នីតិវិធីនិងការធ្វើបែបបទយន្តហោះ ៖
- យន្តហោះចេញចូលក្នុងព្រះរាជាណាចក្រកម្ពុជា ត្រូវជូនដំណឹងដល់អាជ្ញាធរនៃរដ្ឋលេខាធិការដ្ឋានអាកាសចរស៊ីវិលនៃព្រះរាជាណាចក្រកម្ពុជា
- ពេលហោះហើរក្នុងដែនអាកាសកម្ពុជា មិនអនុញ្ញាតឲ្យទម្លាក់ទំនិញខុសពីតម្រាយផ្លូវឡើយ លើកលែងតែករណីដែលបណ្តាលឲ្យមានគ្រោះថ្នាក់ជាយថាហេតុ ដែលត្រូវរាយការណ៍ជាបន្ទាន់ដល់សមត្ថកិច្ចគយដែលនៅជិតបំផុតនៅនឹងកន្លែងចុះចត
- ការលើកដាក់ទំនិញឥវ៉ាន់អ្នកដំណើរចុះឡើងពីយន្តហោះត្រូវមានការអនុញ្ញាតនិងការត្រួតពិនិត្យពីមន្ត្រីគយ
- នៅពេលមន្ត្រីគយធ្វើការត្រួតពិនិត្យឆែកឆេរយន្តហោះ អាកាសយយានិក ឬអ្នកតំណាងត្រូវបង្កលក្ខណៈងាយស្រួលក្នុងពេលបំពេញភារកិច្ច
- ក្នុងករណីយន្តហោះដែលមានគ្រោះថ្នាក់ ឬមានការចៀសវាងគ្រោះថ្នាក់ រួចមានការចុះថតនៅចំណតអាកាសយានដ្ឋានណាមួយដែលគ្មានមន្រ្តីគយ ក្នុងករណីនេះអាកាសយាននិក ឬអ្នកតំណាងត្រូវរាយការណ៍ឲ្យរដ្ឋអំណាចមូលដ្ឋានទីនោះធ្វើការត្រួតពិនិត្យជំនួសមន្រ្តីគយ ។
