សំនួរ
១. តើក្រសួងប្រៃណីយ៍និងទូរគមនាគមន៍បង្កើតឡើងនៅថ្ងៃខែឆ្នាំណា ?
២ . តើក្រសួងប្រៃសណីយ៍និងទូរគមនាគមន៍ចក្ខុវិស័យយ៉ាងដូចម្តេច ?
៣. តើក្រសួងប្រៃសណីយ៍និងទូរគមនាគមន៍មានបេសកម្មធ្វើអ្វីខ្លះ ?
៤. តើបាវចនារបស់ប្រៃសណីយ៍និងទូរគមនាគមន៍គឺអ្វី ?
៥. ចូរបង្ហាញពីអត្ថន័យ នៃនិមិត្តសញ្ញាក្រសួងប្រៃសណីយ៍និងទូរគមនាគមន៍ ។
៦. តើក្រសួងប្រៃសណីយ៍និងទូរគមនាគមន៍ មានអង្គភាពក្រោមឱវាទ ( រចនាសម្ព័ន្ធ ) អ្វីខ្លះ ?
៧. តើក្រសួងប្រៃសណីយ៍និងទូរគមនាគមន៍មានមុខងារនិងភារកិច្ចយ៉ាងដូចម្តេច ?
៨. តើក្រសួងប្រៃសណីយ៍និងទូរគមនាគមន៍មានអគ្គនាយកដ្ឋានប៉ុន្មាន ?អ្វីខ្លះ ? ចូរនិយាយពីអគ្គនាយកដ្ឋាននីមួយៗ ។
៩. តើក្រសួងប្រៃសណីយ៍និងទូរគមនាគមន៍មានអង្គភាពស្វ័យតប៉ុន្មាន ? ចូរពន្យល់ឲ្យបានច្បាស់លាស់ ។
១០. តើវិទ្យាស្ថានជាតិប្រៃសណីយ៍ ទូរគមនាគមន៍ បច្ចេកវិទ្យាគមនាគមន៍ និងព័ត៌មាន មាននាយកដ្ឋានចំណុះប៉ុន្មាន ? អ្វីខ្លះ ?
១១. តើនាយកដ្ឋានសវនកម្មផ្ទៃក្នុងក្រសួងប្រៃសណីយ៍និងទូរគមនាគមន៍បំពេញមុខងារអ្វី ?
១២ . តើវិទ្យាស្ថានជាតិប្រៃសណីយ៍ ទូរគមនាគមន៍ បច្ចេកវិទ្យាគមនាគមន៍ និងព័ត៌មានមានមុខងារនិងភារកិច្ចដូចម្តេចខ្លះ ?
១៣. តើអគ្គនាយកដ្ឋានរដ្ឋបាលនៃក្រសួងប្រៃសណីយ៍និងទូរគមនាគមន៍មាននាយកដ្ឋានចំណុះប៉ុន្មាន ? អ្វីខ្លះ ?
១៤. តើអគ្គនាយកដ្ឋានប្រៃសណីយ៍និងទូរគមនាគមន៍ នៃក្រសួងប្រៃសណីយ៍និងទូរគមនាគមន៍ មាននាយកដ្ឋានចំណុះប៉ុន្មាន ? អ្វីខ្លះ ?
១៥. តើអគ្គនាយកដ្ឋានបច្ចេកវិទ្យាគមនាគមន៍និងព័ត៌មាននៃក្រសួងប្រៃសណីយ៍និងទូរគមនាគមន៍ មាននាយកដ្ឋានចំណុះប៉ុន្មាន ? អ្វីខ្លះ ?
១៦. តើអគ្គធិការដ្ឋាននៃក្រសួងប្រៃសណីយ៍និងទូរគមនាគមន៍មាននាយកដ្ឋានចំណុះប៉ុន្មាន ? អ្វីខ្លះ ?
១៧. តើនិយ័តករទូរគមនាគមន៍កម្ពុជា មានមុខងារនិងភារកិច្ចដូចម្តេចខ្លះ ?
១៨. តើនិយ័តករទូរគមនាគមន៍កម្ពុជា ( ន. ទ. ក ) មានរចនាសម្ព័ន្ធយ៉ាងដូចម្តេច ?
១៩. តើច្បាប់ស្តីពីទូរគមនាគមន៍ត្រូវបានរដ្ឋសភាអនុម័តនៅថ្ងៃខែឆ្នាំណា ?
២០. ចូរឲ្យនិយមន័យ «កាតព្វកិច្ចសេវាសកល គម្លាតឌីជីថល ទូរគមនាគមន៍ មជ្ឈតការមានសមត្ថកិច្ច សេវាគ្រាអាសន្ន សេវាទូរគមនាគមន៍ « ។
ចម្លើយ
១. ក្រសួងប្រៃសណីយ៍និងទូរគមនាគមន៍បង្កើតឡើងនៅឆ្នាំ ថ្ងៃទី២៤ ខែ មករា ឆ្នាំ ១៩៩៦ ។
២. ក្រសួងប្រៃសណីយ៍និងទូរគមនាគមន៍មានចក្ខុវិស័័យដូចតទៅ៖
ជំរុញការភ្ជាប់ហេដ្ឋារចនាសម្ព័ន្ធនិងការផ្តល់សេវា លើវិស័យប្រៃណីយ៍និងទូរគមនាគមន៍ព្រមទាំងបច្ចេកវិទ្យាគមនាគមន៍ និងព័ត៌មាននៅគ្រប់ទីកន្លែងទាំងអស់ក្នុងប្រកទេសកម្ពុជានៅក្នុងតំបន់និងពិភពលោក ប្រកបដោយគុណភាព ប្រសិទ្ធភាព និងភាពស័ក្តសិទ្ធិដើម្បីចូលរួមជំរុញការអភិវឌ្ឍន៍សង្គម កំណើនសេដ្ឋកិច្ច និងការកាត់បន្ថយភាពក្រីក្រជារួម ។
៣. ក្រសួងប្រៃសណីយ៍និងទូរគមនាគមន៍ មានបេសកម្មដូចខាងក្រោម៖
- ដឹកនាំនិងគ្រប់គ្រងវិស័យប្រៃសណីយ៍និងទូរគមនាគមន៍ព្រមទាំងបច្ចេកវិទ្យាគមនាគមន៍និងព័ត៌មាននៃព្រះរាជាណាចក្រកម្ពុជា ដោយសេរីលើគោលការណ៍សេដ្ឋកិច្ច ទីផ្សារសេរីនិងសមធម៌សង្គម
- ពង្រីកការសាងសងហេដ្ឋារចនាសម្ព័ន្ធឆ្អឹងកងខ្នងរឹងមាំល្បឿនលឿន សុវត្ថិភាព និងជឿទុកចិត្តឲុ្យបានដល់គ្រប់ទីកន្លែងនៅក្នុងព្រះរាជាណាចក្រកម្ពុជា
- អភិវឌ្ឍន៍វិស័យប្រៃសណីយ៍និងទូរគមនាគមន៍ព្រមទាំងបច្ចេកវិទ្យាគមនាគមន៍និងព័ត៌មាន ឲ្យមានលក្ខណៈទំនើប មានគុណភាពខ្ពស់មានតម្លៃសមរម្យនិងមានសេវាគ្រប់ដណ្តប់ទូទាំងប្រទេស ដែលប្រជាជនទូទៅអាចប្រើប្រាស់និងទទួលបានផលប្រយោគជន៍ពីសេវានេះ
- អភិវឌ្ឍន៍ប្រព័ន្ធរដ្ឋាភិបាលអេឡិចត្រូនិច នៅថ្នាក់ជាតិនិងថ្នាក់ក្រោមជាតិ ដើម្បីជំរុញការសម្របសម្រួលការគ្រប់គ្រងកិច្ចការរដ្ខាភិបាលរវាងក្រសួង ស្ថាប័ន ជាសេនាធិការរបស់រាជរដ្ឋាភិបាលនិងការផ្តល់សេវាសាធារណៈជូនប្រជាជនប្រកបដោយភាពរហ័ស ប្រសិទ្ធភាព តម្លាភាព សុវត្ថិភាពសន្សំសម្ចៃខ្ពស់ និងចំណេញពេលវេលា
- ជំរុញការបញ្រ្ជាប ការយល់ដឹងអំពីការប្រើប្រាស់និងផលប្រយោជន៍នៃបច្ចេកវិទ្យាគមនាគមន៍និងព័ត៌មាន តាមរយៈការផ្សព្វផ្សាយឲ្យបានទូលំទូលាយ ការបណ្តុះបណ្តាលនិងការកសាងសមត្ថភាពមន្ត្រីរាជការ សិស្ស និសិ្សត រួមទាំងវិស័យឯកជន
- លើកទឹកចិត្តនិយោគិនធ្វើទំនើបកម្មវិស័យប្រៃសណីយ៍និងទូរគមនាគមន៍ព្រមទាំងបច្ចេកវិទ្យាគមនាគមន៍និង ធ្វើការររៀបចំអភិក្រមដើម្បីលើកកម្ពស់ការស្រាវជ្រាវនិងអភិវឌ្ឍន៍លើវិស័យទូរគមនាគមន៍និងបច្ចេកវិទ្យាគមនាគមន៍និងព័ត៌មាន
- ជំរុញប្រតិបត្តិនៃវិស័យប្រៃសណីយ៍និងទូរគមនាគមន៍ព្រមទាំងបច្ចេកវិទ្យាទូរគមនាគមន៍និងព័ត៌មាន អនុវត្តសិទ្ធិ និងកាតព្វកិច្ច ស្របតាមលក្ខខណ្ឌនិងបទបញ្ញាត្តិជាធរមាន ដើម្បីធានាការប្រកួតប្រជែងដោយស្របច្បាប់និងស្មោះត្រង់និងដើម្បីការពាសិទ្ធិរបស់អ្នកប្រើប្រាស់ ។
គុណតម្លៃ៖ ប្រសិទ្ធភាព តម្លាភាព និងសមធម៌ ។
៤. បាវចនារបស់ក្រសួងប្រៃសណីយ៍និងទូរគមនាគមន៍គឺ សន្ធិកម្ពុជា ។
៥. បង្ហាញពីអត្ថន័យនៃនិមិត្តសញ្ញាក្រសួងប្រៃសណីយ៍និងទូរគមនាគមន៍ ដូចខាងក្រោម៖
- រូបសញ្ញាមានរាងមូល មានអង្កត់ផ្ចិតប្រវែង៣សង់ទីម៉ែត្រ
- ខ្សែប្រាំពណ៌ក្រហមនៃពាក់កណ្តាលរង្វង់ខាងលើ គឺតំណាងឲ្យទ្វីបទាំងប្រំា
- សញ្ញាកងចក្រពណ៌ខៀវ នៃពាក់កណ្តាលរង្វង់ខាងក្រោមចំនួនប្រំាពីរកាំគឺតំណាំងឲ្យមន្រ្តីរាជការ
- ខ្សែបន្ទាត់ពណ៌សខាងក្នុងដែលប្រទាក់គ្នា លើផែនដីពណ៌ផ្ទៃមេឃគឹតំណាងឲ្យប្រព័ន្ធទំនាក់ទំនង របស់វិស័យប្រៃសណីយ៍និងទូរគមនាគមន៍លើពិភពលោក
- សញ្ញាកាំផ្លេកបន្ទោលពណ៌លឿងទុំ គឺតំណាងឲ្យរលកអាកាសវិទ្យុទូរគមនាគមន៍
- អក្សរពណ៌ស ដែលស្ថិតនៅលើនៃផែនដីដែលសរសេរអក្សរកាត់ ប.ទ.ក មានន័យថា ប្រៃសណីយ៍និងទូរគមនាគមន៍កម្ពុជា
- អក្សរតាំងពណ៌ស នៅផ្នែកខាងក្រោមនៃផែនដីដេលសរសេរអក្សរកាត់ P T C មានន័យថា post and Telecommunication of Cambodia ។
៦. ក្រសួងប្រៃសណីយ៍និងទូរគមនាគមន៍ មានមអង្គភាពក្រោមឱវាទ ( រចនាសម្ព័ន្ធ ) ដូចតទៅ ៖
ក. អង្គភាពថ្នាក់កណ្តាល
- ខុឧកាល័យរដ្ឋមន្រ្តី
- អគ្គនាយកដ្ឋានរដ្ឋបាល
- អគ្គនាយកដ្ឋានប្រៃសណីយ៍និងទូរគមនាគមន៍
- អគ្គនាយកដ្ឋានបច្ចេកវិទ្យាគមនាគមន៍និងព័ត៌មាន
- អគ្គធិការរដ្ឋាន
- វិទ្យាល័យជាតិប្រៃសណីយ៍ ទូរគមនាគមន៍ បច្ចេកវិទ្យា គមនាគមន៍និងព័ត៌មាន
- នាយកដ្ឋានសវនកម្មផ្ទៃក្នុង
ខ. អង្គភាពស្វយ័ត
- និយ័តករទូរគមនាគមន៍កម្ពុជា
- ទូរគមនាគមន៍កម្ពុជា
- ប្រៃសណីយ៍កម្ពុជា
គ. អង្គភាពមូលដ្ឋាន
- មន្ទីរប្រៃសណីយ៍និងទូរគមនាគន៍ខេត្ត ។
៧. ក្រសួងប្រៃសណីយ៍និងទូរគមនាគមន៍ មានមុខងារនិងភារកិច្ចដូចតទៅ ៖
- រៀបចំ អនុវត្តនិងតាមដានការអនុវត្តគោលនយោបាយនិងផែនការយុទ្ធសាស្រ្តជាតិ សម្រាប់ការអនុវឌ្ឍន៍វិស័យប្រៃសនីយ៍និងទូរគមនាគមន៍ ព្រមទាំងបច្ចេកវិទ្យាគមនាគមន៍និងព័ត៌មាន
- រៀបចំ អនុវត្តនិងតាមដានការអនុវត្តបទដ្ឋានគតិយុត្តសម្រាប់វិស័យប្រៃសណីយ៍និងទូរគមនាគមន៍ ព្រមទាំងបច្ចេកវិទ្យាគមនាគមន៍និងព៍ត៌មាន
- រៀបចំគោលនយោបាយ សម្របសម្រួលនិងជំរុញការប្រកួតប្រជែងក្នុងការផ្តល់សេវាប្រៃសនីយ៍និងទូរគមនាគមន៍
- រៀបចំគោលនយោបាយសម្រាប់ប្រើប្រាស់សេវាសកល ( USO ) ក្នុងវិស័យប្រៃសណីយ៍និងទូរគមនាគមន៍
- រៀបចំគោលនយោបាយសម្រាប់ការផ្តល់អាជ្ញាបណ្ណ
- សហការជាមួយក្រសួងនិងស្ថាប័នពាក់ព័ន្ធ ដើម្បីដឹកនាំនិងចូលរួមក្នុងការរៀបចំ អនុវត្តន៍គោលនយោបាយយុទ្ធសាស្រ្តរបស់រាជភិបាល លើកិច្ចសហប្រតិបត្តិការអន្តរជាតិ ក្នុងវិស័យប្រៃសណីយ៍និងទូរគមនាគមន៍ព្រមទាំងបច្ចេកវិទ្យាទូរគមនាគមន៍និងព័ត៌មាន និងកិច្ចការសមាហរណកម្មនៃព្រះរាជាណាចក្រកម្ពុជាចូលក្នុងក្របខណ្ឌអនុតំបន់ តំបន់ សកលលោកនិងអង្គការអន្តរជាតិ
- រៀបចំនិងជំរុញឲ្យការបង្កើតបណ្តាញ និងផ្តល់សេវាទូរគមនាគមន៍មានប្រសិទ្ធភាព សម្រាប់គ្រាអាសន្ននិងគ្រាមានគ្រោះមហន្តរាយក្នុងប្រទេស
- ធ្វើជាហត្ថលេខាលេខីនិងជាតំណាងរាជរដ្ឋាភិបាលកម្ពុជា ក្នុងកិច្ចសហប្រតិបត្តិការអន្តរជាតិ លើវិស័យប្រៃសណីយ៍និងទូរគមនាគមន៍ ព្រមទាំងបច្ចេកវិទ្យាមគមនាកមន៍និងព័ត៌មាន
- កសាងគោលនយោបាយអភិវឌ្ឍន៍ធនធានមនុស្សសម្រាប់វិស័យប្រៃសណីយ៍និងទូរគមនាគមន៍ ព្រមទាំងបច្ចេកវិទ្យាគមនាគមន៍និងព័ត៌មាន
- បណ្តុះបណ្តាលនិងធ្វើវិក្រឹត្យការជាប្រចាំនូវមុខជំនាញប្រៃសណិយ៍និងទូរគមនាគមន៍ ព្រមទាំងបច្ចេកវិទ្យាគមនាគមន៍និងព័ត៌មាន
- គ្រប់គ្រងស្តង់ដា ( បមាណីយ៍ ) វិស័យប្រៃសណីយ៍និងទូរគមនាគមន៍ ព្រមទាំងបច្ចេកវិទ្យាគមនាគមន៍ និងព័ត៌មាន
- កសាងផែនការចំណុច ចំណាយហិរញ្ញាវត្ថុ
- បំពេញមុខងារសវនកម្មផ្ទៃក្នុង
- ធ្វើអធិការកិច្ច លើការគ្រប់គ្រងវិស័យប្រៃសណីយ៍និងទូរគមនាគមន៍ ព្រមទាំងបច្ចេកវិទ្យាគមនាគមន៍និងព័ត៌មាន ។
៨. ក្រសួងប្រៃសណីយ៍និងទូរគមនាគមន៍មានអគ្គនាយកដ្ឋាន៣គឹ៖
ក. អគ្គនាយកដ្ឋានរដ្ឋបាល
- នាយកដ្ឋានរដ្ឋបាល
- នាយកដ្ឋាននិងបុគ្គលិកនិងបណ្តុះបណ្តាល
- នាយកដ្ឋានផែនការនិងហិរញ្ញវត្ថុ
ខ. អគ្គនាយកដ្ឋានប្រៃសណីយ៍និងទូរគមនាគមន៍
- នាយកដ្ឋានគោលនយោបាយទូរគមនាគមន៍
- នាយកដ្ឋានគោលនយោបាយប្រៃសណីយ៍
- នាយកដ្ឋានត្រួតពិនិត្យការគ្រប់គ្រងប្រៃសណីយ៍
- នាយកដ្ឋានសហប្រតិបត្តិការអន្តរជាតិ
- មជ្ឍមណ្ឌលគ្រប់គ្រងទិន្នន័យសេវាទូរគមនាគមន៍និងព៍ត៌មានវិទ្យា
គ. អគ្គនាយកដ្ឋានបច្ចេកវិទ្យាគមនាគមន៍និងព័ត៌មាន
- នាយកដ្ឋានរដ្ឋាភិបាលអេឡិចត្រូនិច
- នាយកដ្ឋានគោលនយោបាយបច្ចេកវិទ្យាគមនាគមន៍និងព័ត៌មាន
- នាយកដ្ឋានគ្រប់គ្រងហេដ្ឋារចនាសម្ព័ន្ធព័ត៌មានជាតិ និងគ្រប់គ្រងប្រព័ន្ធវីដេអូនៃសន្នីទរបស់រាជរដ្ឋាភិបាល
- នាយកដ្ឋានកម្មវិធីកុំព្យូទ័រនិងមាតិកាព័ត៌មាន
- នាយកដ្ឋានសន្តិសុខបច្ចេកវិទ្យាគមនាគមន៍និងព័ត៌មាន
- នាយកដ្ឋានឧស្សាហកម្មបច្ចេកវិទ្យាគមនាគមន៍និងព័ត៌មាន
- នាយកដ្ឋានបច្ចេកវិទ្យា គមនាគមន៍និងព័ត៌មានសម្រាប់ជនបទ ។
៩. ក្រសួងប្រៃសណីយ៍និងទូរគមនាគមន៍មានអង្គភាពស្វ័យតចំនួន៣គឹ ៖
- និយ័តករទូរគមនាគមន៍កម្ពុជា
- ទូរគមនាគមន៍កម្ពុជា
- ប្រៃសណីយ៍កម្ពុជា ។
១០. វិទ្យាស្ថានជាតិប្រៃសណីយ៍ ទូរគមនាគមន៍ បច្ចេកវិទ្យាគមនាគមន៍ និងព័ត៌មានមាននាយកដ្ឋានចំណុះចំនួន៣និងមជ្ឍមណ្ឌលចំណុះចំនួន១រួមមាន ៖
- នាយកដ្ឋានប្រៃសណីយ៍
- នាយកដ្ឋានទូរគមនាគមន៍
- នាយកដ្ឋានបច្ចេកវិទ្យាគមនាគមន៍និងព័ត៌មាន
- មជ្ឍមណ្ឌលស្រាវជ្រាវនិងអភិវឌ្ឍន៍ ។
១១. នាយកដ្ឋានសវនកម្មផ្ទៃក្នុង បំពេញមុខងារជាសេនាធិការ ឲ្យក្រសួងប្រៃសណីយ៍និងទូរគមនាគមន៍លើការងារពង្រឹងប្រព័ន្ធគ្រប់គ្រងផ្ទៃក្នុងរបស់ក្រសួងប្រៃសណីយ៍និងទូរគមនាគមន៍ ។
១២. វិទ្យាស្ថានជាតិប្រៃណីយ៍ ទូរគមនាគមន៍ បច្ចេកវិទ្យាគមនាគមន៍ និងព័ត៌មានមានមុខងារនិងភារកិច្ចដូចជា៖
- រៀបចំកម្មវិធី អប់រំ និងបណ្តុះបណ្តាលវិស័យប្រៃសណីយ៍និងទូរគមនាគមន៍ ព្រមទាំងកម្មទាំងបច្ចេកវិទ្យាគមនាគមន៍និងព័ត៌មាន
- លើកសំណើសុំចេញសញ្ញាបត្រឬវិញ្ញាបនត្រទទួលស្គាល់កម្រិតសមត្ថភាពជំនាញលើវិស័យប្រៃសណីយ៍និងទូរគមនាគមន៍ព្រមទាំងបច្ចេកវិទ្យាគមនាគមន៍និងព័ត៌មាន
- សហការជាមួយស្ថាប័នជាតិនិងអន្តរជាតិនានាក៏ដូចជាវិស័យឯកជន ដើម្បីពង្រឹងអប់រំ បណ្តុះបណ្តាលស្រាវជ្រាវ និងផ្ទេរបច្ចេកវិទ្យាលើវិស័យប្រៃសណីយ៍ និងទូរគមនាគមន៍ព្រមទាំងបច្ចេកវិទ្យាគមនាគមន៍និងព័ត៌មាន
- ស្រាវជ្រាវនិងអភិវឌ្ឍន៍វិស័យប្រៃសណីយ៍និងទូរគមនាគមន៍ ព្រមទាំងបច្ចេកវិទ្យាគមនាគមន៍និងព័ត៌មាន
- ធ្វើរបាយការណ៍ស្តីពីសកម្មភាពការងារជូនក្រសួង
- អនុវត្តភារកិច្ចផ្សេងៗទៀតដែលក្រសួងប្រគល់ឲ្យ ។
១៣. អគ្គនាយកដ្ឋានរដ្ឋបាលនៃក្រសួងប្រៃសណីយ៍និងទូរគមនាគមន៍មាននាយកដ្ឋានចំណុះ៣ដូចខាងក្រោម ៖
- នាយកដ្ឋានរដ្ឋបាលៈ បំពេញមុខងារ ជាសេនាធិការឲ្យអគ្គលេខាធិការឲ្យអគ្គនាយកដ្ឋានរដ្ឋបាលលើការសម្របសម្រួលការងារទូទៅរបស់ក្រសួងនៅថ្នាក់កណ្តាលនិងរវាងថ្នាក់កណ្តាលជាមួយអង្គភាពមូលដ្ឋានក្រោមឱវាទ ។
- នាយកដ្ឋានបុគ្គលិកនិងបណ្តុះបណ្តាលៈ បំពេញមុខងារ ជាសេនាធិការឲ្យអគ្គនាយកដ្ឋានរដ្ឋបាលលើការរងារគ្រប់គ្រងបុគ្គលិក មន្រ្តីរាជការ និងកាងារបណ្តុះបណ្តាល ។
- នាយកដ្ឋានផែនការនិងហិរញ្ញវត្ថុៈ បំពេញមុខងារ ជាសេនាធិការឲ្យអគ្គនាយកដ្ឋានរដ្ឋបាលលើការងារផែនការនិងហិរញ្ញវត្ថុ ។
១៤. អគ្គនាយកដ្ឋានប្រៃសណីយ៍និងទូរគមនាគមន៍ នៃក្រសួងប្រៃសណីយ៍និងទូរគមនាគមន៍ មាននាយកដ្ឋានចំណុះដូចតទៅ៖
- នាយកដ្ឋានគោលនយោបាយទូរគមនាគមន៍ៈ បំពេញមុខងារ ជាសេនាធិការឲ្យអគ្គនាយកដ្ឋានប្រៃសណិយ៍និងទូរគមនាគមន៍ លើការងាររៀបចំគោលនយោបាយនិងកសាងផែនការយុទ្ធសាស្រ្តជាតិ សម្រាប់ការអភិវឌ្ឍន៍វិស័យប្រៃសណីយ៍ ។
- នាយកដ្ឋានត្រួតពិនិត្យការគ្រប់គ្រងប្រៃសណីយ៍ៈ បំពេញមុខងារជាសេនាធិការ ឲ្យអគ្គនាយកដ្ឋានប្រៃសណីយ៍និងទូរគមនាគមន៍ លើការងាររៀបចំគោលនយោបាយនិងកសាងផែនការយុទ្ធសាស្រ្តជាតិ សម្រាប់ការអភិវឌ្ឍន៍វិស័យប្រៃសណីយ៍ ។
- នាយកដ្ឋានត្រួតពិនិត្យការគ្រប់គ្រងប្រៃសណីយ៍ៈ បំពេញមុខងារ ជាសេនាធិការឲ្យអគ្គនាយកដ្ឋានប្រៃសណីយ៍និងទូរគមនាគមន៍លើការងារត្រួតពិនិត្យការរគ្រប់គ្រងប្រៃសណីយ៍ ។
- នាយកដ្ឋានសហប្រតិបត្តិការអន្តរជាតិៈ បំពេញការងារ ជាសេនាធិការ ឲ្យអគ្គនាយកដ្ឋានប្រៃសណីយ៍និងទូរគមនាគមន៍លើការងារសហប្រតិបត្តិការអន្តរជាតិពាក់ព័ន្ធនិងវិស័យគ្រប់គ្រងប្រៃសណីយ៍ ។
- មជ្ឍមណ្ឌលគ្រប់គ្រងទិន្នន័យសេវាទូរគមនាគមន៍ និងព័ត៌មានវិទ្យាៈ បំពេញការងារជាសេនាធិការឲ្យអគ្កនាយកដ្ឋានប្រៃសណីយ៍និងទូរគមនាគមន៍លើការងារគ្រប់គ្រងទិន្នន័យសេវាទូរគមនាគមន៍និងព័ត៌មានវិទ្យា ។
១៥. អគ្គនាយកដ្ឋានបច្ចេកវិទ្យាគមនាគមន៍និងព័ត៌មាននៃក្រសួងប្រៃសណីយ៍និងទូរគមនាគមន៍មាននាយកដ្ឋានចំណុះ៧រួមមានៈ
- នាយកដ្ឋានរដ្ឋាភិបាលអេឡិចត្រូនិចៈ បំពេញមុខងារជា សេនាធិការឲ្យអគ្គនាយកដ្ឋានបច្ចេកវិទ្យាគមនាគមន៍ននិងព័ត៌មាន លើការងារនៃរាជរដ្ឋាភិបាលអេឡិចត្រូនិច ។
- នាយកដ្ឋានគោលនយោបាយបច្ចេកវិទ្យាគមនាគមន៍និងព័ត៌មានៈ បំពេញមុខងារជា សេនាធិការឲ្យអគ្គនាយកដ្ឋានបច្ចេកវិទ្យាគមនាគមន៍និងព័ត៌មាន លើការងារគោលនយោបាយបច្ចេកវិទ្យាគមនាគមន៍និងព័ត៌មាន ។
- នាយកដ្ឋានគ្រប់គ្រងហេដ្ឋារចនាសម្ព័ន្ធព័ត៌មានជាតិនិងគ្រប់គ្រងប្រព័ន្ធវីដេអូនៃសន្នីសីទរបស់រាជរដ្ខាភិបាលៈ បំពេញមុខងារជាសេនាធិការ ឲ្យអគ្គនាយកដ្ឋានបច្ចេកវិទ្យាគមនាគមន៍និងព័ត៌មាន លើការងារគ្រប់គ្រងហេដ្ឋារចនាសម្ព័ន្ធព័ត៌មានជាតិនិងគ្រប់គ្រងប្រព័ន្ធវីដេអូនៃសន្និសីទរបស់រាជរដ្ឋាភិបាល ។
- នាយកដ្ឋានកម្មវិធីកុំព្យូទ័រនិងមាតិកាព័ត៌មានៈ បំពេញមុខងារជាសេនាធិការ ឲ្យអគ្គនាយកដ្ឋានបច្ចេកវិទ្យាគមនាគមន៍និងព័ត៌មាន លើការងារកម្មវិធីកុំព្យូទ័រនិងមាតិការព័ត៌មាន ។
- នាយកដ្ឋានសន្តិសុខបច្ចេកវិទ្យាគមនាគមន៍និងព័ត៌មានៈ បំពេញមុខងារជាសេនាធិការ ឲ្យអគ្គនាយកដ្ឋានបច្ចេកវិទ្យាគមនាគមន៍និងព័ត៌មាន លើការងារសន្តិសុខបច្ចេកវិទ្យាគមនាគមន៍និងព័ត៌មាន ។
- នាយកដ្ឋានឧស្សាហកម្មវិទ្យាគមនាគមន៍និងព័ត៌មានៈ បំពេញមុខងារជា សេនាធិការឲ្យអគ្គនាយកដ្ឋានបច្ចេកវិទ្យាគមនាគមន៍និងព័ត៌មាន លើការងារឧស្សាហកម្មបច្ចេកវិទ្យាគមនាគមន៍និងព័ត៌មាន។
- នាយកដ្ឋានបច្ចេកវិទ្យាគមនាគមន៍និងព័ត៌មានសម្រាប់ជនបទៈ បំពេញមុខងារជាសេនាធិការឲ្យអគ្គនាយកដ្ឋានបច្ចេកវិទ្យាគមនាគមន៍និងព័ត៌មាន លើការងារបច្ចេកវិទ្យាគមនាគមន៍និងព័ត៌មានសម្រាប់ជនបទ ។
១៦. អគ្គាធិកាដ្ឋាននៃក្រសួងប្រៃសណីយ៍និងទូរគមនាគមន៍មាននាយកដ្ឋានចំណុះ៣រួមមានៈ
- នាយកដ្ឋានអធិការកិច្ចរដ្ឋបាលនិងទទួលពាក្យបណ្តឹង
- នាយកដ្ឋានអធិការកិច្ចហិរញ្ញវត្ថុ
- នាយកដ្ឋានអធិការកិច្ចបច្ចេកទេស ។
១៧. និយ័តករទូរគមនាគមន៍កម្ពុជា មានមុខងារនិងភារកិច្ចៈ បំពេញមុខងារដោយមានស្វ័យភាពខាងផ្នែករដ្ឋបាលនិងនិយ័តកម្មព្រមទាំងដោយឯករាជ្យពីប្រតិបត្តិករទូរគមនាគមន៍និងបុគ្គលពាក់ព័ន្ធនិងវិស័យទូរគមនាគមន៍ ។
១៨. និយ័តករទូរគមនាគមនាគមន៍កម្ពុជា ( ន. ទ . ក ) មានរចនាសម្ព័ន្ធដូចតទៅៈ
- នាយកដ្ឋានរដ្ឋបាល បុក្គលិក និងទំនាក់ទំនងអន្តរជាតិ
- នាយកដ្ឋានផែនការនិងហិរញ្ញវត្ថុ
- នាយកដ្ឋាននិយ័តកម្មទូរគមនាគមន៍
- នាយកដ្ឋាននិយ័តកម្មហ្វ្រេកង់សំវិទ្យុ
- នាយកដ្ឋានការរប្រកួតប្រជែងនិងការការពារអ្នកប្រើប្រាស់
- នាយកដ្ឋានសវនកម្មផ្ទៃក្នុង
- សាខារបស់ ន.ទ.ក នៅតាមខេត្ត ។
១៩. ច្បាប់ស្តីពីទូរគមនាគមន៍ ត្រូវបានរដ្ឋសភាអនុម័តនៅថ្ងៃទី ៣០ ខែ វិចិ្ឆកា ឆ្នាំ ២០១៥ នាសម័យប្រជុំរដ្ឋសភាលើកទី ៥ នីតិកាលទី៥ ហើយដែលត្រូវព្រឹទ្ធសភាបានពិនិត្យចប់សព្វគ្រប់លើទម្រង់និងគតិច្បាប់នេះទាំងស្រុងកាលពីថ្ងៃទី ៧ ខែ ធ្នូ ឆ្នាំ ២០១៥ នាសម័យប្រជុំចាវិសាមញ្ញនីតិកាលទី៣ ហើយដែលត្រូវប្រកាសឲ្យប្រើប្រាស់ ជាផ្លូវការនៅថ្ងៃទី ១៧ ខែ ធ្នូ ឆ្នាំ ២០១៥ ។
២០. ឲ្យនិយមន័យៈ
- កាតព្វកិច្ចសវាកម្មៈ សំដៅដល់កាតព្វកិច្ចរបស់ប្រតិបត្តិករទូរគមនាគមន៍ បច្ចេកវិទ្យាគមនាគមន៍ និងព័ត៌មានក្នុងការផ្តល់សេវាទូរគមនាគមន៍មូលដ្ឋាន និងសេវាតម្លៃបន្ថែមជូនដល់ប្រជាពលរដ្ឋទូទៅគ្រប់រូប ក្នុងតម្លៃសមរម្យ គុណភាពសេវាល្អ និងអាចប្រើប្រាស់បាននៅគ្រប់ទីកន្លែងទូទាំងព្រះរាជាណាចក្រកម្ពុជា ។
- គម្លាតឌីជីថលៈ សំដៅដល់គម្លាតនៃការទទួលបានសេវានិងការប្រើប្រាស់បច្ចេកវិទ្យាគមនាគមន៍និងព័ត៌មាននៅតាមទីក្រុង ( រាជធានី ) ទីប្រជុំជន និងជនបទ ។
- ទូរគមនាគមន៍ៈ សំដៅដល់វិទ្យាស្រ្តនិងបច្ចេកវិទ្យាក្នុងការបញ្ចូន និងទទួលស៊ីញ៉ាល់ ទិន្នន័យ សំឡេង រូបភាព ឬប្រភេទព័ត៌មានដទៃទៀត តាមរយៈការប្រើប្រាស់ថាមពលក្រោមទម្រង់អេឡិចត្រូម៉ាញ៉េទិច អគ្គីសនី វិទ្យុ ពន្លឺ ឬទម្រង់ដទៃទៀត ។
- មជ្ឈតការមានសមត្ថកិច្ចៈ សំដៅដល់ការផ្សះផ្សារវិវាទដោយប្រើប្រាស់វេទិការមជ្ឈត្តកម្ម ដែលក្នុងនោះមជ្ឈត្តករ ទទួលបានការបណ្តុះបណ្តាលក្នុងវិស័យទូរគមនាគមន៍និងបច្ចេកវិទ្យាគមនាគមន៍និងព័ត៌មាន និងទទួលបានគុណវុឌ្ឍិពី ក.ប.ទ ។
- សេវាគ្រាអាសន្នៈ សំដៅដល់សេវាទូរគមនាគមន៍ ដែលត្រូវបានប្រើប្រាស់ក្នុងគ្រាអាសន្នដោយសាធារណជន និងត្រូវបានផ្តល់ទៅដល់អង្គភាពនគរបាលជាតិ អង្គភាពពន្លត់អគ្គិភ័យ និងអង្គភាពសេវារថយន្តសង្គ្រោះបន្ទាន់ ។
- សេវាទូរគមនាគមន៍ៈ សំដៅដល់សេវាទាំងឡាយណាដែលត្រូវបានផ្តល់សម្រាប់ការបញ្ចូននិងការទទួលសំឡេង ទិន្នន័យ ស៊ីញ៉ាល់ រូបភាព ឬប្រភេទព័ត៌មានដទៃទៀត តាមរយៈការប្រើប្រាស់ថាមពលក្រោមទម្រង់អេឡិចត្រូម៉ាញេទិច អគ្គិសនីវិទ្យុ ពន្លឺ ឬទម្រង់ដទៃទៀត ។ សេវាទូរគមនាគមន៍មូលដ្ឋាននិងសេវាទូរគមនាគមន៍តម្លៃបន្ថែម ។
