តើមានវិធីនិងអន្តរាគមន៍អ្វីខ្លះដល់អ្នកដែលមានបញ្ហាចិត្តសង្គម? ចូរពន្យល់។

វិធីនិងអន្តរាគមន៍ដល់អ្នកដែលមានបញ្ហាចិត្តសង្គម

វិធី

• អ្នកជម្ងឺត្រូវមានពេលវេលាគ្រប់គ្រាន់សម្រាប់សម្រាកចិត្តកាយ
• មានការអនុគ្រោះអត់ឱ្យន
• រារាំងកុំឱ្យមានព្រឹត្តិការណ៍អ្វីៗកើតឡើងឬបម្រុងនឹងកើតឡើងជាថ្មីទៀត
• ចាត់ទុកព្រឹត្តិការណ៍ដែលប៉ះទង្គិចផ្លូវចិត្ត ដែលខ្លួនធ្លាប់ជួបប្រទះកន្លងមក ថាជាបទពិសោធ ឬមេរៀនមួយសម្រាប់ជីវិតរបស់ខ្លួន
• បង្ហាញមេរៀន ឬបទពិសោធន៍ទាំងនោះដល់អ្នកដែលមានការប៉ះទង្គិចផ្លូវចិត្ត
• លើកទឹកចិត្ត ដល់អ្នកដែលមានការប៉ះទង្គិចផ្លូវចិត្តឱ្យស្វែងរកដំណោះស្រាយដោយមានការគាំទ្រពីសំណាក់ក្រុមគ្រួសារ មិត្តភក្ត្រិ និងសហគមន៍។

អន្តរាគមន៍

• រៀបចំក្រុមមនុស្ស ដែលមានបញ្ហាស្រដៀងគ្នាឱ្យធ្វើការគាំទ្រគ្នាទៅវិញទៅមក ដើម្បីប្តូរបទពិសោធន៍រវាងគ្នានិងគ្នា
• គ្រួសារ សហគមន៍ត្រូវគំរោងព្យាបាលរយៈពេលយូរដើម្បីជួយអ្នកជំងឺដូចជា៖

           ១.ប្រសិនបើអ្នកជំងឺមិនទាន់បានទទួលការពិនិត្យលើជង្ងឺផ្លូវកាយ ត្រូវនាំអ្នកជង្ងឺទៅកាន់មន្ទីរពេទ្យ ដើម្បីឱ្យពេទ្យពិនិត្យ។

           ២.ត្រូវធ្វើឱ្យអ្នកជម្ងឺមានការជឿទុកចិត្តថា រោគសញ្ញានេះមិនមែនជាការចាប់ផ្តើមនៃជម្ងឺធ្ងន់ធ្ងរទេ វាគ្រាន់តែជាបញ្ហាផ្លូវចិត្តបន្តិចបន្តួច។

           ៣.បង្ការអ្នកជម្ងឺ កុំឱ្យធ្លាក់ទៅក្នុងជម្ងឺចិត្តវិកលធ្ងន់ធ្ងរដោយផ្តល់ការព្យាបាលជាប្រចាំ។

           ៤.ការព្យាបាលអាចធ្វើឡើងតាមរយៈបុគ្គលិកសុខភាពក្នុងសហគមន៍ ដើម្បីជួយថែទាំអប់រំគ្រួសារ សាច់ញាតិ និងអ្នកជិតខាង។

           ៥.គប្បីព្យាយាមបំផុសអ្នកជម្ងឺឱ្យស្ម័គ្រចិត្តវិលត្រលប់ទៅធ្វើការងារជាធម្មតាវិញ ហើយធ្វើឱ្យគេគិតថាខ្លួនគេជាចំណែកមួយនៃសហគមន៍។

           ៦.សកម្មភាពហាត់ប្រាណ ការសម្រាកចិត្តកាយ ឱ្យបានគ្រប់គ្រាន់ និងការកំសាន្តសប្បាយផ្តល់ផលប្រយោជន៍យ៉ាងខ្លាំងដល់អ្នកដែលមានការប៉ះទង្គិចផ្លូវចិត្ត។