នៅក្នុងសង្គមជីវភាពរស់នៅប្រចាំថ្ងៃ យុវជនមួយចំនួនកំពុងប្រឈមមុខទៅនឹងបញ្ហាអសកម្ម ស្រី ស្រា ល្បែង គ្រឿងញៀន នោះបណ្តាលមកពីកត្តាដូចខាងក្រោម៖
ក. កត្តាគ្រួសារ
- ភាពក្រីក្រដែលងាយអូសទាញយុវជន
- គ្រួសារខ្លមធ្យម ឬក៏ធូរធាប៉ុន្តែបណ្តែតបណ្តាលកូនឲ្យខ្វះការអប់រំ
- រវល់ប្រកបការងារប្រកបមុខរបររកស៊ី ឬក៏រវល់ការងារក្នុងមុខងារមន្រ្តីរាជការ ដោយមិនបានអប់រំកូនហើយមានទស្សនៈថាការរកស៊ីចិញ្ចឹមផ្គត់ផ្គង់កូនចៅ គឺជាភារកិច្ចតែមួយគត់របស់គ្រួសារ ជាហេតុធ្វើឲ្យយុវជនទាំងនេះមានឱកាសគ្រប់គ្រាន់ងាយធ្លាក់ទៅក្នុងបញ្ហាអសកម្មទាំងនេះដូចជា ជក់គ្រឿងញៀន ដេកតាមផ្ទះសំណាក់ដើរលួចឆក់ប្លន់... ។
ខ. កត្តាសាលារៀន
- ជីវភាពគ្រូបង្រៀនមានកម្រិតតទាបជាងសិស្ស និស្សិតមិនហ៊ាននិយាយអប់រំសិស្ស និងខ្លាចនូវអំពើហិង្សាដែលបង្កឡើងដោយសិស្សនិស្សិតគ្រប់រូបភាព
- សាលាមានពេលវេលាតិចតួចណាស់ក្នុងការអប់រំ
- សាលារៀនពេលខ្លះខ្លាចឥទ្ធិពលឪពុកម្តាយរបស់សិស្សដែលមានបុណ្យសក្តិ អំណាចតួនាទី....
គ. កត្តាសង្គម
- ការចូលរយមពីមជ្ឍដ្ឋានសង្គមនៅមានកម្រិត
- អំណាចច្បាប់នៅក្នុងសង្គមមានការធុររលុង ការសហការរវាងតុលាការ និងសកម្លាំងសមត្ថិកិច្ចពុំទាន់មានភាពរលូននឹងគ្នា
- ការលុកលុយវប្បធម៌បរទេសយ៉ាងអនាធិបតេយ្យដែលធ្វើឲ្យយុវជនងាយទទួលយកនិងអនុវត្តដោយល្ងិតល្ងង់ដោយគ្មានព្រំដែន
- ប្រព័ន្ធផ្សព្វផ្សាយព័ត៌មានមួយចំនួនមិនបានយកចិត្តទុកដាក់ក្នុងការអប់រំយុវជន ប៉ុន្តែបែរជាជួយផ្សព្វផ្សាយនូវអ្វីដែលលអាក្រក់ថែមទៀតដល់យុវជនដូចជា ខ្សែភាពយន្តអាសអាភាស ប្លន់កាប់ចាក់ ចាបជម្រិត ទស្សនាវដ្តីសិចជាដើម
- ការសាបព្រោះនូវឥទ្ធិពលអាក្រក់ពីកូនអ្នកមានអំណាច បុណ្យសក្តិទឹកលុយច្រើនតែងតែរួចខ្លួនពីសំណាញ់ច្បាប់ ។
ឃ. កត្តាបុគ្គលផ្ទាល់ខ្លួន
- ការសេពគប់សមាសភាពមិត្តមិនល្អ
- ការស្វែងយល់អ្វីៗដែលប្លែកៗតាមរយៈការអូសទាញរបស់សម្ភារៈលុយកាក់ ដោយសារតែការខ្វះខាតការអប់រំនិងភាពក្រីក្រ
- អាងទៅលើបុណ្យសក្តិលុយកាកករបស់ឪពុកម្តាយ
ង. ស្ថិតនៅចំពោះមុខបញ្ហាអសកម្មទាំងនេះយុវជន យុវនារីត្រូវមានភារកិច្ច និងអាកប្បកិរិយាដូចតទៅ៖
- រស់នៅមានសីលធម៌ល្អ គោរពឪពុកម្តាយ បងប្អូន គ្រូ ចាស់ព្រឹទ្ធាចារ្យដើម្បីសក្តិសមជាកូនល្អ សង្គមឲ្យបានខ្ជាប់ខ្ជួន ដើម្បីក្លាយជាពលរដ្ឋល្អរបស់សង្គមជាតិ
- ត្រូវចៀសវាងនូវអំពើអបាយមុខឲ្យបានដាច់ខាត
- ត្រូវចូលរួមគ្រប់សកម្មភាពរបស់សង្គម ដើម្បីទប់ស្កាត់នូវអំពើអបាយមុខទាំងនេះដើម្បីសម្រេចឲ្យសង្គមមានស្ថេរភាព
- មិនត្រូវសេពគប់សមាសភាពមិត្តមិនល្អ ហើយត្រូវតែរាយការណ៍ដល់សមត្ថកិច្ចដើម្បិរកវិធានការជាបន្ទាន់ ។
សរុបមក យុវជនត្រូវតែធ្វើអ្វីៗដើម្បីសុភមង្គល គ្រួសារ សាលារៀន និងសង្គមឲ្យមានការរីកចម្រើន ថ្លៃថ្នូរខ្ពង់ខ្ពស់ ។
