តើ បទពំនោលមានន័យដូចម្តេច ? បទនេះអាចសូត្របានប៉ុន្មានបែប ? ចូរសិក្សាធាតុសំខាន់ៗនៃបទនេះ ។

បទពំនោល មានន័យថាបទសំរាប់ពោលល្ខោន ។ បទនេះគេអាចសូត្របាន ៤ បែបគឺ ៖

• បែបកំហឹង
• បែបទំនួញ
• បែបល្ខោនខោល
• បែបល្ខោនស្បែក ។

សិក្សាធាតុសំខាន់ៗនៃបទនេះ ៖

• រង្វាស់កាព្យ ៖ ក្នុង ១វគ្គ មាន៣ឃ្លា ។ ឃ្លាទី១ និងឃ្លាទី៣មាន៥ព្យាង្គ ។ ឃ្លាទី២មាន ៤ព្យាង្គ ។
• ចង្វាក់ ៖ ទំលាក់សំលេងលើព្យាង្គទី២ និងព្យាង្គទី៤ ។
• បរិយាកាស ៖ គេប្រើបទនេះសំរាប់រៀបរាប់ពី ៖
• កំហឹងក្រេវក្រោធ
• ការសង្ឃក គំរាមកំហែង
• មហិទ្ធិរឹទ្ធិនៃអ្នកមានអំនាចខ្លាំង
• ពាក្យអង្វរករ ការភ័យខ្លាចរបស់អ្នកខ្សោយ
• ជំលោះចំបាំងដែលមានចលនាក្នុងក្ខាំង ។ ពេលខ្លះ គេប្រើបទនេះក្នុងការសំដែងរបាំ ដើម្បីអោយនាដក រឺនាដករិនីធ្វើចលនា និងកាយវិការផ្សេងៗ ។

បំណកស្រាយ

• ជួនក្នុងវគ្គ ៖ ព្យាង្គទី៦នៃឃ្លាទី១ ចួន ព្យាង្គទី៤ នៃឃ្លាទី២ ។
• ជួនឆ្លងវគ្គ ៖ ព្យាង្គទី៦ នៃឃ្លាទី៣ ក្នុងវគ្គទី១ ចួនព្យាង្គទី៦ នៃឃ្លាទី១ក្នុងវគ្គទី២ ចួន ព្យាង្គទី៤នៃឃ្លាទី២ក្នុងវគ្គទី២ ។