ក្នុងពេលធ្វើសមាហរណកម្មមអាស៊ានយុវជន នឹងមានឱកាសមការងារក្នុងស្រុកតាមរយៈការវិនិយោគពីបរទេសនិងឱកាសការងារនៅក្រៅប្រទេស តាមរយៈការអនុញ្ញតឲ្យមានលំហូរដោយសេរីនៃកម្លាំងពលកម្មជំនាញដូច្នេះយុវជនគួរត្រៀមលក្ខណៈដូចខាងក្រោម ៖
- កសាងសមត្ថភាពប្រកបដោយគុណភាព និងភាពប្រកួតប្រជែងតាមរយៈការអប់រំនិងបណ្តុះបណ្តាលជំនាញ (ជំនាញបច្ចេកទេសនិងជំនាញទន់ ) ដែលមានលក្ខណៈឆ្លើយតបទៅនឹងតម្រូវការទីផ្សារការងារក្នុងប្រទេសនិងនៅតាមបណ្តាប្រទេសជាសមាជិកអាស៊ាន ។
- តាមដាននិងស្វែងយល់ជាប្រចាំអំពីព័ត៌មាន ទីផ្សារការងារ(ដូចជាៈឱកាសការងារឬកម្មសិក្សា ) នៅក្នុងប្រទេស (តាមរយៈទីភ្នាក់ងារជាតិមុខរបរ និងការងារ ) និងនៅក្រៅប្រទេសដើម្បីអាចវិភាគកលើនិន្នាការ ឬការវិវត្តរបស់ទីផ្សារការងារកក៏ដូចជាតម្រូវការក្នុងការបំប៉ន់ជំនាញបន្ថែមឲ្យស្របតាមទីផ្សារការងារ ។
- បង្កើនចំណេះដឹងផ្នែកភាសាបរទេស(អង់គ្លេស )ដើម្បីជាយានក្នុងការសិក្សាការទំនាក់ទំនង និងការកបំពេញការងារ ដោយយថាហេតុថាភាសាអង់គ្លេស និងក្លាយជាភាសាទំនាក់ទំនងរួម រវាងសមាជិកក្នុងសមាគមន៍អាស៊ាន ។
- សិក្សាស្វែងយល់ពីសង្គមវប្បធម៌ភាសា និងបែបបទបំពេញការងារនៅតាមបណ្តាប្រទេសជាសមាជិកឬប្រទេសដែលយុវជន មានបំណងស្វែងរកការងារធ្វើ ។ ការយល់ច្បាស់ពីរបៀបបំពេញការងារក្នុងវប្បធម៌មួយផ្សេងពីវប្បធម៌ដើមរបស់ខ្លួន អាចជួយសម្រួលដល់ការទំនាក់ទំនង និងបំពេញការងារដោយជោគជ័យចៀសវាងកំហុស ឬវិវាទកើតឡើងពីការយល់ច្រឡំលើការប្រតិបត្តិ ឬការប្រកាន់យករបស់វប្បធម៌នីមួយៗ ។
+ បញ្ហាប្រឈម
- បញ្ហាប្រឈមក្នុងក្របខណ្ឌបច្ចេកទេសគឺពុំទាន់មានការងារឯកភាពឲ្យបានទូលំទូលាយចំពោះកម្រិតស្តង់ដារនៃជំនាញឬការអប់រំក្នុងបណ្តាប្រទេសជាសមាជិក ។ ការខិតខំក្នុងការចងក្រងបណ្តាញសាកលវិទ្យាល័យអាស៊ានបានធ្វើឡើងតែលើគ្រឹះស្ថានឯកទេសមួយចំនួនប៉ុណ្ណោះ ។
- វិស័យអប់រំនិងការបណ្តុះបណ្តាលបច្ចេកទេសនិងវិជ្ជាជីវៈ មិនទាន់បានកសាងធនធានមនុស្សដែលមានសមត្ថភាពគ្រប់គ្រាន់លើគ្រប់ជំនាញនៅឡើយ ដើម្បីត្រៀមលក្ខណៈឆ្លើយតបតាមសេចក្តីត្រូវការរបស់ទីផ្សារការងារ ។
- ការផ្តល់ព័ត៌មានអំពីឱកាសការងារ និងព័ត៌មានទីផ្សារការងារតាមរយៈយន្តការដែលមានស្រាប់ (ទីភ្នាក់ជាតិមុខរបរ និងការងារ ) នៅមិនទាន់ជ្រួតជ្រាបដល់គ្រប់ស្រទាប់យុវជននិងកម្លាំងពលកម្មដែលនៅជនបទឆ្ងាយៗនៅឡើយ ដែលជាហេតុបណ្តាលឲ្យយុវជនខ្លះអាចមិនទាន់ស្វែងយល់ពីឱកាសការងារដែលមានច្រើន ។
- យុវជនដែលបោះបង់ការសិក្សា ឬយុវជននៅក្រៅសាលាអាចជាបញ្ហាប្រឈមដ៏ធំក្នុងការឈានចូលទីផ្សារការងារនិងការបណ្តុះបណ្តាលជំនាញ ។
- យុវជនខ្លះអាចមិនទាន់ស្វែងយល់បានស៊ីជម្រៅអំពីសហគមន៍អាស៊ានឬគោលដៅនៃការធ្វើសមាហរណកម្មសេដ្ឋកិច្ចឆ្នាំ២០១៥ ដូច្នេះពួកគេមិនបានត្រៀមខ្លួនទុកជាមុនទាំងលើការសិក្សានិងការបំពេញការងារ ។
