តើបញ្ហាចិត្ត សង្គមជាអ្វី ?

បញ្ហាចិត្តសង្គមគឺជាការប៉ះទង្គិចផ្លូវចិត្តរបស់មនុស្សទៅនឹងព្រឹត្តិការណ៍សង្គម ។ ការប៉ះទង្គិចចិត្តជារបួសផ្លូវអារម្មណ៍ឬ ការតក់ស្លុតដែលបំផ្លាញការអភិវឌ្ឍផ្លូវចិត្ត​ របស់មនុស្សរយៈពេលយូរហើយក៏ជាពិសោធផ្ទាល់ខ្លួនរបស់បុគ្គល ដែលកំណត់ថាតើព្រឹត្តិការណ៍នោះ ជាការប៉ះទង្គិចដលផ្លូវចិត្តរបស់គេ​ ពិត ឬយ៉ាងណា​ ។ ព្រឹត្តិការណ៍នៃការប៉ះទង្គិចផ្លូវចិត្តជាព្រឹតិ្តការណ៍ទាំងឡាយណាដែលបង្កឲ្យមាន សេចក្ដីរន្ធត់ភាពគ្មានទីនឹងការគ្រោះថ្នាក់​​  រងរបួសធ្ងន់ធ្ងរ ឬ មរណភាព ។​

បញ្ហាចិត្ត-សង្គមជាការប៉ះទង្គិចផ្លូវចិត្តរបស់មនុស្សទៅហ្នឹងព្រឹត្តិការណ៍សង្គមដែលគេបានជួប​ប្រទះ។ ព្រឹ​ត្តិ​ការណ៍ទាំងនោះនាំអោយមានក្តីរន្ធត់ ភាពឯកកោ ការគំរាមកំហែង ឬការបាត់បង់ដែលបង្កើតអោយ​មានភាព​ស្មុគ​ស្មាញ​ក្នុងចិត្តដែលមិនអាចបំភ្លេចបាន។ ឧទាហរណ៍របបកម្ពុជាប្រជាធិប​តេយ្យ​(ខ្មែរក្រ​ហម) បានសម្លាប់​ប្រជា​ជន​កម្ពុជា​ដោយគ្មានញញើតដៃ ធ្វើអោយប្រ​ជាជនកម្ពុជា​គ្រប់រូបចង​ចាំមិនភ្លេច​នូវអំពើ​ដ៍​ឃោរឃៅ​សាហាវនេះ។