តើក្រសួងមានតែវិធីដោះស្រាយសម្រុះសម្រួល ឬក៏មានវិធានការទប់ស្កាត់ កុំឲ្យទំនាស់ដីធ្លីកើតច្រើនតាម របៀបណាខ្លះ?

១ អភិបាលស្រុក-ខ័ណ្ឌក៏ដូចមេឃុំ ចៅសង្គាត់ដែរត្រូវមានបញ្ជីសិ្ថតិប្រជាជន និងគ្រប់គ្រងឲ្យច្បាស់លាស់អំពីការ ៖

• ស្នាក់នៅជាអចិន្ត្រៃយ ក្នុងឃុំ-សង្គាត់
• ស្នាក់នៅបណ្តោះអាសន្ន
• និងការផ្លាស់ប្តូរទីលំនៅ ពីឃុំមួយទៅឃុំមួយបញ្ហានេះនិងធ្វើបានល្អ លុះណាតែការគ្រប់គ្រងត្រូវប្រព្រឹត្តិឡើងតាមរយៈនៃការ
• ប្រើប្រាស់ និងចុះឈ្មោះ ក្នុងបញ្ជីអត្រា

២ អភិបាលស្រុក-ខ័ណ្ឌ ឃុំ-សង្កាត់ ត្រូវធ្វើសហការជាមួយភូមិបាលស្រុក-ខ័ណ្ឌ និងអង្គភាពពាក់ព័ន្ធ ធ្វើគំរោងប្លង់គោលឲបានច្បាស់លាស់ដីក្នុង ស្រុក-ខ័ណ្ឌ ឃុំ-សង្កាត់នីមួយៗ ដើម្បីងាយស្រួយ ក្នុងការកំណត់ព្រំប្រទល់រដ្ឋបាលព្រំប្រទល់ដីសំរាប់ប្រើប្រាស់ដូចជា ៖

• ដីសង់លំនៅដ្ឋាន
• ដីភោគៈ
• ដីសម្បទាន

៣. អនុវត្តតាមច្បាប់ភូមិបាល ចុះថ្ងៃទី ១០ . ៨. ៩២ មេឃុំ-សង្កាត់ ត្រូវមានសៀវភៅចុះកម្មសិទ្ធិអចលនវត្ថុ តាម ឃុំ-សង្កាត់នីមួយៗក្នុងរង្វង់ព្រំប្រទល់ភូមិវត្ថុ តាមឃុំ-សង្កាត់នីមួយៗ ក្នុងរង្វង់ព្រំប្រទល់ភូមិសាស្រ្តរដ្ឋបាល ដោយបញ្ជាក់ឲ្យច្បាស់នូវឈ្មោះកម្មសិទ្ធិករម្នាក់ៗ ។ ពិសេស មេឃុំ-ចៅសង្កាត់ជាអាជ្ញាធរមូលដ្ឋាន (រដ្ឋអំណាចថ្នាក់ក្រោមផ្ទាស់) មុននឹងចារបញ្ជូនលើពាក្យសុំកាន់កាប់ប្រើប្រាស់ដីធ្លីរបស់ប្រជាជនណាម្នាក់ ជូនទៅការិយាល័យភូមិបាលស្រុក-ខ័ណ្ឌ ដើម្បីពិនិត្យ និងសម្រេច នោះត្រូវពិនិត្យផ្ទៀងផ្ទាត់ឈ្មោះអ្នកសុំដូចបានពោលខាងលើនេះ និងចាំបាច់ស្គាល់ចរិតកាន់កាប់ដីធ្លី ៖

• កាន់កាប់ដោយមានរដ្ឋអំណាចមូលដ្ឋានទទួលស្គាល់
• កាន់កាប់ដោយសុខសាន្ត
• កាន់កាប់ដោយឥតបន្លំ
• កាន់កាប់ដោយជាប់លាប់

 ៤. ពេលចុះហត្ថលេខាលើកំណត់វាស់វែងដីធ្លី មេឃុំ-សង្កាត់ ត្រូវ ៖

• ពិនិត្យឈ្មោះដី
• ប្រភេទដី
• ទំហំដីប៉ុន្មាន?

 ពិសេសទ្រព្យសម្បត្តិនេះ ជាទ្រព្យសម្បត្តិរបស់អ្នកណា? ឩទាហរណ៏ : ទ្រព្យសម្បត្តិដោយឡែករបស់ប្តី ឬប្រពន្ធ (កាលនៅលីវ) ឬពោះម៉ាយ ឬមេម៉ាយដោយលែងលះ ឬស្លាប់។ ជាទ្រព្យសម្បត្តិរួមសំបាច់ (ប្តីប្រពន្ធរកស៊ីជាមួយគ្នា)។