Point Center Login Help

ចង់ប្តូរការងារ ឬ កំពុងស្វែងរកការងារ​​ ផ្វើសារឥឡូវនេះ

Answer 1


ករណីយកិច្ចរបស់សាម៉ីខ្លួននិងអ្នកពាក់ព័ន្ធក្នុងការសម្រេចសិទ្ធិអប់រំចំណេះដឹងទូទៅមូលដ្ឋាន ៩ឆ្នាំមាន៖

ក. ចំពោះសាម៉ីខ្លួនផ្ទាល់ៈ

  • ខិតខំ ព្យាយាមរៀនសូត្រ ស្វ័យសិក្សា ស្វ័យស្រាវជ្រាវ
  • យកចិត្តទុកដាក់ រាល់កិច្ចការដែលគ្រូសាលារៀនដាក់ឲ្យធ្វើ
  • គោរព អនុវត្ត វិន័យបទបញ្ជាផ្ទៃក្នុងសាលារៀន និងច្បាប់សង្គម ឬនិយ័តភាពសិក្សាទៀងទាត់
  • គោរព​ និដអនុវត្តតាមការទូន្មាន អប់រំរបស់មាតាបិតា ឬអាណាព្យាបាល គ្រូបាធ្យាយ
  • ចេះរស់នៅក្នុងសង្គម មានសាមគ្គីភាព រក្សាមិត្តភាព ចេះរក្សាសុខភាព។

ខ. គ្រួសារ និងមាតាបិតាៈ

  • បញ្ជូនកូនឲ្យទៅសាលារៀន
  • ផ្គត់ផ្គង់កូនឲ្យរៀនសូត្រ ឬបង្កលក្ខណៈ ឬផ្តល់ឱកាសឲ្យកូនបានរៀនសូត្រ
  • តាមដានការសិក្សារបស់កូនចាប្រចាំ ឬមានទំនាកើទំនងល្អជាមួយសាលារៀន-គ្រូ
  • អប់រំដាស់តឿនកូនឲ្យរៀនសូត្រ ធ្វើរាល់កិច្ចការរបស់គ្រូ និងកិច្ចការសាលា
  • លើកទឹកចិត្តកូនឲ្យខិតខំរៀនសូត្រ។

គ. សាលារៀន ឬនាយកត្រូវៈ

  • គ្រប់គ្រងវិន័យ បទបញ្ចាផ្ទៃក្នុង សកម្មភាពបង្រៀន-រៀន
  • អប់រំ ទូន្មានប្រៀនប្រដៅគ្រូ និងសិស្ស
  • តាមដានសកម្មភាពរបស់សិស្ស និងមានទំនាក់ទំនងល្អជាមួយមាតាបិតា​ ឬអាណាព្យាបាលសិស្ស យកចិត្តទុកដាក់ចំពោះសិស្សទុគ៌តក្រីក្រ
  • ផ្តល់ចំណេះដឹង ចំណេះជំនាញងាយៗ បំណិនជីវិត និងបរិស្ថាន
  • សហការល្អជាមួយសហគមន៍ និងរដ្ឋអំណាចមូលដ្ឋាន។

ឃ. រដ្ឋាភិបាល និងក្រសួងអប់រំៈ        

  • បង្កើតសាលារៀន រៀបហេដ្ឋារចនាសម្ព័ន្ធអប់រំ
  • បណ្តុះបណ្តាលគ្រូ
  • ជួលគ្រូបង្រៀន
  • រៀបចំកម្មវិធីសិក្សា
  • ពង្រីកកម្មវិធីអប់រំ។

ង. សហគមន៍

  • ចូលរួមជួយកសាង ថែរក្សា កាពារមូលដ្ឋានសម្ភារៈរូបវ័ន្ត
  • ចលនា មាតាបិតា ឲ្យបញ្ជូនកូនទៅសាលារៀន ចលនាកុមារឲ្យទៅសាលារៀន
  • ចូលរួមគ្រប់គ្រងទុនវិនិយោគសម្រាប់វិស័យអប់រំ
  • ចូលរួមតាមដានការសិក្សារបស់កុមារ
  • ចលនាបង្កើតថ្នាក់អក្ខរកម្ម ថ្នាក់បំពេញវិជ្ជាសម្រាប់មនុស្សពេញវ័យ។

ច. អាជ្ញាធរដែនដី

  • រក្សា ការពារ សុវត្ថិភាពសង្គម សន្តិសុខសាធារណៈ
  • គ្រប់គ្រងស្ថិតិ ផែនការអប់រំ
  • មានវិធានការ ធានានិរន្តរភាពសិក្សា
  • ទប់ស្កាត់បាតុភាពអាសអាភាសនៅជុំវិញសាលារៀន
  • បំផុសប្រជាជន មហាជនឲ្យជួយផ្គត់ផ្គង់ និងសហការជាមួយសាលារៀន

ឆ. សង្គមស៊ីវិល ឬ NGO OI ( អង្គការក្រៅរដ្ឋាភិបាល )

  • រួមចំណែកជួយជនងាយរងគ្រោះ ឬក្មេងអនាថាឲ្យបានចូលរៀន
  • រួមចំណែកបង្កើតថ្នាក់ពិសេស ថ្នាក់សមាហរណកម្ម
  • រួមចំណែកលើកកម្ពស់វិស័យអប់រំក្នុងរង្វង់សមត្ថកិច្ច ដើម្បីសម្រេចបានសិទ្ធិអប់រំរបស់កុមារ។
  • ផ្តល់ថវិកា សម្ភារៈសិក្សា...
  • ជួយបណ្តុះបណ្តាលធនធានមនុស្ស៕

Login or Register to Share Login

×

×

Tips to earn more points:

  • Get 2 point for each question.
  • Learn more how to earn point quickly with Point Center

Login

×

One more step

Please login to share your idea

Register Login