លុយមិនអាចទិញពេលវេលាបានទេ

អ្នកខ្លះព្យាយាមស្ទើរតែមួយជីវិត មិនហ៊ានញាុំរបស់ដែលចង់ញាុំ មិនហ៊ានទិញអ្វីដែលថ្លៃៗ មិនហ៊ានចំណាយទៅលើរាងកាយរបស់ខ្លួន ទុកសុខភាពចោលដោយមិនខ្វល់ថាវានឹងត្រឡប់មកធ្វើបាបខ្លួនឯងវិញនៅថ្ងៃណាមួយ ដោយចំណាយពេលតែទៅលើការងារ ចំណាយពេលរកតែប្រាក់ រហូតដល់ភ្លេចថាសុខភាពក៏សំខាន់។

លុយវាមិនអាចទិញពេលវេលាបានទេ កុំដល់តែធ្លាក់ខ្លួនឈឺទើបនឹកស្រាយក្រោយគឺវាហួសពេលទៅហើយ។ អ្នកខ្លះត្រូវខាតពេលមកមើលថែសុខភាពពេលក្រោយ រហូតដល់ដង្ហើមចុងក្រោយក៏មិនជាផង។ លុយវាសំខាន់ ប៉ុន្តែមិនមែនដោយសារតែលុយធ្វើឱ្យយើងត្រេកត្រអាលពេកនោះទេ ធ្វើវាបណ្តើរ មើលថែរាងកាយខ្លួនឯងបណ្តើរ វាក៏ល្អណា! ព្រោះពាក្យថា "មានលុយ មានអ្វីគ្រប់យ៉ាង" វាគ្រាន់តែជាពាក្យនិយាយឱ្យរួចតែពីមាត់ចំពោះបុគ្គលតែប៉ុណ្ណោះ។

អត្ថបទ: ខ្លឹមសារ-KlemSa