តើការធ្វើវាលុកចេតិយផ្តល់អានិសង្ឃយ៉ាងដូចម្តេច ? ចូរបញ្ជាក់ ។

ក្រៅអំពីសំការសូត្រ នៅមានរឿងមួយទៀត ហៅថា អានិសង្ឃវាលុកចេតិយ ។ រឿងនេះបានបង្ហាញពីអានិសង្ឃជាច្រើននៃការសាងវាលុកចេតិយ ហើយព្រះភិក្ខុតែងតែយករឿង នេះមកទេសនានៅពេលវេលា នៃការឆ្លងវាលុកចេតិយនេះឯង ។ និទានរឿងពីព្រះពោធិសត្វដូចតទៅ ៖

ដំណាលពីព្រះពោធិសត្វ នាមបារិក ជាឈ្មួញសំពៅ ។ នាសម័យនោះបារិកបានបើកសំពៅទៅធ្វើជំនួញ ក៏បានប្រទះឃើញផ្នូកខ្សាច់សល្អនៅតាមឆ្នេរសមុទ្រ ក៏បបួលពួកពាណិជ្ជករដែលទៅជួញជាមួយគ្នា បើកសំពៅឆៀងចូលទៅចត ជិតផ្នូកខ្សាច់នោះ ហើយនាំគ្នាគជាវាលុកចេតិយ ឧទ្ទិសជាតំណាងចូឡាមណីចេតិយ ដែលបញ្ចុះព្រះចង្កូមកែវរបស់ព្រះពុទ្ធពីបុរាណ និងប្រតិស្ថានទៅឋានត្រៃត្រឹង្សទេវលោកពួកពាណិជ្ជករ ទាំងនោះក៏បេះយកផ្កាឈើមកបូជា ដើរប្រទក្សិណ៣ជុំ ហើយនាំគ្នាចុះទៅសំពៅបើកចេញទៅជួយតទៅទៀត ។

បារិកពោធិសត្វ និងពួកឈ្មួញអំបាលនោះ ពេលចាកលោកទៅហើយបានទៅកើតជាទេវបុត្រ នៅឋានសួគ៌ជាច្រើនជាតិ ។ លុះច្យុតពីឋានសួគ៌មកកើតក្នុងមនុស្សលោក បានជាស្តេចចក្រពត្តិ និងជាស្តេចឯករាជ្យជាច្រើនជាតិ ។ ក្នុងទីបំផុត បារិកពោធិសត្វ ក៏បានត្រាស់ជាព្រះពុទ្ធ ដោយសារអំណាច ផលានិសង្ឃ ដែលបានសាងវាលុកចេតិយនេះឯង ។