ហេតុអ្វីបានជាទឹកសមុទ្រ ប្រៃ?

យោង​តាម​គេហទំព័រ «​គំនិត​» បកស្រាយ​ថា សមុទ្រ​មាន​វត្ត​មាននៅ​លើ​ភព​ផែនដី​យើង​នេះ​ជា​យូរលង់​ណាស់​មក​ហើយ ហេតុ​ដូច្នេះ​ហើយ​មាន​បរិមាណ​អំបិល​ខ្លះ​បាន​បន្ថែម​ចូល​ទៅ​ក្នុង​ទឹកសមុទ្រ​នៅ​ពេល​ដែល​ឧស្ម័ន និង​កំ​អែ​ភ្នំភ្លើង​ព្រួស​ចេញ ដោយសារ​តែ​កំណើន​សកម្មភាព​ភ្នំភ្លើង​នៅ​ក្រោម​សមុទ្រ​។ កាបូនឌីអុកស៊ីត​ដែល​បាន​ពី​បរិយាកាស​រលាយ​នៅ​ក្នុង​ទឹក បង្កើត​បានជា​អាស៊ីត​កាបូ​និ​ច​ខ្សោយ​ដែល​ជា​ភ្នាក់ងារ​រំលាយ​រ៉ែ​នៅ​ក្នុង​សមុទ្រ​។ នៅ​ពេល​ដែល​សារធាតុ​រ៉ែ​ទាំងនោះ​រលាយ វា​បង្កើត​បានជា​អីុ​យ៉ុ​ង​ធ្វើ​ឲ្យ​ទឹក​មាន​រសជាតិ​ប្រៃ ។ នៅ​ពេល​ដែល​ទឹក​ត្រូវ​បាន​ហួត​ទៅ​ក្នុង​អាកាស វា​បាន​បន្សល់​ទុក​នូវ​អំបិល​នៅ​ក្នុង​សមុទ្រ ។ លំហូរ​ទឹក​ពី​ទន្លេ​ទៅ​ក្នុង​សមុទ្រ​ក៏​បាន​នាំ​មក​នូវ​អីុ​យ៉ុ​ង​ដែល​បាន​មក​ពី​ផ្ទាំង​ថ្ម​មួយ​ចំនួន​ទៀត​ដោយសារ​តែ​ការ​ច្រោះ​ពី​ទឹកភ្លៀង និង​ទឹកស្ទឹង​ផង​ដែរ ។

ដកស្រង់ចេញពី វេសាយ កោះសន្តិភាព

ទឹកសមុទ្រ គឺបានផ្ទុកទៅដោយ សារជាតិអំបិលរ៉ែខនិជជាច្រើនផ្សេងៗគ្នា រួមមានដូចជា សូដ្យូម ក្លរ ស៊ុលផាត ម៉ាញ៉េស្យូម កាល់ស្យូម ប៉ូតាស្យូម អ៊ីយ៉ុងកាបូណាត និងអ៊ីយ៉ុងប្រូមួ។ សារធាតុអំបិលទាំងនេះ ចូលទៅក្នុងទឹកសមុទ្រ តាមរយៈលំហូរទឹកទន្លេ ដែលបាននាំយកថ្ម និងដីល្បាប់ មកជាមួយ រួចហូរចូលសមុទ្រ។

អ្នកប្រហែលជាគិតថា ហេតុអ្វីបានជា ជាតិអំបិលបានពីថ្ម និងដីភក់ទាំងនោះ អាចធ្វើឲ្យទឹកសមុទ្រដ៏ធំល្វឹងល្វើយ អាចប្រែជាប្រៃខ្លាំងយ៉ាងនេះ? ជាក់ស្តែង អ្វីដែលអ្នកមិនដឹងនោះគឺ រំហួត។ នៅពេលទឹកសមុទ្រហួត ជាតិអំបិល ដែលមាននៅក្នុងទឹកសមុទ្រ គឺមិនបានហួតទៅតាមដំណើររំហួតនោះទេ។ ដូច្នេះហើយ យើងអាចសន្និដ្ឋានបានថា ទឹកសមុទ្រមានបរិមាណថយចុះជាងមុន ប៉ុន្តែបែរជាមានបរិមាណជាតិអំបិល គឺនៅដដែល។ ហេតុនេះ ជាលទ្ធផល ទើបបណ្តាលឲ្យទឹកសមុទ្រ មានរសជាតិប្រៃខេះតែម្តង។

កត្តាមួយទៀតគឺ បណ្តាលមកពីទឹកភ្លៀង។ នៅពេលដែលមានភ្លៀងធ្លាក់មកលើដី ទឹកភ្លៀងបាននាំយក កាបូនឌីអុកស៊ីតមកជាមួយ ដែលបានពីប្រតិកម្ម ជាមួយខ្យល់ក្នុងបរិយាកាសជុំវិញ។ ប្រតិកម្មនេះ បានបណ្តាលឲ្យទឹកភ្លៀងបានក្លាយទៅជា ភ្លៀងអាស៊ីត ដោយសារតែមានផ្ទុកអាស៊ីតកាបូន (ជាទម្រង់អាស៊ីតដែលបានមកពី កាបូនឌីអុកស៊ីត បូកជាមួយនឹងទឹក)។

ខណៈពេលដែលភ្លៀង ធ្លាក់ប៉ះលើបណ្តាផ្ទាំងថ្ម ជាតិអាស៊ីតក្នុងទឹកភ្លៀង បានបំបែកផ្ទាំងថ្មទាំងនោះ។ ដំណើរនេះ បានបង្កើតជាអ៊ីយ៉ុង និងភាគល្អិតម៉ូលេគុល ដែលមានផ្ទុកបន្ទុកអគ្គិសនី។ អ៊ីយ៉ុងទាំងនេះ ត្រូវបានហូរចូលទៅក្នុងទឹកសមុទ្រ តាមរយៈទឹកស្ទឹង និងទឹកទន្លេ។

អ៊ីយ៉ុង ដែលមានបរិមាណច្រើនលើសលុប នៅក្នុងផ្ទៃទឹកសមុទ្រគឺ ក្លរ និងសូដ្យូម។ បើគិតបញ្ចូលគ្នានោះ អ៊ីយ៉ុងទាំង ២ នេះមានបរិមាណជាង ៩០ ភាគរយ នៃអ៊ីយ៉ុងផ្សេងទៀតឯណោះ ក្នុងទឹកសមុទ្រ។ ជាពិសេស ក្លរ និងសូដ្យូមមានជាតិ “ប្រៃខ្លាំង”។

ដកស្រង់ចេញពី វេបសាយ Khmerload.com