វិញ្ញាសាជីវៈវិទ្យា សម្រាប់ត្រៀមប្រឡងសញ្ញាបត្រមធ្យមសិក្សាទុតិយភូមិ (វិញ្ញាសាទី៩)

សំណួរ

១. ក្រោយពេលបរិភោគអាហារ តើសារធាតុចិញ្ចឹមដែលជ្រាបចូលទៅក្នុងឈាមមានអ្វីខ្លះ ?

២. ហេតុអ្វីបានជាគេនិយាយថាប្រូតេអ៉ីនជាអ្នកការពារ ?

៣. ចូរឪ្យនិយមន័យអាស៊ីតអាមីនេស្ដង់ដារ និងមិនស្ដង់ដារ ?

៤. ការពិសោធន៍អង់ស៊ីម នៅពេលគេចាត់ទឹកអុកស៊ីសែនណេទៅក្នុងកែវវជ័រដែលមានដាក់ថ្លើមសត្វរួចជាស្រេច គេពិនិត្យឃើញមានអ្វីកើតឡើងនៅក្នុងកែវជ័រនោះ ? ព្រោះអ្វី ?

៥. តើវិស្វកម្មស៊ីនេទិចផ្ដល់ផលអាក្រក់ដល់មនុស្សជាតិដូចម្ដេចខ្លះ ?

ចម្លើយ

១. ក្នុងនោះរួមមាន គ្លុយកូស អាស៊ីតអាមីនេ អំបិលខនិជ វីតាមីន អាស៊ីខ្លាញ់ និងគ្លីសេរ៉ូល ។

២. ប្រូតេអ៉ីតជាអ្នកការពារ ព្រោះវាអាចការពាររាងកាយប្រឆាំងនឹងការជ្រៀតចូលនៃមេរោគពេលមានរបួសការពារបាត់បង់ឈាមពេលដាច់សរសៃរឈាមធ្វើឪ្យឈាមកក ។

៣. អាស៊ីតអាមីនេស្ដង់ដារវាងគឹជាអាស៊ីតអាមីនេទាំង២០ ប្រភេទដែលមាន ធាតុបង្ករបស់ប្រូតេអ៉ីនគឺវាមានកម្រសេនេទិចសម្រាប់កំណត់ ។ អាស៊ីតអាមីនេមិនស្ដង់ដារគឺជាអាស៊ីតអាមីនេដែលមាននាទីចាំបាច់ក្នុងមេតាប៉ូលីស ប៉ុន្ដែវាមិនមែនជាសារធាតុបង្ករបស់ប្រូតេអ៉ីនទេ ។

៤. នៅពេលគេចាក់ទឹកអុកស៊ីសែនណេទៅក្នុងកែវជ័រដែលមានដាក់ថ្លើមសត្វរួចជាស្រេច គេពិនិត្យយើញមានពពុះកើតឡើងនៅក្នុងកែវជ័យនោះ ពីព្រោះនៅក្នុងថ្លើមសត្វមានអង់ស៊ីមកាតាឡាសបំបែកទឹកអុកស៊ីសេនណេឪ្យទៅជាអុកស៊ីសែន និងទឹក ។

៥. វិស្វកម្មស៊ីនេទិចផ្ដល់ផលអាក្រក់ដល់មនុស្សជាតិរួមមាន ៖

+ គ្រោះថ្នាក់ចំពោះបរិស្ថាន ៖

• សម្លាប់សត្វដែលរស់នៅលើរុក្ខជាតិ GM ដែលធ្វើឪ្យស្លាប់ដល់ជីវៈចម្រុះលើផែនដី ។
• ធ្វើឪ្យសត្វល្អិតមួយចំនួនអាចសុំានិងបង្កើតភាពធន់នឹងសារធាតុពុលផ្សេងៗ
• បង្កើតភាពអារដល់រុក្ខជាតិដោយមិនឪ្យផលិតគ្រាប់លំអងសម្រាប់បង្កាត់ពូជ

+ ​គ្រោះថ្នាក់ចំពោះសេដ្ឋកិច្ច ៖

• ក្រុមហ៊ុនផលិតគ្រាប់ GM ការពារយ៉ាងស្របច្បាប់មិនឪ្យក្រុមហ៊ុនដទៃផលិតគ្រាប់រុក្ខជាតិ GM ដូចគ្នាបាន
• កសិករមិនអាចយកគ្រាប់រុក្ខជាតិទុកធ្វើពូជបានគឺត្រូវទិញពីក្រុមហ៊ុនរៀងរាល់ឆ្នាំ ។

+ គ្រោះថ្នាក់ចំពោះសុខភាព

• ធ្វើឪ្យមានប្រតិកម្មពីប្រព័ន្ធភាពសុំាពេលបរិភោគសារធាតុដែលបាននមកពីវិស្វកម្មសេនេទិច
• សែនខ្លះធ្វើឪ្យមានធន់នឹងអង់ទីប្យូទិចដែលធ្វើឪ្យជម្ងឺ ដែលព្យាបាលដោយអង់ទីប្យូទិចមិនអាចព្យាបាលបានជា
• មនុស្សខ្លះធ្វើឪ្យចេតនានឹងបង្កើតបន្សំសែនថ្មីសម្រាប់ផលិតសារធាតុគីមីប្រើប្រាស់ក្នុងសង្គ្រាម

+ គ្រោះថ្នាក់ចំពោះសង្គមនិងសីលធម៌

• ធ្វើឪ្យមានមុយតាស្យុងសែនក្នុងអូវុល ស្ដែម៉ាតូសូអ៉ីត ដែលឪ្យប៉ះពាល់ដល់សណ្ដានក្រោយ
• បែកចែកវណ្ណៈ ពីព្រោះអ្នកមានចំនួនទើបអាចប្រើប្រាស់វិស្វកម្មសេនេទិចនេះបាន
• អ្នកប្រកាន់សាសនាមិនដូចគ្នាទទួលស្គាល់ការច្នៃសែនធម្មជាតិដើម្បីបង្កើតសារពាង្គកាយ ។

វិញ្ញាសាទី១០