ត្រៀមប្រឡងឆមាសទី១ ទី២ និងថ្នាក់ជាតិ សីលធម៌ ពលរដ្ឋ (វិញ្ញាសាទី៤)

ត្រៀមប្រឡងឆមាសទី១ ទី២ និងថ្នាក់ជាតិ

I.ចូរបំពេញល្បះខាងក្រោមឱ្យបានត្រឹមត្រូវ

១.ព្រះពុទ្ធសាសនាមានដើមកំណើតពី ...មនុស្ស...។

២.ដំណាក់ចិត្តវិទ្យាជាដំណាក់នៃការវាយតម្លៃរបស់ខួរក្បាលទៅលើរំញោចដែលអាចកំណត់ថាអ្វីមួយបង្កើតបានជាបាតុភូតហៅថា ...ឥន្ទ្រីយារម្មណ៍...។

៣.កូនដែលកើតពីឪពុកម្តាយដែលគ្មានចំណងអាពាហ៍ពិពាហ៍កូននោះមានឈ្មោះថា ...កូនឥតខាន់ស្លា...។

៤.ការបំបែកអ្វីដែលស៊ាំញាំឱ្យទៅជាងាយ បំបែកអង្គធាតុឱ្យទៅជាធាតុផ្សំហៅថា ...វិភាគ...។

៥. ...សំយោគក្នុងគំនិត... គឺជាការធ្វើសំយោគអរូបីនៅតែក្នុងគំនិតដែលវត្ថុសំយោគគ្មានអត្ថិភាពផ្នែករូបធាតុទេ។

II.ចូរនិយាយពីគោលបំណងនៃ វិភាគ និង សំយោគ។

គោលបំណងនៃវិភាគគឺដើម្បីៈ

• ស្គាល់ធាតុបង្កច្បាស់
• ស្វែងរកទំនាក់ទំនងធាតុផ្សេងៗ
• រៀបចំធាតុទាំងឡាយឱ្យមានសណ្តាប់ធ្នាប់

គោលបំណងសំយោគគឺដើម្បី

• ផ្តុំឡើងវិញនូវធាតុបង្ក
• បង្រួមធាតុនីមួយៗឡើងវិញ
• បង្ហាញ ពន្យល់ឱ្យឃើញច្បាស់។

III.ដូចម្តេចដែលហៅថា ករណីកិច្ច? ទំនួលខុសត្រូវ?

ករណីកិច្ច មានន័យថាគឺជាកិច្ចការដែលចាំបាច់ ត្រូវធ្វើដោយខានមិនបាន។

តាមកង់ៈ ករណីកិច្ចជាលក្ខណៈដែលតម្រូវមកលើកំណត់ចិត្តដោយសេរីរបស់មនុស្សក្រោមបញ្ជានៃវិចារណញាណ។ ករណីកិច្ចជារូបធាតុនៃកាតព្វកិច្ច។

ទំនួលខុសត្រូវមានន័យថា គឺជាកាតព្វកិច្ចដែលត្រូវធានារ៉ាប់រងនូវអំពើដែលយើងបានប្រព្រឹត្តនៅចំពោះមុខអំណាចជាន់ខ្ពស់ណាមួយទំនួលខុសត្រូវតម្រូវឱ្យមានការសារភាពកំហុស។

IV.ហេតុអ្វីបានជាប្រទេភាគច្រើននិយមជ្រើសរើសយកការដឹកនាំប្រទេសតាមបែបលទ្ធិប្រជាធិបតេយ្យ?

បានជាប្រទេសភាគច្រើននិយមជ្រើសរើសយកការដឹកនាំប្រទេសតាមបែបលទ្ធិប្រជាធិបតេយ្យពីព្រោះថា

• រដ្ឋសភា និងរដ្ឋាភិបាលកើតឡើងតាមរយៈការបោះឆ្នោតដ៏ត្រឹមត្រូវនិងសេរី
• ការដឹកនាំ គ្រប់គ្រង គឺអនុវត្តតាមច្បាប់ដែលមានជាធរមាន
• ស្ថាប័នតុលាការមានសិទ្ធិសេរីភាពពេលទីក្នុងការបញ្ចេញមតិ យោបល់ ការបង្កើតសមាគម និង ការប្រជុំផ្សេងៗ។

V.តើការចូលរួមរបស់យុវជនក្នុងការបោះឆ្នោតមានសារៈសំខាន់ដែរឬទេ?

ការចូលរួមរបស់យុវជនក្នុងការបោះឆ្នោតមានសារៈសំខាន់ណាស់ព្រោះ៖

• យុវជនជាសរសរទ្រូង និងជាទំពាំងស្នងឫស្សីរបស់ប្រទេសជាតិ
• យុវជនមានការតាំងចិត្តខ្ពស់ និង សំលឹងបានវែងឆ្ងាយសម្រាប់អនាគត
• យុវជនមានប្រាជ្ញាវែឆ្លាត មានគំនិតជ្រាលជ្រៅ ដឹងខុស ដឹងត្រូវ
• យុវជនជាអ្នកសម្រេចចិត្តផ្ទាល់ក្នុងការជ្រើសរើសអ្នកដឹងនាំ។

VI.តើមានវិធីណាខ្លះដើម្បីចៀសវាងគ្រឿងញៀន?

វិធីដែលអាចឱ្យចៀសវាងគ្រឿងញៀនមានដូចជា៖

• កុំសាកល្បងប្រើប្រាស់គ្រឿងញៀន
• មិនត្រូវជឿពាក្យញុះញង់អ្នកប្រើប្រាស់ ឬអ្នកលក់គ្រឿងញៀន
• បដិសេធជានិច្ចចំពោះបញ្ហាគ្រឿងញៀន
• មិនសេពគប់អ្នកប្រព្រឹត្តគ្រឿងញៀន
• សហការជាមួយអាជ្ញាធរមានសមត្ថកិច្ច ដើម្បីបំបាត់គ្រឿងញៀន។