តើបទព្រហ្មគីតិមានន័យដូចម្តេច ? បទនេះអាចសូត្របានប៉ុន្មានបែប ? ចូរសិក្សាធាតុសំខាន់ៗនៃបទនេះ ។

បទព្រហ្មគីតិ មានន័យថាចំរៀង រឺទំនួញព្រហ្ម ។ បទនេះគេអាចសូត្របាន ៨បែបគឺ ៖

• បែបរាប់
• បែបច្បាប់ទី១
• បែបច្បាប់ទី២
• បែបពិលាប
• បែបទំនួញ
• បែបស្មូតថ្វាយផ្កា
• បែបសំពៅថយ
• បែបអារាធនា ។

សិក្សាធាតុសំខាន់ៗនៃបទនេះ

រង្វាស់កាព្យ ៖

• ក្នុង១វគ្គ មាន៤ឃ្លា
• ឃ្លាទី១ និងឃ្លាទី៣ មាន៥ព្យាង្គ
• ឃ្លាទី២ និងឃ្លាទី៤ មាន៦ព្យាង្គ ។

ចង្វាក់

• ទំលាក់សំលេងព្យាង្គទី៣ ចំពោះឃ្លាដែលមាន៦ព្យាង្គ
• ទំលាក់សំលេងលើព្យាង្គទី២ ចំពោះឃ្លាដែលមាន៥ព្យាង្គ ។

បរិយាកាស ៖ បទនេះ គេយកទៅប្រើ ដើម្បីសំដែង ៖

• ភាពអន្លង់អន្លោច
• សេចក្តីទុក្ខសោក
• ការព្រាត់ប្រាសគ្នា
• ការប្រដៅ
• ការផ្លែផ្តាំ
• ការឈឺចាប់ចំពោះការជិះជាន់ ។

បំនកស្រាយ

ជួនក្នុងវគ្គ ៖

• ព្យាង្គទី៥ នៃឃ្លាទី១ ចួន ព្យាង្គទី៣ នៃឃ្លាទី២
• ព្យាង្គទី៦នៃឃ្លាទី២ ចួន ព្យាង្គទី៥នៃឃ្លាទី៣ ចួន ព្យាង្គទី៣នៃឃ្លាទី៤ ។

ជួនឆ្លងវគ្គ ៖

• ព្យាង្គទី៦នៃឃ្លាទី៤ក្នុងវគ្គទី១ ចួន ព្យាង្គទី៦នៃឃ្លាទី២ក្នុងវគ្គទី៥ ចួន ព្យាង្គទី៥នៃឃ្លាទី៣ក្នុងវគ្គទី២ ។