ហេតុអ្វីបានជាគេប្រើប្រាស់ពលកម្មកុមារ ? កុមារត្រូវគេប្រើក្នុងវិស័យណាខ្លះ ? តើសកម្មភាពនេះជះឥទ្ធិពលដូចម្តេចខ្លះដល់កុមារនិងសង្គម ?

បានជាគេប្រើប្រាស់ពលកម្មកុមារព្រោះ៖

• កុមារជាមនុស្សទន់ខ្សោយគ្មានកម្លាំងតវ៉ា ឬប្រកែកបាន
• កុមារមានចំណេះដឹងទាបងាយស្រួលក្នុងការបោកបញ្ជោត ប្រើប្រាស់
• ចំណាយប្រាក់ខែតិចជាងមនុស្សពេញវ័យ
• ខ្វះកម្លាំងពលកម្ម និងភាពក្រីក្រ ឳពុកម្តាយគាបសង្កត់
• ងាយស្រួលប្រើ មិនប្រកែកច្រើន
• ភាពលោភលន់និងខ្វះចំណេះដឹងរបស់ម្ចាស់អាជីវកម្មមួយចំនួន ដោយគិតថា ការយកកុមារមកធ្វើការ​ គឺគេកំពុងជួយកុមារឱ្យមានការងារធ្វើ ។
• បរិស្ថាន ​និងបរិយាកាសសង្គមជុំវិញ ។

+ កុមារត្រូវគេប្រើក្នុងវិស័យ ការងារនេសាទសមុទ្រ សិប្បកម្មឡឥដ្ឋ ស្ត្រីពេស្យា អ្នកបម្រើតាមផ្ទះ ភោជនីយដ្ឋាន...ជាដើម (2008 = 1.47%) ។

+ ការប្រើពលកម្មកុមារបែបនេះ នាំឱ្យជះឥទ្ធិពលអវិជ្ជមានជាច្រើនដល់កុមារទាំងបច្ចុប្បន្ននិងអនាគតដូចជា៖

• ប៉ះពាល់សិទ្ធិទាំងបួនជាមូលរដ្ឋានរបស់កុមារ
• កុមារបាត់បង់ឱកាសសិក្សារៀនសូត្រ អភិវឌ្ឍខ្លួន
• ងាយរងការរំលោភបំពានរាងកាយ ទារុណកម្ម ពិសេសការបំពានផ្លូវភេទ
• ងាយឆ្លងជំងឺ និងរងគ្រោះថ្នាក់ដោយសារការងារ ពិសេសធ្វើការក្នងសិប្បកម្មឡឥដ្ឋ
• ប៉ះពាល់ដល់ការលូតលាស់ផ្នែករាងកាយ​ ប្រាជ្ញា ស្មារតីរបស់កុមារ
• បាត់បង់ទំពាំងស្នងឬស្សីសម្រាប់សង្គមជាតិ
• ខូចអនាគត ត្រូវធ្វើការដោយប្រើកម្លាំងអស់មួយជីវិត
• ការបង្កើតទៅជាទម្លាប់ ឬស្ថានភាពតជំនាន់ៗដដែលៗ
• កុមារត្រូវធ្លាក់ក្នុងភាពក្រីក្រ ធ្វើការច្រើនតែបានកម្រៃតិច
• បាត់បង់ទេពកោសល្យពីកំណើតរបស់កុមារ
• ងាយក្លាយជាក្មេងអនាថា សេពគប់មិត្តភក្កិមិនល្អ ញៀនគ្រឿងញៀន ក្លាយជាបន្ទុករបស់សង្គម