វិញ្ញាសា វប្បធម៌ទូទៅនៃមរតកខ្មែរ (វិញ្ញាសាទី៥)

សំនួរ

១. ចូរនិយាយពីព្រះរាជជីវប្រវត្តិសង្ខេបសម្តេចព្រះរាជអគ្គមហេសី នរោត្តម មុនីនាថ សីហនុ ។

២. តើព្រះករុណា ព្រះបាទសម្តេចព្រះបរមនាថ នរោត្តម សីហមុនី ជាបុត្ររបស់ព្រះរាជាអង្គណា ? ព្រះអង្គប្រសូតនៅថ្ងៃខែឆ្នាំណា ? នៅទីណា ? បានឡើងសោយរាជ្យនៅថ្ងៃខែឆ្នាំណា ? ព្រះអង្គមានប្រវត្តិការសិក្សាយ៉ាងដូចម្តេច ? ចូររៀបរាប់ពន្យល់ ។

៣. តើរាជរដ្ឋាភិបាលកម្ពុជាបានកសាងស្ពានអាកាសចំនួនប៉ុន្មានមកហើយគិតត្រឹម ឆ្នាំ ២០១៣ ? ចូររៀបរាប់ឈ្មោះ និងទីតាំង ?

៤. តើស្ពានអាកាសក្បាលថ្នល់ដែលជាកិត្តិយសប្រវត្តិសាស្រ្តដំបូងរបស់ព្រះរាជាណាចក្រកម្ពុជាត្រូវបានសម្ពោធឱ្យប្រើប្រាស់នៅថ្ងៃខែឆ្នាំណា ? ក្រោមអធិបតីភាពរបស់សម្តេចរូបណា ? ស្ពាននេះចាប់ផ្តើមលកសាងនៅពេលណា ? ចំណាយអស់ទឹកប្រាក់ប៉ុន្មាន ? ស្ពាននេះមានប្រវែងបណ្តោយនិងទទឹងប៉ុន្មានម៉ែត្រ ?

ចម្លើយ

១. សម្តេចព្រះរាជអគ្គមហេសី នរោត្តម មុនីនាថ សីហនុ ប្រសូតនៅថ្ងៃទី ១៨ ខែមិថុនា ឆ្នាំ ១៩៣៦ នាទីក្រុងសាយហ្គន ឬហូជីមិញ ដែលព្រះនាមដើម ប៉ូល ម៉ូនិក អ៊ីហ្សហ្ស៊ី (Paule Monique lzzi) ។ ព្រះបិតាព្រះនាម ហ្សង់ ហ្រ្វង់ស្វ័រ អ៊ីហ្សហ្ស៊ី ( Jean Francois lzzi ) ជាជនជាតិបារាំង ដើមកំណើតអ៊ីតាលីតែបានទទួលមរណភាពនៅ សង្គ្រាមលោកលើកទី២ ។ ព្រះមាតាព្រះនាម ប៉ុម ពាង ជាជនជាតិខ្មែរ ។ ព្រះអង្គមានព្រះអនុជ ព្រះនាម អាន ម៉ារី អ៊ីហ្សហ្ស៊ី ។ ព្រះអង្គបានរៀបអភិសេកជាមួយព្រះបាទ នរោត្តម សីហនុ ក្នុងខែមេសា ឆ្នាំ ១៩៥២ ។ ព្រះអង្គមានព្រះរាជបុត្រ៣អង្គគឺ ៖

• សម្តេចព្រះបរមនាថនរោត្តម សីហមុនី​ ដែលជាព្រះមហាក្សត្រនៃព្រះរាជាណាចក្រកម្ពុជាបច្ចុប្បន្ន ប្រសូតនៅថ្ងៃទី ១៤ ខែឧសភា ឆ្នាំ ១៩៥៤ ។
• ព្រះអង្គម្ចាស់ នរោត្តម នរិន្ទ្រពង្ស ប្រសូតនៅថ្ងៃ ១៨ ខែ កញ្ញា ឆ្នាំ ១៩៥៤ ប៉ុន្តែបានសោយទីវង្គតនៅឆ្នាំ ២០០៣ ដោយជំងឺបេះដូង ។

ការសិក្សា ៖

• សាលាបឋមសិក្សានរោត្តម
• វិទ្យាល័យព្រះស៊ីសុវត្ថិ
• វិទ្យាល័យ
• ព្រះគោរម្យងារ ៖ ២២ កុម្ភៈ ១៩៩២ ព្រះរាជជាយា
• ២ មករា ១៩៩៦​ព្រះរាជអគ្គមហេសីនរោត្តម មុនីនាថ សីហនុ
• ព្រះបរមនាមបច្ចុប្បន្ន សម្តេចព្រះមហាក្សត្រី នរោត្តម មុនីនាថសីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ។

២. ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជាគឺជាព្រះរាជបុត្រារបស់ ព្រះករុណាព្រះមហាវិរក្សត្រ នរោត្តម សីហនុ ព្រះវររាជបិតា និងសម្តេចព្រះមហាក្សត្រី នរោត្តម មុនីនាថ សីហនុ ព្រះវររាជមាតា ។ ព្រះករុណាព្រះបាទសម្តេចព្រះបរមនាថ នរោត្តម សីហមុនី ប្រសូតនៅថ្ងៃទី ១៤ ខែ ឧសភា ឆ្នាំ ១៩៥៣ នៅក្នុងទីក្រុងភ្នំពេញព្រះរាជាណាចក្រកម្ពុជា ។ ព្រះករុណា ព្រះបាទសម្តេច ព្រះបរមនាថ នរោត្តមសីហមុនី ឡើងគ្រងរាជនៅថ្ងៃទី ២៩ ខែតុលា ឆ្នាំ ២០០៤ ។

១. ការសិក្សា

• ១៩៥៩ដល់១៩៦២ ៖ សិក្សានៅសាលាបឋមសិក្សានរោត្តម ក្នុងទីក្រុងភ្នំពេញ ព្រះរាជាណាចក្រកម្ពុជា
• ១៩៦២ដល់ ១៩៦៧ ៖ សិក្សានៅសាលាបឋមសិក្សា និងមធ្យមសិក្សា នៅវិទ្យាល័យប្រាគ ក្នុងប្រទេសឆេកូស្លូវ៉ាគី
• ១៩៦៧ដល់ ១៩៧១ ៖ សិក្សាផ្នែកសិល្បៈរបាំ តូរ្យតន្រ្តី ល្ខោន នៅវិទ្យាស្ថានអភិរក្សជាតិប្រាគ ក្នុងប្រទេសឆេកូស្លូវ៉ាគី
• ១៩៧០ ៖ មធ្យមសិក្សាប័ត្រ នៅទីក្រុងប្រាគ ក្នុងប្រទេសឆេកូស្លូវ៉ាគី (និទ្ទេសល្អណាស់)
• ១៩៧១ ៖ ជ័យលាភីលេខ ១ ផ្នែក របាំបុរាណ នៅវិទ្យាស្ថានអភិរក្សជាតិប្រាគ
• ១៩៧១ដល់១៩៧៥ ៖ សិក្សានៅសាកលវិទ្យាល័យ បណ្ឌិតសភាផ្នែកសិល្បៈតន្ត្រីប្រាគ
• ១៩៧៥៖ បរិញ្ញាប័ត្រជាន់ខ្ពស់នៃបណ្ឌិតសភាផ្នែកសិល្បៈប្រាគ
• ១៩៧៥ ៖ ព្រះរាជនិពន្ធនិក្ខេបបទស្តីអំពីទស្សនៈ និងការគ្រប់គ្រងសាលាសិល្បៈនៅប្រទេសកម្ពុជា
• ១៩៧៥ដល់១៩៧៦ ៖ ឧត្តមសិក្សាផ្នែកភាពយន្តទៅសាធារណរដ្ឋប្រជាមានិតប្រជាធិបតេយ្យកូរ៉េ
• ១៩៧៦ដល់១៩៧៩ ៖ ជាប់ក្រោមការឃុំឃាំងក្នុងរបបខ្មែរក្រហមជាមួយព្រះវររាជបិតា និងព្រះវររាជមាតា និងព្រះអនុជ សម្តេច នរោត្តម នរិន្ទ្រពង្ស
• ១៩៧៩ដល់ ១៩៨០ ៖ ព្រះលេខាផ្ទាល់របស់ព្រះវររាជបិតាក្នុងកំឡុងពេលព្រះអង្គគង់ប្រថាប់នៅក្នុងប្រទេសចិន
• ១៩៨១ដល់ ២០០០ ៖ សាស្រ្តាចារ្យផ្នែករបាំបុរាណ និងផ្នែកគរុកោសល្យសិល្បៈនៅវិទ្យាស្ថានអភិរក្ស MARIUS PETIPA GABRIEL FAUREនិង W.A.MOZART
• ១៩៨៤ដល់​១៩៨៨ ៖ ប្រធានសមាគមន៍ខ្មែរនៅប្រទេសបារាំង​និងជាអគ្គនាយក និងនាយកសិល្បៈនៃក្រុមរបាំបាឡេ
• ១៩៨៨ដល់១៩៩៣ ៖ អគ្គនាយក និងនាយកសិល្បៈនៃសាជីវកម្មខេមរភូមិន្ទភាពយន្ត “ខេមរាភាពយន្ត”
• ១៩៩២ដល់១៩៩៣ ៖​ តំណាងអចិន្ត្រៃយ៍នៃប្រទេសកម្ពុជាប្រចាំអង្គការសហប្រជាជាតិជ្រើសតាំងដោយក្រុមប្រឹក្សាជាតិជាន់ខ្ពស់នៃកម្ពុជា
• ១៩៩៣ដល់២០០៤ ៖ ឯកអគ្គរាជទូតវិសាមញ្ញ និងពេញសមត្ថភាពនៃព្រះរាជាណាចក្រកម្ពុជានប្រចាំអង្គការយូណេស្កូ
• ២០០៤ ៖ សមាជិកក្រុមប្រឹក្សាជាន់ខ្ពស់នៃបណ្តាប្រទេសនិយាយភាសាបារាំង នាពេលថ្មីៗចុងក្រោយនេះ​ សម្តេចព្រះបរមនាថ នរោត្តមសីហមុនី ទទួលបានសញ្ញាបត្របណ្ឌិតកិត្តិយស (Doctor Honoris Causa ) ពីក្រមប្រឹក្សាសិល្បៈរបស់ (Academy of Performing Arts in Prague “AMU” នៅក្នុងខែ មីនា ឆ្នាំ ២០១០ ហើយសម្តេចព្រះបរមនាថ នរោត្តម សីហមុនី ក៏បានក្លាយទៅជាព្រះរាជសមាជិកនៃស្ថាប័នកំពូលរបស់បារាំង (Academie des Inscriptions et belles lettres (AIBL) នៅក្នុងខែដដែលនោះផងដែរ ។

២. ភាសា ៖ ក្រៅពីភាសាជាតិ ព្រះករុណា ចេះភាសាបារាំង ភាសាឆេក និងភាសាអង់គ្លេស

៣. គ្រឿងឥស្សរិយយស្ស ៖ ឥស្សរិយយស្សឹ ព្រះរាជាណាចក្រកម្ពុជា ថ្នាក់មហាសេរីវឌ្ឍន៍ ឥស្សរិយស្ស មុនីសាវាភ័ណ្ឌថ្នាក់មហាសេរីវឌ្ឍន៍ Grand Offioer De La Legion Dhonneur នៃសាធារណរដ្ឋបារាំង Medailee Dargent De La Viller De Paris នៃសាធារណរដ្ឋបារាំង ។

ក្រៅពីនេះនៅថ្ងៃទី ០១ ខែកុម្ភៈ ឆ្នាំ ១៩៩៤ ព្រះករុណា ព្រះមហាវិទ្យាក្សត្រ នរោត្តម សីហមុនី បានប្រោសប្រទានតម្លើងព្រះគោរម្យងារជា​ ស្តេច ក្រុមឃុន ។

នៅថ្ងៃទី១៧ ខែ តុលា ឆ្នាំ ២០០៣ ព្រះករុណា ព្រះមហាវីរក្សត្រ នរោត្តម សីហុ បានប្រោសប្រទានតែងតាំងជាឧត្តមប្រឹក្សាផ្ទាល់ព្រះមហាក្សត្រ ។

នៅថ្ងៃទី ៣១ ខែសីហា ឆ្នាំ ២០០៤ ព្រះករុណាព្រះមហាវីរក្សត្រ​ នរោត្តម សីហនុ បានប្រោសប្រទានតម្លើងព្រះគោរម្យងារជា ព្រះបរមនាថ ។

នៅថ្ងៃទី ១៤ ខែតុលា ឆ្នាំ ២០០៤ សម្តេចព្រះបរមនាថនរោត្តម សីហមុនី ត្រូវបានសមាជិកក្រុមប្រឹក្សារាជសម្បត្តិជ្រើសរើសជាឯកច្ឆន្ទតែងតាំងព្រះមហាក្សត្រនៃព្រះរាជាណាចក្រកម្ពុជា ។

៣. រាជរដ្ឋាភិបាលកម្ពុជាបានកសាងស្ពានអាកាសចំនួន ២ រួចមកហើយគិតត្រឹម ឆ្នាំ ២០១៣ ។ ស្ពានអាកាសទាំងនេះមាន

• ស្ពានអាកាសក្បាលថ្នល់ឆ្នាំ ២០១០
• ស្ពានអាកាស ៧ មករា ឬស្ពានអាកាសពេទ្យលោកសង្ឃឆ្នាំ ២០១២ ។ រីឯស្ពានអាកាស ស្ទឹងមានជ័យ វិញ ( កំពុងសាងសង់) ។

៤. ស្ពានអាកាសក្បាលថ្នល់ដែលជាកិត្តិយសប្រវត្តិសាស្រ្តដំបូងបង្អស់របស់ព្រះរាជាណាចក្រកម្ពុជាត្រូវបានសម្តោធឱ្យប្រើប្រាស់នៅថ្ងៃទី ២៤ ខែ មិថុនា ឆ្នាំ ២០១០ វេលាម៉ោង ៨ព្រឹក ។ ក្រោយអធិបតីភាពដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន និងលោកជំទាវបណ្ឌិតស្ពាននេះ

• ចាប់កសាងនៅថ្ងៃទី ២៧ ខែឧសភា ឆ្នាំ ២០០៩
• បញ្ចប់ជាស្ថានពរនៅថ្ងៃទី ២៧ ខែឧសភាព ឆ្នាំ ២០១០
• ចំណាយថវិកាអស់ ៦៤៤ ២១៦ $
• ប្រវែងបណ្តោយស្ពាន ៣០៨ ម៉ែត្រ កម្ពស់ ៥m២០cm អាចទ្រទម្ងន់បាន ២៥ T ។