តើការស្នើសុំផ្ទៀតផ្ទាត់តម្លៃពន្ធគយត្រូវមានឯកសារភ្ជាប់អ្វីខ្លះ ?

ការស្នើសុំផ្ទៀតផ្ទាត់តម្លៃពន្ធគយត្រូវមានឯកសារភ្ជាប់ដូចជា ៖

• វិក្កយបត្រពាណិជ្ជកម្ម បញ្ជីវេចខ្ចប់ និងអញ្ញត្តិប័ណ្ណ ចំនួន៣ច្បាប់
• វិញ្ញាបនបត្រចុះបញ្ជីអាករលើតម្លៃបន្ថែម ប័ណ្ណប៉ាត់ លិខិតផ្ទេរសិទ្ធិ អត្តសញ្ញាណបណ្ណ ឬលិខិតឆ្លងដែនម្ចាស់ទំនិញនិងអ្នកតំណាង

ក្នុងករណីខ្លះ មន្រ្តីគយមានសមត្ថកិច្ចអាចតម្រូវឲ្យធុរជនពាក់ព័ន្ធផ្តល់ឯកសារគាំទ្របន្ថែមទៀតដូចជា ៖

• កិច្ចសន្យាលក់ ប័ណ្ណបញ្ជាទិញ លិខិតបញ្ជាក់ប្រតិបត្តិការតាមធនាគារ តារាងតម្លៃសាធារណៈ និងឯកសារផ្សេងទៀតដែលពាក់ព័ន្ធនឹងកិច្ចចម្លងការ ឬការទូទាត់
• ឯកសារដែលបញ្ជាក់ពីអត្តសញ្ញាណ ឬយថាប្រភេទលម្អិតច្បាស់លាស់នៃទំនិញ ។