យុទ្ធសាស្រ្តជាតិកាត់បន្ថយភាពក្រីក្រ បានកំណត់នូវសម្មភាពអាទិភាពដើម្បីដោះស្រាយមូលហេតុចម្បងនៃភាពក្រីក្រ ។ បញ្ហាគន្លឹះនៃពលកម្មកុមារ ត្រូវមានការគិតគូរទៅលើទិដ្ឋភាពដូចម្តេចខ្លះដើម្បីលុបបំបាត់ពលកម្មកុមារ សូមអធិប្បាយចំណុចគន្លឹះសំខាន់ៗ ?

 គន្លឹះក្នុងការលប់បំបាត់ពលកម្មកុមារ គឺជាការផ្តល់ឱកាសអប់រំ ដែលកុមារក្រីក្រអាចទទួលយកបាននិងមានលទ្ធភាពទទួលបាន នូវបរិស្ថានមួយដែលបង្កឲ្យមានការអភិវឌ្ឍន៍ផ្នែកជីវភាព ផ្នែកចិត្តគំនិត ផ្នែករាងកាយ និងផ្នែកសីលធម៌របស់កុមារ ។ ប្រសិនបើសាលារៀន សម្ភារៈសិក្សា ​និងអាហារូបត្ថម្ភមិនមានគ្រប់គ្រាន់ សម្រាប់កុមារនោះតងេការទប់ស្កាត់ពលកម្មកកុមារនឹងក្លាយជា​អត់ប្រយោជន៍ ។

          រដ្ឋធម្មនុញ្ញ នៃព្រះរាជាណាចក្រកម្ពុជាធានាឲ្យអប់រំជាមូលដ្ឋានរយៈពេល៩ឆ្នាំ ។ ផែនការជាតិស្តីពីការអប់រំ​សម្រាប់ទាំងអស់គ្នាបានផ្តល់នូវក្របខណ្ឌការងារមួយដើម្បីធ្វើឲ្យប្រសើរឡើងនូវគុណភាព និងប្រសិទ្ធភាពនៃសេវាអប់រំនិងពង្រីកសេវាអប់រំនានាឲ្យបានទៅដល់ប្រជាជនក្រីក្រ និងប្រជាជន​រស់នៅតាមតំបន់ជនបទឆ្ងាយដាច់ស្រយោល ។

          ភាពអន់ថយ នៃហេដ្ឋារច​នាសម្ព័ន្ធដទៃទៀតគឺជាលក្ខខណ្ឌដែលរារាំងមិនឲ្យប្រជាជនទទួលបាននូវសេវា តាមរយៈកម្មវិធីសុវត្ថិភាព​ដូចជាកម្មវិធីធ្វើការដើម្បីអាហារ កម្មវិធីកំណែទម្រង់ប្រព័ន្ធតុលាការ កម្មវិធីផ្តល់អាហាររូបករណ៍ដល់កុមារនៃគ្រួសារក្រីក្រនិងកម្មវិធីមូលនិធិសមធម៌សម្រាប់អ្នកក្រីក្រក្នុងហេដ្ឋារចនាសម្ព័ន្ធសុខភាព និងកម្មវិធីទប់ស្កាត់ជម្ងឺឆ្លងផ្សេងៗដល់កុមារ និងជនក្រីក្រ ។