ពេលផ្ទឹមរួច កូនប្រុសត្រូវតោងស្បៃកូនស្រីចូលទៅក្នុងបន្ទប់តើទំនៀមទំលាប់នេះមកពីណា ?

ក្រោយពេលផ្ទឹមបង្វិលពពិលរួចហើយ កូនប្រុសត្រូវតោងស្បៃកូនស្រីចូលទៅក្នុងបន្ទប់ ។ ទំនៀមទំលាប់នេះគេបានយកតាមតំរាប់នៃរឿងព្រេងខ្មែរ គឺព្រះថោងនាងនាគ ។ រឿងនេះបានដំណាលថា ក្រោយពេលរៀបមង្គលការ ព្រះថោង បានតោងបន្ទុយនាងនាគ ទៅឋានភុជង្គនាគ ដែលជាកន្លែងស្នាក់នៅរបស់ស្តេចនាគ ។ ដើម្បីជាចំនងដៃដល់កូនប្រុសស្រី ស្តេចភុជង្គ បានបូមទឹកសមុទ្រចេញ ដើម្បបង្កើតបានជានគរមួយសំរាប់កូនព្រះអង្គ ។ អ្នកនៅលើប្រទេសនេះជាកងពលនាគ រឺនាគ ។ ពាក្យនាគ បានក្លាយទៅជាពាក្យ “នាក់” រឺ “អ្នក” ដែលសំរាប់សំគាល់មនុស្សនៅលើទឹកដីនេះ គឺជាជនជាតិខ្មែរយើងនេះឯង ។ ការតោងកន្ទុយនាគរបស់ព្រះថោង បានក្លាយទៅជាទំនៀមទំលាប់សំរាប់កូនប្រុស ក្នុងពេលរៀបមង្គលការត្រូវតែតោងស្បៃកូនស្រី ដើម្បីចូលទៅក្នុងបន្ទប់ ។