វិញ្ញាសាវប្បធម៌ទូទៅសម្រាប់ត្រៀមប្រឡងពេទ្យ (វិញ្ញាសាទី១០)

សំណួរ

១. តើមានលក្ខខណ្ឌអ្វីខ្លះដែលអាចទៅចុះឈ្មោះបោះឆ្នោតបាន ?

២. តើជនប្រភេទណាខ្លះដែលមិនអាចចុះឈ្មោះបោះឆ្នោតបាន ?

៣. តើហេតុអ្វីចាំបាច់បោះឆ្នោតជ្រើសរើសតំណាងរាស្រ្ត ឬនាយករដ្ឋមន្រ្តី ?

៤. តើការបោះឆ្នោតនៅកម្ពុជាចែកជាប៉ុន្មានប្រភេទ ? អ្វីខ្លះ ? ប៉ុន្មានប្រព័ន្ធ ? អ្វីខ្លះ ? ប៉ុន្មានបែប ?

៥. តើការបោះឆ្នោតជ្រើសរើសក្រុមប្រឹក្សាឃុំសង្កាត់ ប្រព្រឹត្តិទៅអស់ប៉ុន្មានលើកហើយ ?

ចម្លើយ

១. លក្ខខណ្ឌដែលអាចទៅចុះឈ្មោះបោះឆ្នោតបានមានដូចជា ៖

• មានសញ្ជាតិខ្មែរ
• មានអាយុ ១៨ឆ្នាំឡើងទៅគិតដល់ថ្ងៃបោះឆ្នោត
• មានអាស្រ័យដ្ឋានច្បាស់លាស់ក្នុងព្រះរាជាណាចក្រកម្ពុជា
• ត្រូវទៅចុះឈ្មោះដោយខ្លួនឯងផ្ទាល់
• មិនត្រូវស្ថិតក្នុងស្ថានភាពជាប់ពន្ធនាគារ
• ពុំមែនជាជនវិកលចរិក ឬជនមានភាពពាក់ព័ន្ធសមត្ថកិច្ច ។

២. ជនដែលមិនអាចចុះឈ្មោះបោះឆ្នោតមានដូចជា ៖

• អនិតិជន
• វិកលចរិកជន
• ពនេចរជន
• ពិរុទ្ធជន
• អនិកជន ។

៣. ចាំបាច់បោះឆ្នោតជ្រើសរើសតំណាងរាស្រ្ត ឬនាយករដ្ឋមន្រ្តី

• រួមគិត
• រួមធ្វើ
• រួមទទួលខុសត្រូវ ។

៤. ការបោះឆ្នោតនៅកម្ពុជាចែកជា៤ប្រភេទ ៖

• ការបោះឆ្នោតជ្រើសរើសតំណាងរាស្រ្ត
• ការបោះឆ្នោតជ្រើសរើសតំណាងក្រុមប្រឹក្សាឃុំ សង្កាត់
• ការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ
• ការបោះឆ្នោតជ្រើសរើសសមាជិកព្រឹទ្ធសភា ។ ការបោះឆ្នោតមានពីរបែបគឺ សកល និងអសកល ។ មានពីរប្រព័ន្ធគឺ សមាមាត្រ និងឯកត្តនាម ។

៥. ការបោះឆ្នោតជ្រើសរើសក្រុមប្រឹក្សាឃុំសង្កាត់ ប្រព្រឹត្តិទៅអស់ ៣លើក មាន

• លើកទី១​ថ្ងៃទី ០៣​ ខែកុម្ភៈ ឆ្នាំ ២០០២
• លើកទី ២ ថ្ងៃទី ០១ ខែមេសា ឆ្នាំ ២០០៧
• លើកទី ៣ ថ្ងៃទី ០៣ ខែមិថុនា ឆ្នាំ ២០១២ ។ វាជាប្រភេទការបោះឆ្នោតសកល ។