ដូចម្តេចហៅថា កម្លាំងពលកម្ម?ចូរពន្យល់ដោយលំអិត។

កម្លាំងពលកម្ម សំដៅលើមនុស្សអ្នកធ្វើពលកម្ម ឬផ្តល់សេវាកម្ម មានដូចជា ពលករ កម្មករ និយោជិត។ កម្លាំងពលកម្មមានជំនាញ បច្ចេកទេស សម្រាប់ធ្វើការងារក្នុងឧស្សាហកម្មឬក្នុងស្ថាប័ននានា ដែលប្រើបច្ចេកទេសទាន់សម័យគេហៅថាធនធានមនុស្ស។ ការប្រើប្រាស់កម្លាំងពលកម្មដោយសមស្របនិងប្រកបដោយមនុស្សធម៌ នាំឱ្យសេដ្ឋកិច្ចជាតិរីកចម្រើនជានិរន្តន៍។ យ៉ាងណាមិញ លក្ខខណ្ឌដ៏ត្រឹមត្រូវក្នុងការប្រើប្រាស់កន្លង ពលកម្មមានចែងក្នុងច្បាប់ការងារ។ ការចាត់ចូលជាកន្លែងពលកម្ម មិនរាប់បញ្ចូលប្រជាពលរដ្ឋក្មេង ចាស់ ប្រុស ស្រីគ្រប់រូបទេ ក៏មានការលើកលែងចំពោះប្រជាពលរដ្ឋមួយចំនួនដូចជា កម្រិតអាយុ ស្ថានភាពនៅសិក្សាក្នុងគ្រឹះស្ថានសិក្សា ស្ថានភាពពិសេស ស្ថានភាពនៅគ្រប់គ្រងផ្ទះ។