វិញ្ញាសាប្រវត្តិសាស្រ្តនៃបុរេប្រវត្តិសាស្រ្ត( វិញ្ញាសាទី៥)

សំនួរ

១. តើឧបករណ៍ ដែលមនុស្សបុរេប្រវត្តិសាស្រ្តធ្លាប់ប្រើប្រាស់មានអ្វីខ្លះ ?

២. តើយុគថ្មបំបែកចាប់គិតពីឆ្នាំពីណាដល់ឆ្នាំណា ? យុគថ្មរំលីង ចាប់គិតពីឆ្នាំណា ដល់ឆ្នាំណា ? យុគលោហៈពីឆ្នាំណាដល់ឆ្នាំណា  ?

៣. តើប្រវត្តិសាស្រ្តខ្មែរគិតចាប់ពីឆ្នាំណាមក ? ព្រោះអ្វី ?

៤. តើខ្មែរមែនទេដែលជាអ្នកកត់ត្រាប្រវត្តិសាស្រ្តខ្លួនឯងនៅឆ្នាំ៥០នៃគ.ស ? ហេតុអ្វី ?

៥. តើខ្មែរមានអក្សររបស់ខ្លួន ដែរឬទេ ?

ចម្លើយ

១. ឧបករណ៍ ដែលមនុស្សបុរេប្រវត្តិសាស្រ្តធ្លាប់ប្រើប្រាស់មានដូចជា៖

• ឧបករណ៍ប្រើប្រាស់៖ ដឹង ពូថៅ ចុងព្រួញ កាំបិត លំពែង ពន្លួញស្រួច និងពន្លួញមានព្រួញ ផ្លែកណ្តៀវ កញ្ជើ ថូ ភាជន៍ ឆ្នាំង ស្គរ គែន ពុម្ពស្មិតធ្វើលោហធាតុរឹង ទូក ច្បូក ស្ន ផ្លៃសន្ទួចដ ជាដើម  ។
• គ្រឿងអលង្កា៖ ខ្សៀ ត្រល់ ក្រសាល់ កងដៃ កងភ័ណ្ឌ ខ្សែរក ក្រវិល ក្រសាល់ត្រចៀក បន្តោងខ្សែ កងជើង អង្កាំ ទម្ហូរ ចិញ្ចៀន ចង្រ្កង់ជាដើម ។
• សំណល់ចំណីអាហារ៖ ធ្យូង សំណល់ផ្ទះបាយ និងសំបកខ្យង គ្រំ លៀស ឆ្អឹងត្រីជាដើម ។

២.

• យុគថ្មបំបែក ចាប់គិតពី ៥០០,០០០ ដល់ ១០,០០០ មុនគ.ស
• យុគថ្មរំលីង ចាប់គិតពី ១០,០០០ ដល់៣៥០០ មុនគ.ស
• យុគថ្មលោហៈ ចាប់គិតថា ៣៥០០ រហូតដល់កកើតរដ្ឋដំបូងៗ ។

៣. ប្រវត្តិសាស្រ្តខ្មែរ គិតចាប់ពីឆ្នាំ៥២នៃគ.ស មកពីព្រោះប្រវត្តិសាស្រ្ត គេគិតចាប់ពីមានការកើតនូវអក្សរ ។ អក្សរនេះមិនមែនខ្មែរជាអ្នកកត់ត្រាទេ ។

៤. ខ្មែរមិនបានកត់ត្រាប្រវត្តិសាស្រ្ត ខ្លួនឯងទេនៅឆ្នាំ ៥២នៃគ.សនោះ គឺចិនបានកត់ត្រាអំពីហ្វូណន នៅពេលបេសកទូតចិនមកដល់ហ្វូណន ។ បេសកទូតចិន បានមកសល់ហ្វូណននៅឆ្នាំ ២៣០គ.ស និងបានកត់ត្រាពីរឿងរ៉ាវរបស់ហ្វូណន ប្រមាណជា២០០ឆ្នាំមុន ។

៥. ខ្មែរមិនមានអក្សរផ្ទាល់ជារបស់ខ្លួនទេ ។