ចូរពន្យល់ពាក្យ ស្វ័យបង្កកំណើត ច សែនអាឡែលលក្ខណៈលុប លកខណៈអន់ អូម៉ូស៊ីកូត អេតេរ៉ូស៊ីកូត ។

ពន្យល់ពាក្យ

• ស្វ័យបង្កកំណើតៈ ជាការរលាយចូលគ្នានៃកាម៉ែតញី ឈ្មោលដែលមាននៅក្នុងឯកត្តៈតែមួយឬនៅក្នុងផ្កាតែមួយ ។
• បង្កកំណើតកាត់ៈ ជាការរលាយចូលគ្នារវាងការម៉ែតញី ឈ្មោលដែលមាននៅក្នុងឯកត្តៈផ្សេងៗ ។
• សែនៈ អង្កត់ ADN ស្ថិតនៅត្​រង់កន្លែងកំណត់មួយ​នៃក្រូម៉ូសូម ។ វាមានផ្ទុកព័ត៌មានសម្រាប់កំណត់លក្ខណៈមួយរបស់ភាវវ​រស់ ។
• អាឡែលៈ ទំរង់ខុសគ្នានៃសែនដែលចម្លងក្រមសម្រាប់លក្ខណៈខុសគ្នាបន្តិចបន្តួច​ ។
• លក្ខណៈលុបៈ គឺជាលក្ខណៈដែលលេចចេញនៅជំនាន់ F1 កាលណាគេបង្កាត់មេបាជាពូជសុទ្ធ ។
• លក្ខ​ណៈអន់ៈ គឺជាលក្ខណៈដែលបាត់នៅជំនាន់ F1 តែលេចចេញនៅជំនាន់ F2 កាលណាគេបង្កាត់មេបាជាពូជសុទ្ធ ។
• អូម៉ូស៊ីកូតៈ ជាឯកត្តៈពូជសុទ្ធដែលមានសែនអាឡែលដូគ្នា ហើយវាកើតឡើងពីការួមគ្នារវាងកាម៉ែតញីឈ្មោល ដែលមានសែនអាឡែដូចគ្នា ។ វាបង្កើតបានកាម៉ែតតែមួយប្រភេទ ។

អេតេរ៉ូស៊ីកូតៈ ជាឯកត្តៈពូជមិនសុទ្ធ ដែលមាន​សែនអាឡែលមិនដូចគ្នា ហើយវានេះកើតឡើងពីការរួមគ្នារវាងកាម៉ែតញី ឈ្មោលដែលមានសែនអាឡែលខុសគ្នា ។ វាបង្កើតកាម៉ែតពីរប្រភេទ ។