នកបានគ្រប់គ្រាន់ដែរទេ? ជៀសវាងការខ្វះខាតនូវចំណុចណាមួយដែល ធ្វើអោយមានការខាតបង់ប្រាក់ចំនេញនៅពេលក្រោយ។
- ផ្ដល់អ្វីដែលអ្នកអាចធ្វើបានកេរ្តិ៍ឈ្មោះអាជីវកម្មជារឿងសំខាន់ណាស់។អ្នកមិនត្រូវចុះកិច្ចសន្យាណាមួយដែលអ្នកមិនអាចធ្វើបាននោះទេ ដូចជាការងារណាដែលហួសពីសម្ថតកិច្ចក្រុមហ៊ុនរបស់អ្នកនោះទេ។ ហើយបើអ្នកបានចុះកិច្ចព្រមព្រៀមហើយ អ្នកធ្វើមិនបាន នឹងមិនទាន់ពេលវេលាទេ អាចធ្វើអោយកេរ្តិ៍ក្រុមហ៊ុនរបស់អ្នកធ្លាក់ចុះ។ ទោះបីជាអ្នកត្រូវការប្រាក់ចំណេញក៏ពិតមែន ប៉ុន្តែវាត្រូវការមានគុណភាពស្របជាមួយនឹងតម្លៃនៃទំនិញរបស់អ្នកដូចគ្នាចឹងដែរ។
- ប្រើប្រាស់បំណុលសម្រាប់ទុនបង្វិល វាជារឿងសំខាន់ណាស់ដែលអ្នកជៀសវាងការប្រើប្រាស់ដើមទុនរបស់សម្រាប់ការចំណាយលើការទិញសម្ភារៈផ្សេងៗសម្រាប់ប្រើប្រាស់ក្នុងក្រុមហ៊ុនរបស់អ្នកនោះ។ ជៀសវាងការទិញដែលត្រូវចំណាយប្រាក់ច្រើន អ្នកអាចជ្រើសរើសវិធីជួលវិញ ឬ អ្នកអាចធ្វើការខ្ចីប្រាក់ពីធនាគាដើម្បីទិញរបស់ទាំងនោះ។
៣- គន្លឹះទាំង៥ក្នុងការបើកអាជីវកម្មខ្នាតតូចទទួលបានភាពជោគជ័យ ៖
- គិតពីទំហំទីផ្សារ ៖ កាលណាអ្នកបានសិក្សាពីទីផ្សារនៃក្រុមអតិថិជនគោលដៅរបស់អ្នកបានច្បាស់លាស់និងជ្រើសរើសយកអាជីវកម្មដែលត្រឹមត្រូវស្របតាមជំនាញរបស់អ្នកទៀតនោះវានឹងធ្វើឲ្យអ្នកកាន់តែមានភាពងាយស្រួលឡើង។ ប្រសិនបើទីផ្សាររបស់អ្នកកាន់តែធំនោះអត្រានៃការលក់របស់អ្នកក៏កាន់តែកើនឡើងដែរ។ ឧទាហរណ៍ថាអ្នកចង់បើកអាហារដ្ឋានមួយកន្លែងនៅទល់មុខផ្សារអូរឫស្សីនោះមានន័យថាអ្នកនៅក្បែរៗនោះនិងអតិថិជនដែលមកផ្សារគឺសុទ្ធតែជាអតិថិជនគោលដៅរបស់អ្នកទាំងអស់។ យើងសង្កេតឃើញថាអ្នកគឺមានទីផ្សារធំណាស់ដោយសារតែនៅផ្សារនោះគឺមានមនុស្សចូលច្រើនស្ទើររាល់ថ្ងៃ។ យ៉ាងណាមិញវាស្ថិតនៅលើការសម្រេចចិត្តរបស់អ្នកថាតើអ្នកនឹងរើសយកប្រភេទនៃអាជីវកម្មបែបណាតែប៉ុណ្ណោះ។ ទោះបីជាយ៉ាងណាអ្នកត្រូវមានភាពវ័យឆ្លាតក្នុងការជ្រើសរើសប្រភេទអាជីវកម្មព្រមទាំងសម្រួចគោលដៅទៅកាន់អតិថិជនរបស់អ្នក។
- ធម្មជាតិនៃផលិតផលឬសេវាកម្ម ៖ វាត្រូវមើលតាមប្រភេទនៃផលិតផលអ្នកដែរថាតើវាត្រូវបានគេប្រើប្រាស់រាល់ថ្ងៃ ម្តងម្កាល ឬអាចមានទំនិញជំនួសច្រើនជាងនិងថោកជាង។ ប្រសិនបើវាជាផលិតផលដែលគេតែងប្រើប្រាស់រាល់ថ្ងៃប្រាកដណាស់ថាអ្នកនឹងមិនសូវមានការព្រួយបារម្ភឡើយថាខ្លាចវាលក់មិនដាច់ឬឆាប់ខូចគុណភាពជាដើម។
- ដៃគូប្រកួតប្រជែង ៖ អ្នកមិនត្រូវភ្លេចគិតគូរពីដៃគូប្រកួតប្រជែងរបស់អ្នកនោះទេ។ អ្នកត្រូវដឹងថាអ្នកណាខ្លះដែលជាដៃគូប្រកួតប្រជែងរបស់អ្នកនិងមានលក់ផលិតផលឬបម្រើសេវាកម្មជំនួសអ្នកបាន។ ជាពិសេសអ្នកត្រូវរកវិធីសាស្រ្តណាដែលអាចដណ្តើមបានការទិញពីអតិថិជនតែត្រូវតែប្រកបដោយក្រមសីលធម៌និងស្របច្បាប់។
- របៀបដឹកជញ្ជូន និងស្តុក ៖ អ្នកត្រូវគិតគូឲ្យហើយថាផលិតផលរបស់អ្នកអាចដឹកជញ្ជូនតាមរបៀបណាខ្លះដើម្បីយកមកលក់និងលក់ឲ្យអតិថិជន ឬមួយអតិថិជនត្រូវមកទិញដោយផ្ទាល់ឬយ៉ាងណា។ បើអ្នកបានគិតគូរពីវារួចជាស្រេចវានឹងធ្វើឲ្យងាយស្រួលក្នុងការដាក់តម្លៃទំនិញ។ ក្រៅពីនេះអ្នកក៏ត្រូវពិចារណាថ្លៃចំណាយចំពោះការរក្សាទុកទំនិញរបស់អ្នកដែរ។
- របៀបនៃការគ្រប់គ្រងអាជីវកម្មរបស់អ្នក ៖ អ្នកត្រូវដឹងថាតើអាជីវកម្មរបស់អ្នកនឹងត្រូវបានគ្រប់គ្រងដូចម្តេច មានអ្នកផ្គត់ផ្គង់ណាខ្លះ អ្នកណាដែលចូលជាមួយអ្នក និងប្រភពនៃដើមទុនក្នុងការរកស៊ី។
៤- ការគ្រប់គ្រង គឺសំដៅលើដំណើរការនៃការរមួយរបស់អង្គការចាត់តាំង ឬអង្គភាពដោយឆ្លងកាត់ការប្រើប្រាស់ធនធានមនុស្ស និងធនធានដទៃទៀត សំដៅធ្វើសំរេចគោលបំណងមួយជាកំណត់ ។ ឬការជះឥទ្ធិពលមានគោលដៅរបស់ប្រធានបទទៅលើកម្មបទ សំដៅធ្វើអោយសំរេចនូវផលប្រយោជន៍មួយជាកំណត់ ។
៥- បានជាការគ្រប់គ្រងចាំបាច់ត្រូវតែមានប្រព័ន្ធពីរ ព្រោះវាក្រិត្យក្រមរួមរបស់ការគ្រប់គ្រង ។ បើការគ្រប់គ្រងមានតែប្រព័ន្ធគ្រប់គ្រង ហើយគ្មានប្រព័ន្ធត្រូវគេគ្រប់គ្រងទេនោះ គឺគ្មានការគ្រប់គ្រង ។
