តើទិសដៅ និងគោលការណ៍របស់អង្គការសហប្រជាជាតិមានអ្វីខ្លះ ?

ទិសដៅ និងគោលការណ៍របស់​អង្គការសហប្រជាជាតិមាន ៖

ទិសដៅ ៖

• រក្សាសន្តិភាព និងសន្តិសុខពិភពលោក ដោយចាត់វិធានការយ៉ាងមានប្រសិទ្ធិភាព ដើម្បីបង្ក្រាប និងបញ្ជៀសរាល់ការគំរាមកំហែងសន្តិសុខ ព្រមទាំងធ្វើការគាប់សង្គត់រាល់អំពើរំលោភបំពាន ឬធ្វើអោយខូចសន្តិភាពពិភពលោក ។
• ពង្រឹងការទំនាក់ទំនងមិត្តភាពរវាងប្រជាជាតិទាំងឡាយ ដោយឈរលើការគោរពសិទ្ធិរបស់ប្រជាពលរដ្ឋ និងចាត់វិធានការផ្សេងៗ ដើម្បីពង្រឹងសន្តិភាព ។
• សហប្រតិបត្តិការអន្តរជាតិផ្សេងៗ ខាងផ្នែកសេដ្ឋកិច្ច សង្គម ប្រាជ្ញ និងមនុស្សធម៍ ដោយគ្មានការប្រកាន់ ភេទ ភាសា និងសាសនា ។​
• ស្ថិតនៅក្នុងក្របខណ្ឌដែលប្រជាជាតិនានា និងខិតខំប្រឹងប្រែងឆ្ពោះទៅរកសេចក្តីបញ្ចប់រួមមួយ ។

គោលការណ៍ ៖

• អង្គការសហប្រជាជាតិ​ផ្នែកលើសមភាព  និងអធិបតេយ្យភាពរវាងសមាជិកទាំងអស់ ។
• សមាជិកទាំងអស់ត្រូវបំពេញកាតព្វកិច្ច ដោយជឿជាក់លើធម្មនុញ្ញនៃអង្គការសហប្រជាជាតិ ។
• សមាជិកទាំងអស់ត្រូវដោះស្រាយរាល់ជម្លោះអន្តរជាតិ ដោយមធ្យោបាយសន្តិភាព នៅក្នុងលក្ខខណ្ឌ ដែលមិនអោយខូចខាត ដល់សន្តិភាព សន្តិសុខ និងយុត្តិធម៍ ។
• ត្រូវអត់ធ្មត់រាល់អំពើគំរាមកំហែង និងការប្រើប្រាស់កម្លាំងប្រឆាំងនិងប្រទេសណាមួយក្នុងទំនាក់ទំនងអន្តរជាតិរបស់ខ្លួន ។
• ធម្មនុញ្ញមិនអនុញ្ញាតិអោយអង្គការសហប្រជាជាតិ ធ្វើអន្តរាគមន៍កិច្ចការផ្ទៃក្នុងរបស់ប្រទេសណាមួយឡើយ ។