តើលោកអាល់ហ្រិ្វដម៉ាសាលមានគំនិតយ៉ាងណាខ្លះទាក់ទងនឹង "សេដ្ឋកិច្ចសុខុមាលភាព"?

លោក អាល់ហ្រ្វិដម៉ាសាលមានគំនិតយ៉ាងច្រើនទាក់ទងនឹង"សេដ្ឋកិច្ចសុខុមាលភាព"លោកបានកត់សម្គាល់ឃើញថាអ្នកក្រីក្រមិនមានប្រភពធនធាន ដើម្បីផ្គត់ផ្គង់ការរៀនសូត្រដែលទៅអនាគតនឹងបន្ថែមកម្លាំងឱ្យគេបានទទួលមរតកពីសង្គមនិងអាចធ្វើឱ្យប្រសើរឡើងនូវការបម្រើសេវាកម្មសាធារណៈដែលទទួលបានពីការអប់រំឡើយ។ លោកបានសម្គាល់ឃើញថា អត្ថិភាពនៃផ្នែកទាំងឡាយដែលមានថ្លៃធ្លាក់ចុះត្រូវតែដាក់ក្រោមការត្រួតពិនិត្យជាសាធារណៈ ពីព្រោះថារបបផ្តាច់មុខនឹងកើតមានដោយចៀសមិនរួច ហើយទីបញ្ចប់លោកបានមើលឃើញមុនគេនូវសំណើកេននិយមដែលមានគំនិតអំពីការរីកចម្រើនលូតលាស់ ដែលជំរុញដោយការបែងចែកផលទុនគួរជាទីគាប់ចិត្តដល់អ្នកបម្រើការងារបៀវត្សទាំងឡាយ។