មតិមួយពោលថា សាសនា និងសង្គមមានទំនាក់ទំនងគ្នាយ៉ាងជិតស្និទ្ធមិនអាចកាត់ផ្តាច់បាន ។ ចូរពន្យល់ ?

សាសនាគឺជាពាក្យទូន្មានប្រៀនប្រដៅរបស់គ្រូអាចារ្យណាមួយនៅលើសកលលោក ។រីឯសង្គម គឺជាក្រុមមនុស្សដែលគិតចាប់ពីមនុស្សពីរ នាក់ឡើងទៅហើយរស់នៅរួមគ្នា មានទំនាក់ទំនងគ្នា ដាក់បញ្ហារួមគ្នាព្រមទាំងដោះស្រាយរួមគ្នា ដើម្បីផលប្រយោជន៍​រួម ។

          ប្រជាជននៅក្នុងស្រុក ភូមិជុំវិញវត្តអារាម ជាអ្នកកសាងវត្ត កុដ សាលារៀន សាលាបា​លី ​ព្រះវិហារ ហើយដែលមានព្រះសង្ឃ​​ជាអ្នកថែរក្សា ។ រីឯឧបាសក ឧបាសិកាជើងវត្ត ទាយក ទាយិកាចាំឃ្លាំមើលការគោរពប្រតិបត្តិធម៌វិន័យរប​​ស់ព្រះសង្ឃក្នុងវត្ត ។ ដើម្បីឲ្យវត្តនៅក្នុងភូមិមានការរីកចម្រើនស្ថិតស្ថេរប្រជាជ​​នបញ្ជូនកូនចៅទៅបួសជាព្រះសង្ឃ និងដើម្បីបន្តការដឹកនាំវត្តតទៅទៀត ។ ជាមួយគ្នានេះដែរ យើងឃើញថាវត្តអារាមមានតួនាទី យ៉ាងខ្លាំងនៅក្នុងសង្គមខ្មែរដូចជា ៖

• ជាទីពឹងពាក់រប​ស់ប្រជាជន
• ជាមន្ទីរពេទ្យព្យាបាលជំងឺផ្លូវចិត្ត
• ជាកន្លែងជ្រកកោនរប​ស់ជនទុរគត
• ជារណ្តៅកប់ទំនាស់ទាំងឡាយ
• ជា​កន្លែងដែលមនុស្សទាំងអស់មានភាពស្មើគ្នា
• ជាមជ្ឈមណ្ឌលវប្បធម៌
• ជាកន្លែងអប់រំ...។