វិញ្ញាសា វប្បធម៌ទូទៅនៃមរតកខ្មែរ (វិញ្ញាសាទី៣)

សំនួរ

១. ក្រោមព្រះរាជកិច្ចដឹកនាំរបស់ព្រះករុណា ព្រះបាទសម្តេច ព្រះនរោត្តម សីហនុ នៅក្នុងសម័យសង្គមរាស្រ្តនិយម ។ ចូររៀបរាប់សមិទ្ធផលនានាដែលព្រះអង្គបានកសាងឡើងទៅតាមវិស័យនីមួយៗ ។

២. តើព្រះបាទ នរោត្តម សីហនុ ទ្រង់បានយាងចូលព្រះទីវង្គតនៅថ្ងៃខែឆ្នាំណា ? នៅទីណា ? ដោយសារអ្វី ?

៣. តើការយាងដង្ហែព្រះបរមសពព្រះបាទ នរោត្តម សីហនុ ចូលមកមាតុប្រទេសវិញដោយមធ្យោបាយអ្វី ? មកដល់វិញនៅពេលណា ?

៤. តើការយាងដង្ហែព្រះបរមសពព្រះបាទ នរោត្តម​សីហនុ ដោយព្រះទីន័ងអ្វីខ្លះ ? តំណាងឱ្យអ្វីខ្លះ ? ចូរបញ្ជាក់ ។

ចម្លើយ

១. ក្រោមព្រះរាជកិច្ចដឹកនាំរបស់ព្រះករុណា ព្រះបាទសម្តេចព្រះ នរោត្តម សីហនុ នៅក្នុងសម័យសង្គមរាស្រ្តនិយម គឺមានសមិទ្ធផលជាច្រើន ដែលលោកបានកសាងឡើងទៅតាមវិស័យនីមួយៗ មានដូចជា ៖

ក. វិស័យកសិកម្ម

• ផលស្រូវនៅឆ្នាំ ១៩៥៥ ទទួលបាន ១ ៤៨៤​ ០០០ តោនហើយនៅឆ្នាំ ១៩៦៨ ទទួលបាន ៣ ២៥ ០០០តោន ។
• ផលកប្បាសនៅឆ្នាំ ១៩៦៤ ទទួលបាន ៥០០០តោនក្នុងនោះ ២០០តោនបម្រើរោងចក្រតម្បាញក្នុងស្រុកហើយ ៣០០០តោនទៀតនាំចេញទៅក្រៅប្រទេស ។
• ផលចិញ្ចឹមសត្វ ៖ សត្វស្លាបនៅឆ្នាំ ១៩៥៧ ទទួលបាន ៣ ៧៣០ ០០០ក្បាល ហើយនៅឆ្នាំ ១៩៦៥ ទទួលបាន ៤ ១៩០ ០០០ក្បាល ។ សត្វគោនៅឆ្នាំ ១៩៥៥ មាន៣០០ ០០០ ក្បាល នៅឆ្នាំ ១៩៦៥ មាន៦២០ ០០០ក្បាល ជ្រូកនៅឆ្នាំ ១៩៥៥ មាន ៣៩០ ០០០ក្បាល នៅឆ្នាំ ១៩៦៥ មាន៩៨០ ០០០ ។
• ព្រៃឈើជាធនធានធម្មជាតិដ៏សំខាន់សម្រាប់ជីវភាពប្រជាជនកម្ពុជា ទើបរដ្ឋាភិបាលបង្កើតរុក្ខទិវានៅគ្រប់ខេត្ត ។
• វិស័យនេសាទមានការរីកចម្រើនគួរឱ្យកត់សម្គាល់ និងអាចបម្រើជីវភាពប្រជាជនពលរដ្ឋកម្ពុជា ។
• ក្រៅពីនេះរដ្ឋាភិបាលបានបង្កើតក្រុមបសុពេទ្យដើម្បីព្យាបាលជំងឺសត្វ ។

ខ. វិស័យគមនាគមន៍

• ឆ្នាំ ១៩៥៤ ពង្រីកកំពង់ផែភ្នំពេញនិងកសាងកំពង់ផែទឹកប្រៃនៅក្រុងព្រះសីហនុ ។
• ឆ្នាំ​ ១៩៥៦ កសាងផ្លូវជាតិលេខ៤ពីភ្នំពេញទៅក្រុងព្រះសីហនុប្រវែង ២២៦គីឡូម៉ែត្រ ។
• ឆ្នាំ ១៩៥៨ ពង្រីកអាកាសយានដ្ឋានអន្តរជាតិពោធិ៍ចិនតុង
• ឆ្នាំ ១៩៥៩ កសាងអាកាសយានដ្ឋានអន្តរជាតិខេត្តសៀមរាប
• ឆ្នាំ ១៩៦០ កសាងផ្លូវរថភ្លើងពីភ្នំពេញទៅក្រុងព្រះសីហនុប្រវែង ២៧០គីឡូម៉ែត្រ ។
• កសាងស្ពានជ្រោយចង្វា (មិត្តភាពកម្ពុជា ជប៉ុន ) ឆ្លងទន្លេសាប ។
• ឆ្នាំ ១៩៦១ ព្រះរាជាណាចក្រកម្ពុជាបានភ្ជាប់ខ្សែទូរស័ព្ទជាមួយក្រុងតូក្យ សាន់ហ្រ្វាន់ស៊ីស្កូ អូសាកា ។

គ. វិស័យពាណិជ្ជកម្ម

• ក្រុមហ៊ុនពាណិជ្ជកម្មធំៗរបស់បារាំង និងសាខាក្រុមហ៊ុនរបស់សហរដ្ឋអាមេរិកបានដាក់វិនិយោគ ទុននៅកម្ពុជាមានដូចជា ៖ INTERNATIONAL និងញូហែមពូរ (Newhampur) អេសូ(Esso) កាលតិច (Caltex) សែល (Shell) របស់ហូឡង់
• អង់គ្លេស...។ក្រៅពីនេះមានក្រុមហ៊ុនអង់គ្លេសនិងជប៉ុនដែលបម្រើបម្រាស់លើឥណទានសម្រាប់ពាណិជ្ជកម្មមានធានាគារឆារទែរិដ ធានាគារហុងកុង សៀងហៃនិងធានាគារអូហូតូក្យូ ។
• នៅឆ្នាំ ១៩៥៦ ការប្រើប្រាស់ឥណទានខាងពាណិជ្ជកម្មក្រៅប្រទេសកម្ពុជាបានប្រកួតប្រជែងជាមួយ បារាំង អាមេរិកអង់គ្លេសនិងជប៉ុន ។
• នៅឆ្នាំ ១៩៦២ មូលធនបារាំងបានកាន់កាប់សកម្មភាពពាណិជ្ជកម្មនៃក្រុមហ៊ុននាំចេញក្នុងប្រទេសកម្ពុជា​ ១ភាគ ៣ ។
• នៅឆ្នាំ ១៩៦៣ រដ្ឋាភិបាលបានបង្កើតក្រុមហ៊ុនពាណិជ្ជកម្មថ្មីឈ្មោះក្រុមហ៊ុនអាហរ័ណនី (សូណិចស៊ីម )
• ឆ្នាំ ១៩៦៤ រាជរដ្ឋាភិបាលបានបង្កើតក្រុមហ៊ុន ពាណិជ្ជកម្មរដ្ឋនិងឯកជនពីរគឺ ក្រុមហ៊ុនខ្មែរនៃការទិញផលិតផលកសិកម្ម (សូរាប៉ា) និងក្រុមហ៊ុនជាតិនៃការចែករំលែកទំនិញនាំចូល (សូណាព្រីម) ។

ឃ. វិស័យឧស្សាហកម្ម ៖ រាជរដ្ឋាភិបាលបានកសាងរោងចក្រជាច្រើនដូចជា ៖

ង. វិស័យវប្បធម៌ រាជរដ្ឋាភិបាលបានយកចិត្តទុកដាក់លើវិស័យសិក្សាធិការជាតិដោយបណ្តុះបណ្តាលគ្រូបង្រៀន កសាងសាលារៀនចាប់ពីបឋមសិក្សាដល់សកលវិទ្យាល័យ ដូចជានៅឆ្នាំ ១៩៦០ បង្កើតសកលវិទ្យាល័យភូមិន្ទភ្នំពេញ មហាវិទ្យាល័យនីតិសាស្ត្រមហាវិទ្យាវេជ្ជសាស្រ្តថែមទាំងបានបញ្ជូននិស្សិតខ្មែរឱ្យទៅសិក្សានៅបរទេសជាពិសេសប្រទេសបារាំង ។ យកចិត្តទុកដាក់លើវិស័យសាសនាដោយបានបង្កើតពុទ្ធិកបឋមសិក្សាដល់ពុទ្ធិកមហាវិទ្យាល័យ ។

ច. វិស័យសង្គមកិច្ច បានកសាងមន្ទីរពេទ្យគ្រប់ខេត្តក្រុងដូចជា ៖

• មន្ទីរពេទ្យកុមារគន្ធបុប្ឆា ឳសថាល័យព្រះសុរាម្រឹត មហាវិទ្យាល័យភូមិន្ទ វិជ្ជាពេទ្យ មន្ទីរសម្ភពផះង៉ាង៉ាម មន្ទីរពេទ្យព្រះកុសមៈ (ពេទ្យលោកសង្ឃ) ។
• ការអភិវឌ្ឍជនបទដូចជាការរក្សាអនាម័យតាមលំនៅដ្ឋានជីកអណ្តូងទឹក សង់ផ្ទះ ជីកស្រះ ឱ្យប្រជាជន ។
• បង្កើតមជ្ឈមណ្ឌលអប់រំស្រ្តីពេស្យានៅទូលគោក និងផ្តល់សិទ្ធិឱ្យស្រ្តីឈរឈ្មោះបោះឆ្នោត ។
• រដ្ឋាភិបាលប្រកាន់យកលទ្ធិប្រជាធិបតេយ្យ ។

២. ព្រះបាទ នរោត្តម សីហនុ ទ្រង់បានយាងចូលព្រះទីវង្គតនៅថ្ងៃទី ១៥ រោជ ខែភទ្របទ ឆ្នាំ រោង ចត្វាស័ក ព.ស ២៥៥៦ ត្រូវនឹងយប់ថ្ងៃ ច័ន្ទ ទី ១៥ តុលា ២០១២ វេលាម៉ោង ១ និង២០ នាទី ក្នុងជន្មាយុ ៩០ ព្រះវស្សា នៅទីក្រុង ប៉េកាំង នៃសាធារណរដ្ឋប្រជាមានិតចិន ដោយរោគាពាធ ។

៣. ព្រះបរមសពព្រះបាទនរោត្តមសីហនុបានយាងដង្ហែចូលមកក្នុងប្រទេសវិញតាមជើងយន្តហោះពិសេសរបស់ចិននៅថ្ងៃទី ១៧ ខែ តុលា ឆ្នាំ ២០១២ នៅវេលាម៉ោង ១៤ និង ៤០ នាទីរសៀល ។

៤. ព្រះបរមសពព្រះបាទ នរោត្តម សីហនុ បានយាងដង្ហែដោយព្រះទីន័ង បី គឺ រូបសត្វ​ សឹង្ហ សត្វហង្ស​ និងសត្វនាគ ។

១. រូបសត្វទាំងបីនេះតំណាងឱ្យ ៖

• សត្វ សឹង្ហ តំណាងឱ្យនាមព្រះអង្គ សី
• សត្វ ហង្ស តំណាងឱ្យ នាមព្រះអង្គ ហ
• សត្វ នាគ តំណាងឱ្យ នាមព្រះអង្គ នុ

២. ឬរូបសត្វទាំងបីនេះតំណាងឱ្យ ៖

• សត្វ សឹង្ហ តំណាងឱ្យស្តេចសត្វនៅលើភពផែនដី (ឋានកណ្តាល)
• សត្វ ហង្ស តំណាងឱ្យសេ្តចសត្វនៅលើវេហា (ឋានសួគ៌)
• សត្វ នាគ តំណាងឱ្យ ស្តេចសត្វនៅក្នុងទឹក (ឋានភុជង្គនាគ) ។