អ្វីទៅជាព្រះរាជក្រម ?

ព្រះរាជក្រម ព្រះមហាក្សត្រ ចេញព្រះរាជក្រមប្រកាសឲ្យប្រើរដ្ឋធម្មនុញ្ញ និងច្បាប់នានាដែលរដ្ឋសភាបានអនុម័ត និងព្រឹទ្ធសភាបានអនុម័តយល់ស្របលើទម្រង់ និងគតិច្បាប់ ។ ជាមួយនេះ ក្នុងការរៀបរាប់អំពីការធ្វើព្រះរាជក្រម គេត្រូវរៀបរាប់អំពីលំដាប់នៃការកសាងច្បាប់ផងដែរ ។ ខ្លឹមសារនៃច្បាប់ គឺពាក់ព័ន្ធទៅនឹងសិទ្ធិ កាតព្វកិច្ច និងករណីកិច្ច របស់ពលរដ្ឋគ្រប់រូប ។

            មាត្រា៩១ ថ្មី នៃរដ្ឋធម្មនុញ្ញ បានចែងថា ៖ “ សមាជិករដ្ឋសភា សមាជិកព្រឹទ្ធសភា និងនាយករដ្ឋមន្ត្រីមានសិទ្ធិផ្តួចផ្តើមគំនិតធ្វើច្បាប់ “ ។ សេចក្តីព្រាងច្បាប់ជាច្រើនត្រូវបានរដ្ឋាភិបាលជាអ្នកផ្តួចផ្តើម គំនិតធ្វើរួចដាក់ជូនរដ្ឋសភា នឹងព្រឹទ្ធសភា ពិនិត្យ និងអនុម័ត ។

            ច្បាប់ដែលរៀបចំធ្វើ ដោយរាជរដ្ឋាភិបាល ហៅថាសេចក្តីព្រាងច្បាប់ ។

            ច្បាប់ដែលរៀបចំធ្វើ ក្រុមតំណាងរាស្រ្ត ហៅថាសេចក្តីស្នើច្បាប់ ។