តើវប្បធម៌ និង សង្គមធម៌ ជាអ្វីដែរ មានអត្តន័យដូចម្តេច ?

វប្បធម៌ មានពាក្យ វប្ប និង ធម៌ ។

វប្ប ៖ ប្រែថា ការសាបព្រោះ​ បណ្តុះពូជ ការបង្កបង្កើត ។

ធម៌ ៖ ប្រែថា ធាតុ​វិធី ធម៌ភាព សភាវៈទ្រទ្រង់

ដូចនេះវប្បធម៌ គឺ ធម៌ទាំងឡាយណាដែលទ្រទ្រង់នូវការសាបព្រោះ​ បណ្តុះពូជអោយបានលេចចេញជាលទ្ធផលផ្លែផ្កា​ ជាការបណ្តុះចំណេះវិជ្ជា និង ​ប្រាជ្ញស្មារតីអោយបានរីកចំ​រើនលូតលាស់ដោយវិទ្យាសាស្រ្ត រឺដោយសិល្បៈ​ផ្សេងៗ ។

សង្គម ៖​ ​សំដៅទៅលើការរស់នៅរួមរបវស់មនុស្ស មានទីលំនៅ មានរបររកស៊ី មានរបៀបបែប​បទទាក់ទងគ្នា ។

សង្គមធម៌ សំគាល់ធម៌ទាំងឡាយណា ដែលជាធាតុវិធី ធម៌ភាព រៀបចំសង្គមមនុស្សអោយមានសភាព ទំរង និងលក្ខណៈលូតលាស់ បានសេចក្កីថា រៀប​ចំសង្គមមនុស្សអោយរស់នៅបានស្រួល ​ប្រកបដោយគ្រឿងសំភារៈគ្រប់គ្រាន់ផងសភាពលក្ខណៈល្អប្រសើរថែមទៀត ។