ចូររៀបរាប់ពីសំណឹក និងការចាក់បង្គរដោយសមុទ្រ។

ក-សំណឹកដោយសមុទ្រ

សមុទ្រផ្សឹកឆ្នេរដោយសារកម្លាំងទឹករលកដែលបោកផ្ទប់មកលើច្រាំងឥតឈប់ឈរ។ រលកមានមធ្យោបាយជាច្រើនដើម្បីផ្សឹកឆ្នេរដោយការវាយផ្ទប់ខ្យល់ក្នុងទន្លេធ្វើអោយថ្មប្រេះដោយទម្ងន់ម៉ាសទឹក ដែលទង្គិចលើថ្មនិងកម្ទេចសិលាគ្រប់ប្រភេទដែលបោកបោះលើឆ្នេរ វាអាចស៊ីរូងជើងក្រោមនៃឆ្នេរ។ មិនតែប៉ុណ្ណោះពេលមានព្យុះម្តងៗទឹករលកអាចរុញច្រានដុំថ្មទម្ងន់រាប់តោនហើយគ្រវាត់ឡើងលើមានកម្ពស់ជាច្រើនម៉ែត្រទៀងផង។

ខ-ការចាក់បង្គរដោយសមុទ្រ

សមុទ្រមិនមែនជាមេបង្គរតែឯងនោះទេ ទន្លេ ឬស្ទឹងក៏ជាមេបង្គរតំបន់ឆ្នេរដែរ វាហូរនាំដីល្បាប់ម៉ដ្ឋទៅចាក់បង្គរនៅមាត់ឆ្នេរ។ កាលណាខ្សែទឹកក្បែរឆ្នេរមានកម្លាំងខ្លាំងវាអាចជញ្ជូនល្បាប់ម៉ដ្ឋទាំងនោះបន្តទម្លាក់តាមបណ្តោយឆ្នេរ។