សំណួរ-ចម្លើយ វិស័យមុខងារសាធារណៈ (ភាគ១៤)

សំណួរ

៦៦- តើអ្វីទៅជាសម្បទាសេវាសាធារណៈ ?

៦៧- តើរដ្ឋបាលឃុំ សង្កាត់ គ្មានអំណាចសម្រេចលើវិស័យអ្វីខ្លះ ?

៦៨- តើការប្តឹងរបស់មន្រ្តីរាជការមានប៉ុន្មាន ? អ្វីខ្លះ ?

៦៩- តើសិទ្ធិនៃការប្តឹងរបស់មន្រ្តីរាជការមានអ្វីខ្លះ ?

៧០- តើមន្រ្តីរាជការត្រូវឈរលើគោលការណ៍រឹងមាំអ្វីខ្លះ ?

៧១- តើមន្រ្តីរាជការដែលមានគុណភាពត្រូវតែមានអ្វីខ្លះ ?

៧២- តើមន្ត្រីរាជការគឺជាអ្វី ?

តើការគ្រប់គ្រងមុខងារសាធារណៈ និងដំណើរការនៃរដ្ឋបាលសាធារណៈត្រូវមានគោលការណ៍សំខាន់ៗអ្វីខ្លះ ?

ចម្លើយ

៦៦- សម្បទាសេវាសាធារណៈ គឺជាវិធីគ្រប់គ្រងសេវាមួយដែលនីតិបុគ្គលសាធារណៈ ផ្ដល់ការគ្រប់គ្រងតាមរយៈកិច្ចសន្យាទៅឱ្យដំណើរការសេវាមួយក្នុងរយៈពេលកំណត់មួយដោយទទួលចាត់ចែងបន្ទុកតាមមធ្យោបាយទទួលយកពីអ្នកប្រើប្រាស់សេវានូវប្រាក់បង់ថ្លៃប្រើប្រាស់ ។

៦៧- រដ្ឋបាលឃុំ សង្កាត់ គ្មានអំណាចសម្រេចសម្រេចលើវិស័យមានដូចជា ៖

• ព្រៃឈើ
• ប្រៃសណីយ៍ និងទូរគមនាគមន៍
• ការពារប្រទេស សន្តិសុខជាតិ
• រូបិយវត្ថុ
• គោលនយោបាយសារពើពន្ធ
• វិស័យផ្សេងៗទៀតដែលមានចែងក្នុងច្បាប់លិខិតបទដ្ឋានគតិយុត្តដែលពាក់ព័ន្ធ ។

៦៨- ការប្តឹងរបស់មន្រ្តីរាជការមាន២គឺ ៖

• មន្រ្តីរាជការដែលបានប្តឹងមកមុខងារសាធារណៈ ភាគច្រើនប្តឹងពីការតែងតាំង ការផ្លាស់ប្តូរ
• បណ្តឹងអំពីការភ្លេចមិនឲ្យគាត់ឡើងថ្នាក់ ។

៦៩- សិទ្ធិនៃការប្តឹងរបស់មន្រ្តីរាជការមាន២គឺ ៖

• ប្តឹងទៅមុខងារសាធារណៈ
• ប្តឹងទៅតុលាការ ។

៧០- មន្រ្តីរាជការត្រូវឈរលើគោលការណ៍រឹងមាំមានដូចជា ៖

• គោរពច្បាប់
• គោរពបទបញ្ជាទាំងអស់ ។

៧១- មន្រ្តីរាជការដែលមានគុណភាពត្រូវតែមាន ៖

• សមត្ថភាព
• សីលធម៌
• ទំនាក់ទំនងសាធារណៈ ។

៧២- មន្ត្រីរាជការ គឺជាប្រជាពលរដ្ឋខ្មែរ ដែលត្រូវបានជ្រើសរើសដោយការប្រឡងប្រជែង ឬដែលនាយករដ្ឋមន្រ្តីឲ្យបម្រើការងារក្នុងក្របខណ្ឌមួយនៅក្នុងក្រសួង ឬស្ថាប័នណាមួយដែលមានប្រាក់បៀវត្ស ប្រាក់សោធននិវត្ត ហើយមានការឡើងថ្នាក់ និងឋានន្តរសក្តិ ។

តភាគ